Daniiele 6:22 - O Mikanda Ikola

²² Nzambi iami uatumina anjo iê, iú uajika o makanu ma jihoje, phala ki ji ngi kuame mukonda bhu pholo iê ka ngi sange ni kikuma; né-mbe ko kuê, sobha, eme ki nga ku te kituxi kia kima.

Daniiele 6:22 Iomraidhean Croise

Dimatekenu 40:15

kuma ni kidi kiene, eme a ngi nhana mʼoxi ia Jihebeleu; ni kunu ku ngeza, ki nga bhange-ku kima kia tokala ku ngi ta muʼaleia.

II Samuuele 22:7

Mu kutata kuami anga ngi dikola kua Jihova; ngi handekela muene kua Nzambi iami! Muene anga u ngʼivua tunde mu tembulu iê, kudikola kuami kua mu bhixila mu mátui.

I Jisobha 13:28

Kienhokio uia, anga u sanga kimbi kia takukila mu njila, kumoxi ni bulu ni hoji, jemana bhu mbanduʼa kimbi; hoji mukutu ka u dile, mba kujibha o bulu.

II Malunda 32:21

Kieneʼokio o Jihova ua tumikisa anju imoxi i ia jikinisa o mala oso a mazonda, ni makota ma jingana, ni atumini mu kilômbo kia sobha ia Asídia; sobha anga u vutuka ni pholo ia zenzama ni jisonhi kʼoxi iê; maji-phe, mu kutula kueneʼoko, o kia bokona mʼonzo ia dihamba diê, ene muene a tundu mu divumu diê, a mu jibhila mueneʼomo ni xibhata.

Jisálamu 118:28

Eie-eie u Nzambi iami, eme ngi ku sakidila jinga muene; eie-eie u Nzambi iami, eme ngi ku jîngisa jinga.

Jisálamu 26:6

Maku ami nga a sukula, katé ki azele; phala ngi kondoloke kalatódio ké, u Jihova.

Jisálamu 31:14

Maji eme-phe, nga dielela ko kué, u Jihova, ngixi: Eie, eie u Nzambi iami.

Jisálamu 34:7

Anjo ia Jihova i kala jinga ku kilangidilu kia iá a mu kuatela uôma, hé u a kudila.

Jisálamu 38:21

Eie, Ngana, kana ku ngʼambudisa u Jihova; Nzambi iami, tata, kana ku ngi kala dikanga.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Izaía 3:10

Athu a iuka a tangedienu, kuma alunguʼâ; mbata ku ibundu ia ikalakalu iâ, a-nda kua kà dia-ku.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Jelemiia 37:18

Jelemiia hé uambela dingi soba Zedekiia, uixi: Nga te kituxi kiahi kokuʼé, ni ku abhikʼé, ni ku kifuẋi kiki, ki kia mi bhekesa ku ngi ta mu kaleia?

Daniiele 3:28

Nabukodonozolo bhenhobho uzuela, uixi: A tane-ku Nzambi ia Sadalake, ni Mizake, ni Abede-neko, ua tumu anjo iê iú uakudila jiselevende jê, a mu dielela, mbata o ngonge ia sobha a i bulu muene, iá a bhakula o mikutu iâ, mu kuiengesa kubheza jinzambi jengi, kikale ngó o Nzambi iâ.

Daniiele 6:20

O kia bhixila bhu ngenda, uixana Daniiele ni dízui dia dilamba, sobha hé uzuelesa Daniiele, uixi: Daniiele, selevende ia Nzambi ia muenhu! O kuila Nzambi ié, ua mu bhikila jinga mu ithangana ioso, ua tena ku ku kudila ku jihoje?

Daniiele 6:23

Bhenhobho sobha anga u tana kiavulu ni muẋima uê, iú ua tumu kuila a zaúle Daniiele, mu ngenda; kana-phe kiẋenge kia kima kia mu sange na-kiu, mukonda uaxikanene kua Nzambi iê.

Daniiele 6:4

Kienhiki ni mavunda ni ilamba akuata ku sota kithangana kia kukuata Daniiele ni kikuma ku utuminu uenhó, phala a mu kundûle; maji kikuma ni mulonga a ki tokoka; mbata muene uakexe fiiele, uendelu uê ki u moneka kisému, mba mulonga.

Daniiele 6:7

Ilâmba ioso ia utuminu ué, ni jinguvulu jaʼxi, ni mavunda, ni ilôlo, ni makota, a di-kundu bhuamoxi phala ku sonekesa ngonge ia nganʼetu muenexi, anga i di-bhanga kijila kia kôlo; kuma mu makuinhi atatu a izuua, muthu uoso u bhinga kima kua Nzambi ioso-ioso mba ku muthu uengi ko kué, muenexi, kana, a mu takule mu ngenda ia jihoje.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

Dialuilu 20:16

Etuʼetu tua di kola kua Jihova, o muene iú uevu o dízui dietu, iú ua tumikisa anju iê, i ia tu katula mu Ijitu; o kiki-phe tuala bhabha bhu Kadexi, dibhata diasu o mbambe ni ixi ié.

Matesu 27:46

Ku bhixila mu ola ia kàvua, Jezú u di kola ni dízui dia suina, uixi: Eli, Eli, lama sabachthani? Ku ki jimbulula, uedi: Nzambi iami, Nzambi iami, ua ngʼ ehelela-hiʼá?

Jipoxolo 12:11

Phetele kia zubha kuphaphumuka, uixi: Kindala nga kʼ ijiia kiá kuma ku luelu muene ni kidi! Ngana ua tumu o anju iê, ua ngi kudila bhu maku ma Helode, iú ua kakula mundu ua Jijudé, ku kioso kiambele ku ngi bhanga.

Jipoxolo 24:16

Mukonda dia kiki, nga kuata muanu ua kukala ni muẋima ua kambe o kuêla, ni kua Nzambi ni ku athu, izuua ioso.

Jipoxolo 27:23

Nga zuela kiki, kuma usuku ua lelu, kua ngi tukulukila anju ia Nzambi, nga mu tokala, ngene ku mu sedivila,

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 11:33

Athu edile mu kuxikana kuâ, a tolola ilômbo ia muvimba. A iukisa milonga, hé a tambula o jipolomesa ja Nzambi. A xita o makanu ma jihoji.

I Samuuele 17:37

Davidi, uixi dingi: O Jihova ua ngi kudila ku iala ia hoji, ni ku iala ia úlusu, muene ue u ngi kudila bhu maku ma mukua Fidíxia iú. Saúlu anga u ambela Davidi, uixi: Kuabhu! Ndeie, Jihova muene a ku bande.

I Samuuele 26:18

Davidi uixi dingi: Phala-hi, ngana iami, ua-lu ngi sota kiki, ngi mubhikʼé? Eme kima kiahi ki nga bhange? Kituxi kiahi ki ua ngi mono na-kiu kia ngi kala bhu maku mami?