Daniiele 6:19 - O Mikanda Ikola

¹⁹ Mu kimene-mene kia kalaji muná, sobha ubalumuka, uia lusolo ku muelu ua ngenda ia jihoje.

Daniiele 6:19 Iomraidhean Croise

Daniiele 6:18

Sobha ua bokona mu dizêmba diê, anga usuku uoso u u bhita sé ngó kúdia kima, kʼehela ku mu xikila jimujika bhu pholo iê; o kilu mu mesu kia mu lenge.

Daniiele 6:20

O kia bhixila bhu ngenda, uixana Daniiele ni dízui dia dilamba, sobha hé uzuelesa Daniiele, uixi: Daniiele, selevende ia Nzambi ia muenhu! O kuila Nzambi ié, ua mu bhikila jinga mu ithangana ioso, ua tena ku ku kudila ku jihoje?

Matesu 28:1

Kiki kuila kizuua kia sábhalu kia bhiti, kuma ki ku mateka kúkia, mu lumingu, o kizuua kia dianga kia semana, Madiia dia Manda, ni Madiia dia mukuá, eza bhu mbila kutalesa-bhu.

Marku 16:2

O mu Lumingu, kizuua kia dianga kia semana, a di meneka; kia bhixila bhu mbila, dikumbi dí banda.

II Kolindo 2:13

Maji o kutululuka kua muẋima ki nga ku mono, mukonda Phangʼietu Tito nga kambele ku mu sanga-bhu. Kiene kia ngi bhekelele ku a lekela, anga ngʼa xia bhenhobho, hé ngi zauka ku Masedonia.

I Tesalonika 3:5

Mukonda dia kiki, eme uami kia ngi kumu o kukala ni héle ia kuxala ubheka, eme nga tumine Timote kuijiia kioso ki mua mu kuenda mu kuxikana kuenu. Sumbala o Diabhu ue ka tena ku mi diangula kinéne, o kukalakala kuetu kuoso ni ku-iê ngó!