Daniiele 6:3 - O Mikanda Ikola

³ Daniiele anga u di tungula, mu axaxi ka mavunda ni ilâmba; mukonda mua muene mua kexe muẋima uabeta ujitu; Sobha-phe hé ukala mu kuxinganeka ku mu xikika ku thandu dia utuminu uoso.

Daniiele 6:3 Iomraidhean Croise

Ejidala 4:22

Enu-phe di langienu, ima iii kana ku i kuatela usudi mba mu kala na-iu ni usonde; phala ki mu bhange kutondala mu ima ii, mbata o kuẋamuna kuvudilaʼhi kiki ku jisobha?

Nehemiia 7:2

eme anga ngi xinda, phangʼiami Hanane, ni Hananiia, dikota dia mbonge, ngixi a kale ku pholo mu Jeluzaleme, mukonda dia muene kukala diiala dia uthu ni ujitu, mukua uoma ua Nzambi, akuá avulu dingi ndenge.

Estere 10:3

Kuma o judé Moledekai muene kaiadi ua kaiela kua muenexi Asuuelu, anga u kala ni kijingo muʼaxaxe ka jijudé, kuma muthu uambote, o mundu ua akuʼâ a di tumu-nê kiambote, u sota jinga muiji uê ku u bhanga mbote hé u kalakela muiji uê, ni aluluʼâ mu ku a xila kutululuka.

Jisabhu 17:27

Muthu uoso mu kuzuela kuê maka uia ni ku a fikisa, ió muene o njimu; o muthu u kala ni muẋima ua tululuka, iò uala ni kilunji.

Jisabhu 22:29

Eie ua mono muthu uala ni makidikidi mu kikalakalu kiê? Muenhó-phe hinu a-nda ku mu xikika bhu pholo ia jingana; ka tena ku mu tula ngó bhuamoxi ni athu ió a sebhuluka.

Ndongixi 2:13

Bhenhobho nga mono kuila o kuijiia kua beta muene kota mu ku ta o uôua ndenge, mukuâ ni muanha ki u kala kota mu ku uabha o usuku ndenge.

Daniiele 5:12

muenhú uene ni muẋima uabeta ujitu, ni kuijiia, ni unjimu, ujingununa jinzoji, utetulula dioso diba dia jinganana, ubhuisa jiphata, ima ioso iii a i sange kua muthu umoxiʼú, Daniiele, a mu luka kuala muenexi uixi: Beltexazale. Tumenu-phe Daniiele, muene uanda kubhana o dijimbuluilu dia kisoneku kiki.

Daniiele 5:14

Nga kʼivu kia ku tumbula, exi o nzumbi ia jinzambi iene momué, ni mukengeji, ni kuijiia, ni unjimu uabeta ujitu.

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Daniiele 9:23

Kioso ngó ki uandeka o kudionda, kiene kia ngi bhana o ngonge, eme ngeza phala ku ku jimbuila-iu, mukonda eie u muthu a ku zola kinéne. Uívua-phe kiambote o maka iá, kisuma kiki ki ku tetulukile.