Daniiele 5:17 - O Mikanda Ikola

¹⁷ Daniiele-phe u kumbulula bhu pholo ia sobha, uixi: Maujitu méʼomo ma kale phala eie, hé uedi ufuta, futa muthu uengi! Maji o mixinda ia kisoneku ku i tanga ngi ku tangela-iu, anga ngi ku bhana o dijimbuluilu diê.

Daniiele 5:17 Iomraidhean Croise

Dimatekenu 14:23

kuma ko kué ki ngi tambula-ku kima né ngó ludinha mba lungoji lua kukutila hai, phala hádia kua kèle kuma: Mbalamu eme muene nga mu muesa o jimbongo.

II Jisobha 3:13

Maji Ilizeu uambela sobha ia Izalaiele, uixi: Eme ngala ni kima kiahi nʼeie? Ndé ku jipolofeta ja tatʼenu ni ku jipolofeta ja mamʼenu. Maji-phe o sobha ia Izalaiele u vutula, uixi: Kanʼé, mukonda o Nzambi uexana o jisobha jitatu jiji phala ku ji bhakula bhu maku ma akua Mouabhi.

II Jisobha 5:16

Maji-phe muene, uixi: Jihova a laie, uavu o pholo ie bhu ngala, kuma o ujitu ué-eie ki nga-nda ku u tambula. Hé u mu jijidika ku u tambula, maji muene-phe nguâ-ié.

II Jisobha 5:26

Maji muene phe ua mu ambela, uixi: Manhi o muxima uami ki uaii kumoxi nʼeie, kioso o muthu ió kia lunguluka ku thanduʼa dikalu diê kua kexile, iú uaii ku ku kauidila? Mbé kienʼiki kima phala eie kutambula phalata, ni kutambula izuuatu, ni midívua, ni mivide, ni jimbudi, ni jingombe, ni abhika a mala ni abhika a ahatu?

Jisálamu 119:46

Ngi tanga jinga o umbangi ué, ni bhu pholo ia jingana, jisonhi ki ji tena ku ngi kuata.

Daniiele 2:6

Maji, hé mua ngi lembalesa-iu, anga mu i jimbulula, mua-nda kutambula kijingo kokuami, ni maujitu, ni kuzangalala kuonéne; kala kiki ngi lembalesienu nzoji, ni dijimbuluilu diê.

Daniiele 5:29

Belxazale bhenhobho ubhana ngonge, anga Daniiele a mu zuika kizuatu kia kusuka, a mu zuika nzenzela ia ulu mu xingu, iá a mu xikila ngonge, muene u kala kilâmba kia katatu mu utuminu.

Jipoxolo 8:20

Phetele-phe ua mu ambela, uixi: Phalata ié i texike ni eie-muene kumoxi mu infernu! Mukonda eie ua fika kuma usumba ujitu ua Nzambi mu kitadi?