Daniiele 6:2 - O Mikanda Ikola

² O ku thandu dia enhá iú uatudika-ku ilâmba itatu, umoxi-ku Daniiele, phala mavunda oso enda ni kubhana jikonda kua enhá, phale sobha ka mu nganale.

Daniiele 6:2 Iomraidhean Croise

Ejidala 4:22

Enu-phe di langienu, ima iii kana ku i kuatela usudi mba mu kala na-iu ni usonde; phala ki mu bhange kutondala mu ima ii, mbata o kuẋamuna kuvudilaʼhi kiki ku jisobha?

Estere 7:4

Kuma a tu sumbisa, ni eme ni muiji uami, phala ku tu seia, ni ku tu jibha, ku tu buidisa, mbé tu jime o mbutu kulu dia mundu. Se edile a tu sumbisa ngó mu kala tu abhika, hinu kimuua, ngeje kudixibhʼami; sumbala nguma ietu ua tu kanena keju tena ku ki futa kua sobha, kuma Sobha ueje ku dibotesa kinéne.

Jisabhu 26:6

Uoso u tumikisa o jinjimbu mu kanu dia kiôua, ua mu di batula o inama, ua mu bhuita kiluezu.

Jisabhu 3:16

Ku lukuaku luê lua kadilu kuala dibandekezu dia izuua, o ku lukuaku luê lua kiasu maunvama ni kijingu.

Daniiele 5:16

Eie-phe nga ku ivu fuma kuma eie u mesene ia kubhana majimbuluilu, ni kutetulula jiphata. Kiki-phe, se uatena kutanga o kisoneku kiki, ni ku ngʼijidisa dijimbuluilu diê, a-nda ku ku zuika thanga ikusuka, o mu xingu a-nda ku ku zuika lubhambu lua ulu, nʼa ku bhane kididi kia katatu mu utuminu uaʼxi.

Daniiele 5:29

Belxazale bhenhobho ubhana ngonge, anga Daniiele a mu zuika kizuatu kia kusuka, a mu zuika nzenzela ia ulu mu xingu, iá a mu xikila ngonge, muene u kala kilâmba kia katatu mu utuminu.

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Daniiele 6:1

Anga ki uabhela Ndala ku tungula hama ni makuinhi aiadi a mavunda phala a tambule konda ia utuminu uoso.

Matesu 18:23

Kienhiki Utuminu ua Diulu ua difangana ni muthu, muenexi, ua mesena kubhanga jikonda ni jiselevende jê.

Luka 16:2

Anga u mu ixana, u mu ambela, uixi: Ngala ku kuívua kiebhi? Ima iala ku kutanga ia kidi? Bhana konda ia umbadi ué, mukonda kutena dingi kukala u kimbadi kiami.

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.