Daniiele 5:14 - O Mikanda Ikola

¹⁴ Nga kʼivu kia ku tumbula, exi o nzumbi ia jinzambi iene momué, ni mukengeji, ni kuijiia, ni unjimu uabeta ujitu.

Daniiele 5:14 Iomraidhean Croise

Dimatekenu 41:15

Falaó anga u ambela Zuze, uixi: Eme ngʼanjiua nzoji, maji ki bhuala-phe muthu ua tena ku i jimbulula; eie-phe nga kuivu, exi se uevu nzoji, ua soko-bho ku i jimbulula.

Dimatekenu 41:38

Falaó anga u ambela akua mbèle iê, uixi: Muthu tu mu sanga kuebhi, u soka ni muenhú, muthu a mu tunga kuala nzumbi ia Nzambi?

Daniiele 2:22

Kima kia jingana, kia kasuèkele, muene u ki aneka; kioso kiala mu kitombe muene u kʼijiie, kuma muene ua tunga ni mukengeji.

Daniiele 4:8

Maji ku nga sukila kunu, kiene kiua kia bhixila Daniiele bhu pholo iami, a mu edi Beltexazale, dijina dia tokala ku dihamba diami, muenhú uene ni nzumbi ia jinzambi jikôla; anga ngi mu kundila o nzoji, ngixi:

Daniiele 5:13

Anga a bokuesa-phe Daniiele bhu pholo ia muenexi. Muenexi anga u zuelesa Daniiele, uixi: Eʼmuene Daniiele iuná ua tokala ni anʼa kikuka kia tundile ku Juda, ejiie ni muenexi dia tatʼetu, ua a kukile ku Judeia?

Daniiele 5:15

Kiki a ngi bhekela o jinjimu ja kuijiia, ni jimesene ja jithéthembua, bhu pholo iami, mbe o ku ngi tangela o kisoneku kiki, ni ku ngʼijidisa o dijimbuluilu diê; maji ene-phe a lémbua-ku o ku ngi tangela dijimbuluilu dia izuelu iii.

Daniiele 6:3

Daniiele anga u di tungula, mu axaxi ka mavunda ni ilâmba; mukonda mua muene mua kexe muẋima uabeta ujitu; Sobha-phe hé ukala mu kuxinganeka ku mu xikika ku thandu dia utuminu uoso.