Daniiele 4:9 - O Mikanda Ikola

⁹ Baltexazale, tata, u kilolo kia jinganga joso, eme ngʼejiia kuma momué muala muene nzumbi ia jinzambi jikôla, kana-ku-phe kikutu ki ku jinganena eie; ngi tangele isuma ia nzoji i nganjiua, u ngi bhe dilomboluelu diê.

Daniiele 4:9 Iomraidhean Croise

Dimatekenu 41:38

Falaó anga u ambela akua mbèle iê, uixi: Muthu tu mu sanga kuebhi, u soka ni muenhú, muthu a mu tunga kuala nzumbi ia Nzambi?

Izaía 33:18

O muẋima ué ua-nda kuxinganeka mu kulembalala kioso ki kala kimbuua, uixi: O kiki-phe musoneki iú kuebhi? O mukua kutambula lubhaku iú kuebhi? mukua kualula tuthôndo iú kuebhi?

Izaía 54:14

Nga kà ku xikika ku thanduʼa uiukilu; o kubhondalala kua kà ku kala dikanga, kuma eie kuà kala dingi ni kekenha ia kima; kimbuua ki ku bhue, kana-ku dingi kizuelu kia kà ku bhixila.

Izekiiele 17:23

Ku mulundu ua di-leka ua Izalaiele kuene ku nga kà u kuna, hé ua kà sabhuka jithangu, u bhana ibundu anga u di-bhanga musédulu ua matunda; o jinjila, ja idifua ioso ia mabhabha, ja kà tunga moxi diê, mu kilembeketa kia jithangu jê muene mu ja kà tunga.

Izekiiele 28:3

tala-phe, eie ua beta kuijiia o Daniiele ndenge; kuma eie kana-ku kima kia kasuèkele ki tena o ku ku suamena.

Daniiele 1:20

O mu maba moso-phe ma unjimu, ni kutongoloka, ma ebhula jinga sobha kia kala ni maka a mu bhonzo, o iá ua a mono kuila a bande kuinhi dia matala mu kuijiia o jinganga, ni jimesene ja jithéthembua jene mu utuminu uê uoso, ndenge.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Daniiele 2:48

Anga sobha uzangeleka Daniiele ni kijingo kiavulu, u mu bhana ndumba ia jimbote jamakota, hé u mu bhanga nguvulu ia sengo ioso ia Babilónia, anga a mu tudika ue ku thandu dia jinjimu joso jala ni kuijiia mu Babilónia.

Daniiele 4:18

Kiene ki nganjiua ku nzojʼiki, eme, sobha Nabukodonozolo. Eie-phe, Beltexazale, jimbulula o dijingunuinu diê; kuma jinjimu joso mu utuminu uami a di lémbua, ka tena ku ngʼijidisa o dijingunuinu dia dilomboluelu diê; maji eie uasoko-bhu; mbata momué muala nzumbi ia jinzambi jikôla.

Daniiele 4:5

Nganjiua-phe nzoji, anga i ngi juualesa; o ki nga kuata kubanza kioso kiende isuma ienhiʼii, ni ilunji ia ngi muangana, bhu hama iami bhu ngala anga ngi tandanganha kiavulu!

Daniiele 4:8

Maji ku nga sukila kunu, kiene kiua kia bhixila Daniiele bhu pholo iami, a mu edi Beltexazale, dijina dia tokala ku dihamba diami, muenhú uene ni nzumbi ia jinzambi jikôla; anga ngi mu kundila o nzoji, ngixi:

Daniiele 5:11

Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

I Samuuele 4:8

Kokolo dietu! Nanhi u tu kudila bhu maku a jinzambi jiji jasuina? Jiji jene o jinzambi ja betele akua Ijitu ni mabhebhu moso mu kikangalakata.