Daniiele 6:12 - O Mikanda Ikola

¹² A katuka, a tudila sobha, exi: Abha eie kua di-sinala editale iná mu kuamba, athu oso kikale a bhingila ngó bhu pholo ié-eie, mu makuinhi atatu a izuua oso-á, o ki bhu kala muthu uoso usambela Nzambi iengi, mba muthu uengi, kikale a mu takula mu ngenda ia jihoje? Sobha-phe ukumbulula, uixi: O ngonge ia kidi muene, kioso kia kôlo o kitumu kia Mediia ni kia Pélesa kiene kimoxi, o ku i lungulula ki i ẋikina, lémbue.

Daniiele 6:12 Iomraidhean Croise

Estere 1:19

Se kia uabhela muenexi ku ki bhanga, a tubhule ngonge, a i sonekese mu jindunda ja akua Pélesa ni akua Mediia, phala ki i xikine dingi ku i alulula, kuila Váxiti kua muenexi Asuuelu keza-ku dingi, o ungana uê muenexi a u bhane kiá mukuâ uengi u kala muthu uambote uoso ua mu tundu muene mu kuuabha.

Daniiele 6:15

Athu ió-phe anga aia dingi kumoxi kua Muenexi hé a mu ambela, exi: Eie muenexi, uejiia kiambote kuma mu kitumu kia Mediia ni Pelélesa, editale mba ngonge ia muenexi, ka tena ku i lungulula.

Daniiele 6:8

Kiki-phe, muenexi xikisa ngonge, u te dijina dié ku mukanda ua ngonge, phala ki bhu kala dingi ku i lungulula, kala kioso kia kôlo o kitumu kia Mediia ni kia Pélesa, ki ki xikina ku ki lungulula.

Jipoxolo 16:19

Jingana jê-phe, kia mono kuma o nganhu iâ ia dielela ia di boto, a kuata Phaulu ni Sila, aia ni ku a sunga-sunga katé bhu kitanda, bhu pholo ia afundixi.

Jipoxolo 16:24

O Kasalelu kia mu bhana orde uila iii, u a jikila mu kaleia kasuku moxi, o inama iâ ua i kolesa mu itutu.