Daniiele 6:4 - O Mikanda Ikola

⁴ Kienhiki ni mavunda ni ilamba akuata ku sota kithangana kia kukuata Daniiele ni kikuma ku utuminu uenhó, phala a mu kundûle; maji kikuma ni mulonga a ki tokoka; mbata muene uakexe fiiele, uendelu uê ki u moneka kisému, mba mulonga.

Daniiele 6:4 Iomraidhean Croise

Dimatekenu 41:38

Falaó anga u ambela akua mbèle iê, uixi: Muthu tu mu sanga kuebhi, u soka ni muenhú, muthu a mu tunga kuala nzumbi ia Nzambi?

Dimatekenu 43:18

Maji ene-phe kia mono a a bheka ku bhata dia Zuze, uoma ua a kuata, exi: Nga fika mukonda dia kitadi kia vutukile mu jisaku jetu, thembu i tua diangele kuiza, kiene kia tu bhekela ku bhata diê, phala a tu die milonga, nʼa tu lundame ku thandu, a tu bhange ku kala tu abhikʼê, ni ku tu bhunda o jijumento jetu.

Jisabhu 29:27

Muthu ua bhumu, o mukua mangonha, u di bhanga kisunji phala athu aiuka; o mukua mauendelu ma kidi ue, u di bhanga kisunji phala muthu ua bhumu.

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 18:23

Maji eie-phe, Jihova, tata, uejiia kikutu kiâ kioso kia ngi te phala ku ngi jibha; kikuma kiâ ku ki loloke, o kituxi kiâ ki xale muene bhu pholo ié, ku ki jimune, maji a di bhukane muene bhu pholo ié; u a bhanga kienhiki bhu thembu ia njinda ié.

Jelemiia 20:10

Mukonda nga mu kuívua ki ala kulongolola o mundu, o ku mbandu joso ku kuata uoma, exi: Tu ambelienu-kiu etu tua kà mu tungunune; katé ni iá u nga di bhana-nâ ala ku kinga o kubhendujuka kuami, exi sumba u kala ni bhua tolokela; bhene-phe kiá bhu tua-nda ku mu kuatela, tu mu bhuile mabhukubhuku.

Jelemiia 29:7

Sotenu kutululuka kua mbonge mu nga mi balakala, sambelenu-iu kua Jihova; mbata mu ku tululuka kuê, enu ue mu kala ni kutululuka.

Daniiele 3:8

Anga mu kithangana kienhokio kutukuluka mala amoxi-mu, akua Kaldeia, anga a xitala o jijudé.

Daniiele 5:12

muenhú uene ni muẋima uabeta ujitu, ni kuijiia, ni unjimu, ujingununa jinzoji, utetulula dioso diba dia jinganana, ubhuisa jiphata, ima ioso iii a i sange kua muthu umoxiʼú, Daniiele, a mu luka kuala muenexi uixi: Beltexazale. Tumenu-phe Daniiele, muene uanda kubhana o dijimbuluilu dia kisoneku kiki.

Daniiele 6:22

Nzambi iami uatumina anjo iê, iú uajika o makanu ma jihoje, phala ki ji ngi kuame mukonda bhu pholo iê ka ngi sange ni kikuma; né-mbe ko kuê, sobha, eme ki nga ku te kituxi kia kima.

Matesu 26:4

anga a kala mu di longesa kioso kia kuata Jezú mu ndunge, phala ku mu jibha.

Matesu 27:18

Mbata Pilatu muene ua kʼijiia kuila o Jezú a mu thelekala ngoho mukonda dia dixinga dia mu kuatelele ene.

Luka 20:20

Anga a kala ku mu batamena, hé a tuma-ku jiphombi ja futila kitadi, ja di fikisa kala athu aiuka, phala ku mu kuatela mu kuzuela kuê, ni a mu bhane ni mulonga kua nguvulu.

Luka 20:26

Ene bhenhobho ka tena kukuata o kizuelu kiê bhu pholo ia athu. Anga a mu diuana kia vutula, hé a di xibha.

Luka 22:2

O makota ma jinganga, ni asoneki, anga a kala mù sota ndunge ia kujibha Jezú, mukonda ala ni uôma ua mundu.

Nzuá 19:4

Pilatu anga u tunda dingi, u ambela Jijudé, uixi: Talesenu! Nga-nda ku mi bhekela-nê bhu kanga, ni mu ijiie kuma eme ki ngi mu mono ni kituxi.

II Kolindo 11:12

Kioso-phe ki nga bhange, kiene hanji ki ngi bhanga jinga, phala o Jipoxolo jeniojo, nga a katule o kudihanza, kua kuila kuma a mu bhanga kikalakalu kia soko ni kietu.

Filipe 2:15

phala mu kale mu athu ki mu moneka kuêla, ki mu moneka kulokalala, mu anʼ a Nzambi mua tenena sé kikuma, mua di lungu ni muiji ua athu a bhengalala, ezala ni ituxi.

I Timote 5:14

Mukonda dia kiki, nginda-phe atudi oso kiluua a kuka, a sakane, a kale ni ana, ongeke mabhata mâ, phala o nguma jetu ka a bhane bhuma bhua tu tela môndo ni ku tu zuela kiaiibha.

Tito 2:8

Maka mé, ma kale ma mbote, ka tena ku mʼêla, phala ió uoso u-lua phata, sonhi ji mu kuate, kuma ka tu mono ni kima kioso ki a tena ku tu âmba.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.

Afundixi 14:4

Tatʼâ-phe ni mamʼâ ka kʼijiia kuila kia tundu kua Jihova; mukonda Sansau uala kusota bhuoso bhua kuatela mvunda ni akua Fidíxia. Mbata thembu ienhoio akua Fidíxia ene ala mu tumina Izalaiele.

I Samuuele 12:4

Ene a mu vutuila, exi: Kana, eie kua tu di mangonha oso-oso, kua tu zukutisa, kua tambula ue kitadi bhu maku a muthu.

I Samuuele 18:14

Davidi anga u kumbidila ni kilunji mu jinjila jê joso; Jihova anga u kala-nê.

I Samuuele 22:14

Ahimeleke anga u vutuila muenexi, uixi: Ku makuenze mé moso-phe nanhi ua ku kala fiiele, u soka ni Davidi, muene holomiʼê eie u muenexi, ua tumaka kiambote mu kionge kia jitata, muthu ua ujitu ku mbanza?