Daniiele 5:11 - O Mikanda Ikola

¹¹ Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

Daniiele 5:11 Iomraidhean Croise

Dimatekenu 41:38

Falaó anga u ambela akua mbèle iê, uixi: Muthu tu mu sanga kuebhi, u soka ni muenhú, muthu a mu tunga kuala nzumbi ia Nzambi?

II Samuuele 14:17

Bhenhobho, kùku, ngi kahatu ké, ngixi dingi: Kizuelu kia muenexi ki kale kia kutululuka; kuma ki ualʼokio, kùku, ua di bhange mukuâ ni anjo ia Nzambi mu kutongolola kiauabha ni kiaiibha. O Jihova Nzambi ié a ku kuatekese.

Izekiiele 28:3

tala-phe, eie ua beta kuijiia o Daniiele ndenge; kuma eie kana-ku kima kia kasuèkele ki tena o ku ku suamena.

Izekiiele 28:4

O mu kuijiia kuè ni kutongoloka kué, muene mu ua bongela o kutena kué, eie ua mono ulu ni phalata mu malundilu a jimbongo jé.

Daniiele 1:4

oso minzangala a disanze kiambote, a kambe kisému, edi ni kuuabha pholo ni kuijiia, oso òlonge mu unjimu uoso, oso ejiia uhete, a tetuluka kiambote mu tongolola o ima, se mua a mono ni kusakalala kua kuila atena kusedivila mu dizêmba dia muenexi, mbé mu a longe usonekenu ni uzuelelu ua akua Kaldeia.

Daniiele 2:11

Kala kiki, eie sobha uajijila kima kiabhonzo; u ku lomboluela-kiu sobha, ka moneka; kikale ngó jinzambi, jinzambi-phe ki ji tunga mu xitu mumu kumoxi ni athu.

Daniiele 2:22

Kima kia jingana, kia kasuèkele, muene u ki aneka; kioso kiala mu kitombe muene u kʼijiie, kuma muene ua tunga ni mukengeji.

Daniiele 4:18

Kiene ki nganjiua ku nzojʼiki, eme, sobha Nabukodonozolo. Eie-phe, Beltexazale, jimbulula o dijingunuinu diê; kuma jinjimu joso mu utuminu uami a di lémbua, ka tena ku ngʼijidisa o dijingunuinu dia dilomboluelu diê; maji eie uasoko-bhu; mbata momué muala nzumbi ia jinzambi jikôla.

Daniiele 4:5

Nganjiua-phe nzoji, anga i ngi juualesa; o ki nga kuata kubanza kioso kiende isuma ienhiʼii, ni ilunji ia ngi muangana, bhu hama iami bhu ngala anga ngi tandanganha kiavulu!

Daniiele 4:6

Eme-phe nga xikisa ngonge, ngixi: A ngi bhekele bhabha o jinjimu joso ja Babilónia, nda a ngʼijidise kia lombolola o nzoji.

Daniiele 5:14

Nga kʼivu kia ku tumbula, exi o nzumbi ia jinzambi iene momué, ni mukengeji, ni kuijiia, ni unjimu uabeta ujitu.

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Jipoxolo 12:22

O mundu anga a di kola, exi: Iú ua mu zuela, Nzambi, ki muthu kana!

Jipoxolo 14:11

O mundu kia mono kia bhange Phaulu, anga a kola, mu mbimbi ia Likaonia, exi: Jinzambi ja tu tukulukila mu idifanganu ia athu!

Jipoxolo 16:16

Mu kukala kuenioko, kizuua kimoxi ki tu kala mu kuia ku kididi kia kusambela, tu takana ni kahatu uala ni kithûtha kia kuzambula. Muenʼiú mukua kunganhalesa jingana jê kitadi kiavulu mu kuzambula kuê.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.