Daniiele 5:2 - O Mikanda Ikola

² Kioso kia kodiua kiá ni vinhu, Belxazale utuma kutakana itutu ioso ia ulu ni ia phalata, iabhundile tatʼâ Nabukodonozolo mu tembulu ku Jeluzaleme, phala sobha, ni ilâmba iê, ni akajiʼê, ni akamʼê, muene mu a nuina.

Daniiele 5:2 Iomraidhean Croise

II Samuuele 9:7

Davidi hé u mu ambela, uixi: Ku kale ni uoma; kuma ngi ku idikiza henda muene, mukonda dia Jonata, tatʼenu; ngi ku bhana dingi mikáu ioso ia kukuʼenu Saúlo; eie-muène u kala jinga mu kúdia mbolo ku meza mami izuua ioso.

II Jisobha 24:13

O jimbongo joso ja inzu ia Jihova ni jimbongo joso ja dibhata dia sobha, ua ji katula iú uai na-ju; o itutu ioso ia ulu ia bhangele Solomá, sobha ia Izalaiele, ua i bula-bula kala kiambe o kizuelu kia Jihova.

II Jisobha 25:15

O Kabhitangu ka kilangidilu uambata ue ni iomuenu ia makala, ni malonga a menha a pholo, ni ima ioso kiá ia kexile ia ulu, ulu ua dikenze, ni ia phalata mu phalata.

II Malunda 11:20

O kuema diê, ua katula dingi Mahaka, monʼa Abisalone; o muenhú iú ua mu vualela Abiia, ni Atai, ni Ziza, ni Selomite;

II Malunda 15:16

O Mahaka ue, mamʼa sobha Aza, muene ua mu tulula ue ku kiandu, mbé ka kale dingi mu kutumina ku usobha; mukonda ua bhangele Aselah, kiteka kia ibha kiavulu; o kiteka kienʼiki, kia ibha kiavulu, Aza u ki muanga-muanga, hé u ki bula-bula, anga u kiʼohela bhu mbanduʼa ngiji ia Kidelone.

II Malunda 36:10

O bhu kisonaxi ku muvu, sobha Nabukodonozolo u tuma ku muʼambata ni ku mu bheka ku Babilónia, kumoxi ni itutu ia te kiavulu ia inzu ia Jihova; anga Zedekiia dia phangʼiê muene a mu te bhu kididi kiê mu kutumina mua Juda ni mu Jeluzaleme.

II Malunda 36:18

O itutu ioso ia inzu ia Nzambi, ni ia makota ni iòfele, ni jimbongo ja inzu ia Jihova, ni jimbongo ja dibhata dia sobha, ni ja ilamba iê, iene ioso ua i ambata, uai na-iu ku Babilónia.

Ejidala 5:14

Katé ni itutu ia ulu ni phalata, ia inzu ia Nzambi, ia katuile Nabokodonozolo mu tembulu ia kexile mu Jeluzaleme, iu ua i tele mu tembulu ia Babilónia, sobha Silu-phe, ua i katula mu tembulu ia Babilónia, ia a i bhana ku muthu a muʼixana Sebazale, a mu tunguile ku kala nguvulu, kuala muene.

Jelemiia 27:7

Jixi joso ja kà mu bhikila muene, ni monʼê, ni monʼa monʼê, katé ue kia kà bhixila kizuua kia ixi iê-muène-muene ku di uanena-iu kuala jixi ja vulu ni jisobha ja makota.

Jelemiia 50:35

O xibhata ia-nda kuiza ku thandu dia akua Kaldeia, Jihova ua ki tange, ni ku thandu dia ia a tungu mu Babilonha, ni ku makota mê ma jingana ni ku jingijiie jê.

Jelemiia 52:19

Kabhitangu ka kilangidilu anga u zangula ue ni jikopho, ni ididi ia kuohela uasu ua dizumba, ni malonga a menha a pholo, ni jímbia, ni jikandiielu, ni jingutu, ni itutu ia kutela maji ni mvindangele; kutale ima ioso ia ulu mu ulu, uixi ia phalata mu phalata.

Daniiele 1:2

Jihova-phe u bhakula Juakí, sobha ia Juda, bhu lukuaku luê, ni mbandu ia itutu ia ulu ni phalata ia dibhata dia Nzambi, anga uia na-iu kʼoxi iê ku Xinale, anga u i tula mʼonzo ia dihamba diê, hé u i lunga kumoxi ni itutu iala monzo ia dihamba diê.

Daniiele 5:11

Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

Daniiele 5:13

Anga a bokuesa-phe Daniiele bhu pholo ia muenexi. Muenexi anga u zuelesa Daniiele, uixi: Eʼmuene Daniiele iuná ua tokala ni anʼa kikuka kia tundile ku Juda, ejiie ni muenexi dia tatʼetu, ua a kukile ku Judeia?

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Daniiele 5:3

Anga a bheka o itutu ia ulu ia nhanene mu tembulu iaʼnzo ia Nzambi ia kexe mu Jeluzaleme; sobha, ni ilâmba iê, ni akaji ê, ni akamʼê, muene-muène mu a nuina.

Daniiele 5:30

Usuku uenhó-phe, Belxazale, muenexi ua Kaldeia, anga a mu jibha.

Daniiele 5:4

Ene edi anua o vinhu, a di te mu fumanesa mahamba ma ulu, ni ma phalata, ni ma ngòndo, ni ma jifelu, ni ma miẋi ni ma matadi.

Dialuilu 7:79

ujitu uê ua bheka, dilonga dia phalata, kinemenu kiê hama ia xikulu ni makuinhi atatu, ni mbasinha ia phalata, kinemenu kiê makuinhi sambuadi a xikulu, xikulu iene ia dibhezelu; ni dilonga ni mbasinha iezala fuba ia uabha kiambote iólunge ni maji, phala mubhaku ua mákudia;