Biblia Todo Logo
Bìoball air-loidhne

- Sanasan -




Daniiele 5:20 - O Mikanda Ikola

20 Maji kioso kia mu nanuka muẋima uê, kilunji anga ki mu xixila ni ukumbu, a mu lundumuna bhu kiandu kia ungana uê, kijingo iá a mu tambula-kiu.

Faic an caibideil Dèan lethbhreac




Daniiele 5:20
27 Iomraidhean Croise  

Maji ene-phe nguaʼiê kubhana mátui; inda a ngangamanesa o jixingu jâ kala kia ngangamana jinga o jixingu ja jitata jâ, a kambele o kuxikana kua Jihova, Nzambi iâ.


Maji Ezekiia o mbote ia mu bhange ka i tambuijila kala kia tokala, mukonda o muẋima iê ua di zangeleka; anga ki bhekesa njinda ku thandu diê-muene ni ku thandu dia Juda ni Jeluzaleme.


O kia di te-ku dingi, ua bhukumukina sobha Nabukodonozolo, ua mu lokesele kua Nzambi; maji ua thathamana o xingu iê; anga muẋima uê u huka kinéne katé ua lémbua o kudiela phala kulungulukila kua Jihova, Nzambi ia Izalaiele.


O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.


Ki ualʼokio kifua eie hanji ua thathamena o mundu uami, nguaʼié ku a eha ni aiʼâ?


Falaó anga u tuma kutala ku ibhaku ia anʼa Izalaiele, u sanga kidi muene ni kibhaku kimoxi ngó ki kiafu-ku. Maji o muxima ua Falaó-phe ua thathamana, o mundu nguê ku u eha.


O izala iene mu tuama, anga kukaiela o kusenguluka; o kudizangeleka kua muẋima kuene mu diangela, anga kukaiela kiua o kibhalu.


Muthu uoso ua di zangeleka mu muẋima, u di bhanga kisunji kua Jihova; né-mbe maku mê u ma bunjika bhu thulu, sai hanji mulonga uê kua Nzambi.


Tuluka, xikama mu fufuta eie u muzeletete, mona-kilumba ua Babilonha; xikama bhoxi; kana-bhu dingi kiandu, mona-kilumba mu Kaldeia, kuma ki bhu kala dingi ku ku ixana muzeletete, mba mona bhu kinéne.


Tangela sobha ni na mvuale: Ditulululienu, mu xikame bhoxi; mbata o makembu oso a mítue ienu a sonoka kiá, o kitundu kia kizunda kienu.


Jihova dia Ilombo leta, Nzambi ia Izalaiele, uambe kiki: Tala-ze, mbanza iii ni jimbonge jê joso nga-nda ku a bhekela o hadi ioso muene i nga a kanenʼoio, kuma a hinanesa o jixingu jâ phala a lémbue kuívua o maka mami.


Eie u muhatu ua tungu, u monʼa Dibone, ku fuma ié tuluka-ku, u xikame bhoxi dia kukuta; mukonda ió ua sengulula Mouabhe, ua bande, ueza kokué, imbaka, iéʼeie, ua i sengulula kiá.


O Jihova uambe kiki: Oso a a fikidila ue kuala Ijitu, a-nda kua kà di bhala, o ku di zangeleka kua kutena kuê kua-nda kua kà tunuka; tundé kiá bhu Mingidole katé bhu katôndo ka Sevene, bhene bhua-nda kua kà fila ku xibhata, Jihova ua ki tange.


Kala kiki, o Ngana Nzambi uambe, uixi: Mukonda eie ua di zangula mu kitala kié, o dizoko-zoko dié di dia zangumuka mu, axaxe ka jithangu jé ja di zandela, mukonda dia kitala kié, muẋima ué iú ua di zangeleka.


O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.


O kiambe-phe exi, kixinji kia muẋi ni jindanji jê ki xiala, kifua-phe o utuminu ué ua-nda kuxialela na-u dingi, kioso ki uzubha ku kʼijiia kuma ku Diulu sai-ku ua tumina ioso.


Ima ioso iii-phe sobha Nabukodonozolo ia mu ijiie muene.


Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.


Anga kisutu ki di-bhanga munéne uahi ngó, kia kulu kia kômo! Maji kiedi ki bhixila mu kivula-nguzu, a mu bukula lumbinga lua kudile kiokio; anga bhu kididi kiê bhu sabhuka kiá jimbinga jiuana ja madiuanu, ji lunga ku itembu iuana ia diulu.


Ngi mi ambela kuma, iú ua kulumuka ni muẋima uazele ku bhata diê, o mukuá, kana! Mukonda uoso u di zangula, a mu tulula; o uoso-phe u di tulula, a mu zangula.


Di suinisienu-phe mudienu izuua ioso, kioso o kizuelu kia kuila lelu, ki ambe o Mikanda Ikôla, hanji kia tu tokala etu. Bhangenu kienʼ iki phala kana muthu a mu bhomba kuala o ituxi nʼ a kole muẋima.


Mu kolela-hi muxima kala kia kolele muxima ua akua Ijitu ni Falaó a kolesele muxima uâ? Muene Nzambi ia Izalaiele, kia bhangele isunji ni madiuanu muʼaxaxi kâ, manhi o mundu uê ka ehele nʼaiá?


Lean sinn:

Sanasan


Sanasan