Daniiele 6:16 - O Mikanda Ikola

¹⁶ Sobha anga u tuma kutakana Daniiele, iá a mu takula mu ngenda ia jihoje. Sobha kia kuata kuzuela, uambela Daniiele, uixi: Nzambi ié, ió uoso uene mu ku mu bheza mu ithangana ioso, muene ua-nda ku ku kudila.

Daniiele 6:16 Iomraidhean Croise

II Samuuele 3:39

Eme lelu hanji nga kambe nguzu sumbala a ngʼundu ku ungana; mala enhá, anʼa Zeluia o kuẋinuka kuâ kua ngi bhonzo; Jihova-phe muene u futa o kisuéia, kioso kia tokala mu usuéia uê.

Jobe 5:19

Ua kà ku bhulula mu makubhondalala ma samanu; o lua kasambuadi ku ibha ki ku ku bhixila.

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Jelemiia 26:14

O ku mbandu iami, eme-phe, ngala bhu makuʼenu, ioso i muʼambe ku ngi bhanga ia uabha, ia mi zelela ku miẋima, iene i mu ngi bhanga.

Jelemiia 38:5

Sobha Zedekiia-phe, uixi: Talenu, muene uelʼé kiá bhu makuʼenu; mukonda sobha ka tena kulenda kima kioso-kioso ki mi bhanga enu kia ibha.

Jelemiia 38:6

Bheneʼobho, Jelemiia a mu kuata, a mu takuila mu kiboiongo kia Malkiia, monʼa sobha, kia kexile mu lumbu lua kilangidilu; Jelemiia hé a mu zezesa ni mikolo; maji mu kiboiongo ki mua kexile menha, inda maloua ngó; Jelemiia hé u kuzuka mu malôua.

Jelemiia 39:17

Eie-phe, mu kizuuʼokio, nga-nda ku ku bhululʼé muene, eme ngi Jihova, bhu maku ma iá a ku kuata uoma ku a tala ngó pholo, ka-nda ku ku bhakula-bhu.

Daniiele 3:15

Kiki-phe, hé kia mi tetulukila kiá, enu muala kiá polondo, kioso ki mu ívua mbimbi ia buzina, ni ia mbèndu, ni ia kakoxi, ni ia mbànza, ni ia kisanji, ni ia ngaieta ia jiphukila, ni maxikile oso a kuxika, anga mu diunda hé mu bheza o kiteka ki nga iudika, kiauabha! O ki muila, nguenu ku ki bheza, mu kithangana kienhokio muene, a-nda ku mi takuila mu kijiku kia túbhia tua muzukuta; Nzambi kuxi-phe ua-nda kutena o ku mi kudila bhu lukuaku luami?

Daniiele 3:17

Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Daniiele 3:28

Nabukodonozolo bhenhobho uzuela, uixi: A tane-ku Nzambi ia Sadalake, ni Mizake, ni Abede-neko, ua tumu anjo iê iú uakudila jiselevende jê, a mu dielela, mbata o ngonge ia sobha a i bulu muene, iá a bhakula o mikutu iâ, mu kuiengesa kubheza jinzambi jengi, kikale ngó o Nzambi iâ.

Daniiele 6:20

O kia bhixila bhu ngenda, uixana Daniiele ni dízui dia dilamba, sobha hé uzuelesa Daniiele, uixi: Daniiele, selevende ia Nzambi ia muenhu! O kuila Nzambi ié, ua mu bhikila jinga mu ithangana ioso, ua tena ku ku kudila ku jihoje?

Daniiele 6:7

Ilâmba ioso ia utuminu ué, ni jinguvulu jaʼxi, ni mavunda, ni ilôlo, ni makota, a di-kundu bhuamoxi phala ku sonekesa ngonge ia nganʼetu muenexi, anga i di-bhanga kijila kia kôlo; kuma mu makuinhi atatu a izuua, muthu uoso u bhinga kima kua Nzambi ioso-ioso mba ku muthu uengi ko kué, muenexi, kana, a mu takule mu ngenda ia jihoje.

Jipoxolo 24:27

Kia tena mivu iiadi-phe, Fele a mu Iendela ku unguvulu kuala Poloxo Festu. O Fele-phe, kuma ua mesenene kudiuabhesa ku Jijudé, ua xiê Phaulu mu ʼaleia.

Jipoxolo 25:11

Se ngala ngi mukua kikuma kia kutondala o Kitumu, mba nga te kituxi ki tokala ku ngi jibha, ki ngi ditunu kufua. O ki kala ima ioso ia ngi tatela mala iá ki ia kidi, kana ue muthu u tena ku ngi thelekala kua ene. Kala kiki, eme nga fundila kubhiẋila kua Sézalu.

Jipoxolo 25:9

Festu-phe mukonda ua mesena kudibhomba ku Jijudé, ua kumbulula Phaulu, uixi: Eie uandala u banda ku Jeluzaleme, nʼ a ku fundise o makʼ ama kuenioko bhu pholo iami?

Loma 13:3

Kuma oso a bhanga kiaiibha, ene a tokala a kala ni uôma ua atumini, kana ió a mu bhanga ima iambote. Eie ua mesena kukamba uôma ua ió a mu tumina? Bhanga-phe imbamba iambote, phala ene a ku ximane.

II Kolindo 1:10

Muène iú ua tu kudila ku kalunga kosuʼ oko, hanji ue uanda ku tu kudila. Ni ku pholo muène tua mu dielela ni muẋima uetu uoso o ku tu kudila jinga,