Daniiele 5:7 - O Mikanda Ikola

⁷ Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Daniiele 5:7 Iomraidhean Croise

Dimatekenu 41:8

Kúkia ni kimene, muxima ua mu sakalala ni jiphata; anga u tuma kuixana jinganga, ni jinjimu joso ja Ijitu; Falaó anga u a tangela nzoji jê; ki bhuala-phe muthu ua tena ku ji jimbuluila Falaó.

Estere 3:1

Kia zubha kubhita imʼiii, muenexi Asuuelu u zangeleka Hamane, monʼa Hamedata, mukua Akaki, anga u mu ta ku pholo ia enhoso; ditala diê dia mu bhake di kala kota, o jifixiiadi joso, o ilamba ni akuá, ndenge.

Makatukilu 7:11

Bhenhobho Falaó ue u ixana jihete ni jinganga, ene o imbanda ia Ijitu, ene anga a ki bhanga ue ni uanga uâ.

Jisabhu 1:9

Kuma ima ienhiʼii ia kà di bhanga kiene o kitundu kia kuzediua ku mútue ué, ni jinzenzela ja kunhenga mu xingu ié.

Mukumbi ua Mikumbi 1:10

Tu matama tué kuúabha kuahi, mu makembu mé. O xingu ié u sanga iaiuka ki i kala mu makoladi.

Izaía 47:13

Mu nzungule ia jindunge jé, muene mu ua bhuidila; kiki-phe ni akua kuzambuila ku ijimbuete ia maúlu, ni akua kutongolola jithéthembua, akua mizambu ia mbeji ia thethama, ene-oso a balumuke a ku kudile ku kibuika kia-nda ku ku tula ku thandu.

Jelemiia 50:35

O xibhata ia-nda kuiza ku thandu dia akua Kaldeia, Jihova ua ki tange, ni ku thandu dia ia a tungu mu Babilonha, ni ku makota mê ma jingana ni ku jingijiie jê.

Izekiiele 16:11

Nga ku kembesa ni makembu ma soko, eme nga ku te malenge mu maku, ni musanga ua makoladi mu xingu.

Daniiele 1:20

O mu maba moso-phe ma unjimu, ni kutongoloka, ma ebhula jinga sobha kia kala ni maka a mu bhonzo, o iá ua a mono kuila a bande kuinhi dia matala mu kuijiia o jinganga, ni jimesene ja jithéthembua jene mu utuminu uê uoso, ndenge.

Daniiele 1:4

oso minzangala a disanze kiambote, a kambe kisému, edi ni kuuabha pholo ni kuijiia, oso òlonge mu unjimu uoso, oso ejiia uhete, a tetuluka kiambote mu tongolola o ima, se mua a mono ni kusakalala kua kuila atena kusedivila mu dizêmba dia muenexi, mbé mu a longe usonekenu ni uzuelelu ua akua Kaldeia.

Daniiele 2:2

Sobha anga u tuma kuixana jingânga, ni jimesene ja iphata, ni imbanda, ni akua Kaldeia, phala a mu jimbuile jinzoji jê; ene anga eza hé a bhixila bhu pholo ia sobha.

Daniiele 2:27

Daniiele hé u kumbulula bhu pholo ia sobha, uixi: O kijinganu ki uajijidila eie, sobha, né jinjimu, mé jimesene ja kutalela ku jithéthembua, né jinganga ja isuma ni iphata, né akua kuzambula, ka ki tena ku ku tetuluila-kiu, sobha.

Daniiele 2:48

Anga sobha uzangeleka Daniiele ni kijingo kiavulu, u mu bhana ndumba ia jimbote jamakota, hé u mu bhanga nguvulu ia sengo ioso ia Babilónia, anga a mu tudika ue ku thandu dia jinjimu joso jala ni kuijiia mu Babilónia.

Daniiele 2:6

Maji, hé mua ngi lembalesa-iu, anga mu i jimbulula, mua-nda kutambula kijingo kokuami, ni maujitu, ni kuzangalala kuonéne; kala kiki ngi lembalesienu nzoji, ni dijimbuluilu diê.

Daniiele 4:14

U kuata ku dikola ni nguzu ioso, uixi: Muẋiʼú batulenu-u, solalenu-u o jithangu jê, o mafe mê mu ma lalumuna-ku, ibundu iê muangenenu-iu mu kanga; o iama ioso iene kubutama bhu kixina kiê, kaienu-iu, kumoxi ni jinjila jene mu jithangu jê.

Daniiele 5:11

Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

Daniiele 5:15

Kiki a ngi bhekela o jinjimu ja kuijiia, ni jimesene ja jithéthembua, bhu pholo iami, mbe o ku ngi tangela o kisoneku kiki, ni ku ngʼijidisa o dijimbuluilu diê; maji ene-phe a lémbua-ku o ku ngi tangela dijimbuluilu dia izuelu iii.

Daniiele 5:16

Eie-phe nga ku ivu fuma kuma eie u mesene ia kubhana majimbuluilu, ni kutetulula jiphata. Kiki-phe, se uatena kutanga o kisoneku kiki, ni ku ngʼijidisa dijimbuluilu diê, a-nda ku ku zuika thanga ikusuka, o mu xingu a-nda ku ku zuika lubhambu lua ulu, nʼa ku bhane kididi kia katatu mu utuminu uaʼxi.

Daniiele 5:29

Belxazale bhenhobho ubhana ngonge, anga Daniiele a mu zuika kizuatu kia kusuka, a mu zuika nzenzela ia ulu mu xingu, iá a mu xikila ngonge, muene u kala kilâmba kia katatu mu utuminu.

Dialuilu 22:17

ngi ku bhanga ujitu uavulu, kioso ki u ngi xinda ngi ki bhanga; izá-phe, nga ku diondo, kituxi kiki u ngi tele-nâ mázui.

Dialuilu 22:7

Makota ma Mouabhe, ni makota ma Midiiane, anga a suluka, ni mikolomono ia uanga a i ambata; anga eza kua Balamu a mu kunda maka ma Balake.

Dialuilu 24:11

Muangana-phe kiá uie kʼoxi ienu ku ua tundu; eme ngʼambele ku ku bhanga ujitu uavulu, maji ua mono Jihova ua ku fudisa-u.

I Samuuele 17:25

Mala ma Izalaiele anga a zuela, exi: Enu mua mono, kiiala kia zaúka? Ua zaúka muene mu lebhula Izalaiele. Uoso-phe diiala di tena ku mu jibha, muenexi uetu ua-nda ku mu bhana jimbongo javulu, u mu bhana monʼe ua muhatu mu kusakana, o dibhata dia tatʼâ di kala ku ufolo mu Izalaiele, ka futu dingi díjimu.