Daniiele 5:4 - O Mikanda Ikola

⁴ Ene edi anua o vinhu, a di te mu fumanesa mahamba ma ulu, ni ma phalata, ni ma ngòndo, ni ma jifelu, ni ma miẋi ni ma matadi.

Daniiele 5:4 Iomraidhean Croise

I Jisobha 1:49

Asonhi oso a exanene kuala Adoniia anga a kala ni uoma, a balumuka-bhu, hé a di tela kala muthu ni njila iê.

Izaía 42:17

Oso-phe a dielela iteka ia kuseta, a-nda kuzuzuta ni jisonhi; ió ene mu ku ambela o iteka iozunze, exi: Enu mu jinzambi jetu.

Izaía 42:8

Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Daniiele 1:8

Daniiele anga u ta kikutu ni miẋima uê, uixi: Nguami ku di kasanesa ni makudia ma sobha, mba ni vinho iê iene mu kúnua; iu ua bhingi kua kota dia jingolambole phala a mu ehele kukamba o ku di kasanesa.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Daniiele 5:3

Anga a bheka o itutu ia ulu ia nhanene mu tembulu iaʼnzo ia Nzambi ia kexe mu Jeluzaleme; sobha, ni ilâmba iê, ni akaji ê, ni akamʼê, muene-muène mu a nuina.

Daniiele 5:5

Kithangana kienhókio kua tukuluka milembu ia lukuaku lua muthu, lú kala mu soneka ku mbanduʼa kandeia, ku phalelu iòkaiale ia dizemba dia muenexi; sobha bhenhobho milembu ia kexi mu kusoneka ua i mono.

Amoji 6:7

Kiene-phe ki nga-nda ku mi tumikisina ku ubhika; o mu kibuka ki dianga kuia ku ubhika, muene mu-nga-nda ku mi ta enu; mbé o izokola ienu ia ku di fembesa iende ni kúbhua; kiene kia tange Jihova Nzambi ia Ifuẋi.

Habakuke 2:19

Kokolo dia ió uambela o muẋi, uixi: Balumuka! o ditadi dia kambe o dikanu dia kuzuela anga u di ambela, uixi: Phaphumuka! Manhi kiteka ki tena kulonga? Sumbala a ki bhange kiua ni ulu ni phalata, maji moxi diê ki muala nzumbi, lémbua.

Jipoxolo 17:29

Ki tu kala-phe tu anʼ a Nzambi, ki tu fuama ku ki fika kuila o Nzambi u di fangana ni kiteka kia ulu, mba phalata, mba ditadi diosonge ku uhete ni ufunu ua muthu.