Daniiele 5:23 - O Mikanda Ikola

²³ Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Daniiele 5:23 Iomraidhean Croise

Dimatekenu 14:19

Anga u mu tanesa, uixi: Tana-ku, tana-ku! Eie u Mbalamu ia Nzambi Suke-ku, uavu o diulu ni ixi.

Dimatekenu 2:7

Jihova Nzambi anga úmba muthu ni mavu ma bhoxi, anga u mu bhusila mu mazulu o mûha ua muenhu; o muthu anga u di bhanga muthu ua muenhu.

II Jisobha 14:10

Ni kidi kiene, eie ua jibha akua Idomo, o muxima ué iú ua di zangeleka, mu kieneʼokio di te nzabala u xikamʼié mʼonzo ié; u di tela-hi mu divuua di ku bhekesa eie kudibhala ni Juda kumoxi?

Jobe 12:10

Kuila o muenhu ua ima ioso i bhuima, uala bhu lukuaku luê, ni nzumbi joso ja mbutu ia muthu?

Jobe 31:4

Inga Nzambi o jinjila jami ka mu ji mona? O uendelu uami uoso ka mu u ualula?

Jisálamu 104:29

Ki u sueka pholo ié, a tata; ki ua a tambula o kubhuima, afua; kindala a biluka mavu.

Jisálamu 115:16

Diulu, diulu diangene dia Jihova, maji o ixi-phe, ua i bhana anʼa athu.

Jisálamu 139:3

Ua tungula uendelu uami ni uzekelu, jinjila jami joso ja di monekena ko kué.

Jisálamu 146:4

Mukonda o anʼathu kubhuima kuâ kúbhua, ene anga a vutuka ku mavu; mu kizuua kienhókio, o ilunji ié ioso ia di boto.

Jisabhu 20:24

O mauendelu ma muthu-phe, Jihova u ma tambula konda; muthu-phe u tena kiebhi ku tongolola o njila iêmuène?

Izaía 13:11

Kuma nga kèza kufuta o phulu ia mundu, akuaphulu nga kà a futa kikuma kiâ; akua kudikaka nga kà a bhuisa o izala; o ingulungumba ukumbu uâ ua kà bhua.

Izaía 14:13

Eie uambele mu muẋima ué, uixi: Nga-nda kubanda katé mu diulu, kiandu kiami ngi ki tudika kulu dia jithéthembua ja Nzambi, nga kà xikama muene ku mulundu ua kionge, ngi kexila ku mbandu ia suku.

Izaía 2:12

Mukonda o kizuua kia Jihova dia Ilômbo Ieta, kuila kieza-bhu, ni mukua ukumbu, ni mukua katènda, ni ió uoso mukua izala, ene-oso a kà a tululula muene.

Izaía 33:10

Kiki-phe kiá ngi balumuka, eme Jihova; kiki ngi balumuka eme-muène, anga a kà ngi jingisa.

Izaía 37:19

jinzambi jâ ja iteka a ji oha mu túbhia; mukonda ki jinzambi, kana; ikalakalu ia ufunu ua maku ma athu, mixi ni matadi; kiene-phe kia ji jikinisina.

Izaía 37:23

Eie mukuahi ua mu lebhula, ua xingi nanhi? Ua mu mu handekela kiókio ni mesu bhulu, nanhi muene? Muenhó, Lemba dia Izalaiele.

Izaía 42:5

O Nzambi, Jihova uà bhanga maúlu, iu ua ma zala, ua futununa oxi ni ima ioso iene-mu; mukua ku bhana o kubhuima ku mundu uoso uala-mu, ua bhana o nzumbi kua ió a-lu nhungina-mu, uixi:

Jelemiia 10:23

Jihova, tata, eme ngejiia kuila o njila ienda o muthu ki iene bhu lukuaku lua muthu-muène, mba muthu kienda, muene u tongesa o makanda mê-muène.

Jelemiia 48:26

Mu kodiuisienu, mukonda ua di zangeleka mu kuzoka ni Jihova; Mouabhe ua-nda kua kà di dimbula mu ima iê ia lusu muene; ua kà kituka kima kia kasekelu.

Jelemiia 50:28

Dienhidi diene o dízui dia iá a lenge, ia a bhulaka mu ixi ia Babilonha, mbé nʼa di jimbule mu Ziione o phonzo ia Jihova, Nzambi ietu, o phonzo ia Tembulu iê.

Jelemiia 50:29

Babilonha mu bhongoluedienu oso akua kuasa ni misongo, oso ejiia kuoleka o mufula, a zoke-nê; mu tedienu ndala-mbuta mu jimbandu, phala ki bhu kale muthu u lenga-mu; mu futienu kala kia fuama o ikalakalu iê, kioso kia bhange muene, kiene ue ki mu mu bhanga; kuma ua di zangelekele mu kuzoka ni Jihova, mu kuzoka ni Ukola mua Izalaiele.

Izekiiele 28:17

Muẋima ué ua zangalala mukonda dia kuila eie ua uabha kiavulu, o kuijiia kué ua ku zange mukonda dia matunda mé; nga ku lundumuina bhoxi, eme nga ku tula bhu pholo ia josobha, mbé aie ni kutala kokué.

Izekiiele 28:2

Eie monʼa iala, o kilamba kia Tilu mu tangele, uixi: O Jihova Nzambi uambe kiki: Mbata kuma o muẋima ué ua di zangeleka ni kuila, uixi: Eme ngi Nzambi, ngi xikama muene ku kialu kia Nzambi mu kaxiʼèlele ka musanza ua kalunga, hé o muẋima ué u u sokesa muene kala uene o muẋima ua Nzambi;

Izekiiele 28:5

O mu kuijiia kué, kua di zale kinéne mu mauenji mé, ua vudisa dingi o kutena kué; o muẋima ué iú ua mu zangalala mukonda dia kutena kué;

Izekiiele 31:10

Kala kiki, o Ngana Nzambi uambe, uixi: Mukonda eie ua di zangula mu kitala kié, o dizoko-zoko dié di dia zangumuka mu, axaxe ka jithangu jé ja di zandela, mukonda dia kitala kié, muẋima ué iú ua di zangeleka.

Daniiele 11:12

Mu kuila kifuẋi kiokio ua ki jimisa o mbutu, mu muẋima uê mua kʼèza izala; maji né ua jibha makuinhi a jimidi, o kutolola ka-nda kutena.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Daniiele 8:11

Anga lu di kudisa muene katé ki lua kitukila kota dia Ngana uavu kilombo kiê; o jisata jê ja izuua ioso muene ua ji bhuisa-ku, o kididi kia dibhezelu diê muene ua ki lundumuina bhoxi.

Habakuke 2:4

Talesa muthu ua di zangeleka! O muẋima uê u nanuka ni ukumbu, kuma ki ua iukila kua muene; muthu uaiuka-phe u laiela mu kuxikana kuê.

Jipoxolo 17:25

Kene kubhanduluka ku maku ma athu, kala Muène ua tate, mukonda Muène u bhana oso o kukola o muenhu ni kubhuima, ni kumona ima ioso.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

I Timote 3:6

O bispo ka kale muthu ua diela kindala, sumba uzangalala, o kuzangalala kuê hé ku mu bhekela izala, nʼa di bhale mu kuêla uila kia bhitile kua Diabhu.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Dijingunuinu 9:20

O mundu uoso ua subhuka-ku, oso a kambe kúfua ku mabhebhuʼ ama, nguá-uâ kudiela o imbamba iâ ia kexi mu bhanga. Ka zumbuka o kubheza madimónio, ni itèka ia ulu, ni ia phalata, ni ngôndo, ni matadi ni mixi, ima i bhinga ki i tena kumona, ki i tena kuívua, ki i tena kuenda.

Afundixi 16:23

Jisobha ja akua Fidíxia-phe anga ji bhongoloka mu bhana sata ia dikota kua Dangoni nzambi iâ, ni kubhanga fesa; kuma ambe, exi: Nzambi ietu ua tu bhakuila nguma ietu Sasangu bhu lukuaku luetu.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,