Daniiele 6:25 - O Mikanda Ikola

²⁵ Kienhiki sobha Ndala u sonekena miji ioso, ni ifuẋi ni athu akua madimi moso ma tunga kulu dia mundu kuila: O paze i mi vudile.

Daniiele 6:25 Iomraidhean Croise

Ejidala 4:17

Anga sobha u vutula kiki kua Lehu, komanande, ni kua Sisai, musoneki, ni akua kilunga kiâ a tungu mu Samádia kumoxi ni jisubhuke jala ku sámbua diodio dia ngiji ia Ufalate, uixi: Uembu, bhu kithangana kia nganji.

Estere 3:12

Bhenhobho exana asoneki a muenexi, bhu mbeji ia kamoxi, kizuua kiê kia kakuinhi ni kitatu, anga a soneka kioso kia tumu Hamane ku jisátrapa ja muenexi, ni ku jinguvulu ja jisengu, ni jisobha ja madiembu moso; kala sengu mu letala ia usonekenu uâ, diembu ni diembu mu dimi dia uzuelelu uâ; mikanda a i soneka mu dijina dia muenexi Asuuelu, ia a i te kidimbu ni nela iê ia sineta.

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Estere 8:9

Thembu ienhoio anga exana asoneki a muenexi, bhu mbeje ia katatu, iene o mbeji ia Sivani, mu kizuua kiê kia makuinhi aiadi ni kitatu, anga a soneka kioso kia a tumu Moledekai, a sonekena jijudé, ni jisátrapa, ni jinguvulu, ni jisobha mu jisengu joso, tunde mu India katé ku Etiópia, hama ia sengu ni makuinhi aiadi ni sambuadi, sengu ni sengu mu letra ia usonekenu uâ, o muiji ni muiji mu dimi dia uzuelelu uâ, o jijudé-phe ni mu usonekenu uâ ni mu uzuelelu uâ.

Jisálamu 7:15

Ua j ikula diela, ua di kande muene, diazongo, iú uafu-mu muene, mu dikungu diê dia kande.

Jisálamu 9:16

Jihova ua di monekena mu kaxtiku ka a bhesa; mukua phulu ua mu kuata mu ima ia bhange muene ni maku mê. (Hakione, Selah.)

Jisabhu 11:8

Muthu ua iuka ene ku mu bhulula ku kibhidi ni ku dilamba; mukua phulu-phe anga u bhingana-bhu.

Daniiele 3:4

Bhenhobho katúmua u xika ngonge, u kola ni dízui dia suína, uixi: Enu mu jipovo, ni ifuẋi, ni madimi, a mi tumu, exi:

Daniiele 4:1

Eme Nabukodonozolo ngi sobha: Nga sonekena miji ioso ni ifuẋi, ni madimi moso a tunga mʼoxi ioso: A mi vudixile paze ni kuzediua.

Matendelelu 19:19

kioso-phe kia solele muene kubhanga kua mukuá, kiene muene ue ki mu mu bhanga na-kiu muene; mu ku bhanga kiki, mua katula kituxi muʼaxaxi kenu.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

II Phetele 1:2

O kiadi ki di xale mudienu, ni paze ia nzungule, mu ku dʼijiia ni Nzambi, ni Jezú Ngana ietu.

Juda 1:2

Nzambi a mi lendukile dingi kinéne, o paze iê ni henda ia mi kuatela i vule dingi ku thandu dienu.