Daniiele 4:7 - O Mikanda Ikola

⁷ Ni jinganga, ni jimesene ja iphata ia kutalela ku jithéthembua, ni makaledeia, ni imbanda akua kuzambula, anga eza, eme anga ngʼa tangela o nzoji kioso ki nga i anjiua; maji ene-phe dilomboluelu diê a di lémbua ku ngi tangela-diu.

Daniiele 4:7 Iomraidhean Croise

Dimatekenu 41:24

Masa ma tolo anga ma minha sambuadi dia masa ma uabha; kienhiki eme nga ki tangela jinganga, maji ki bhuala muthu ua tena ku ngi jingunuina-bhu kima.

Dimatekenu 41:8

Kúkia ni kimene, muxima ua mu sakalala ni jiphata; anga u tuma kuixana jinganga, ni jinjimu joso ja Ijitu; Falaó anga u a tangela nzoji jê; ki bhuala-phe muthu ua tena ku ji jimbuluila Falaó.

Jisálamu 37:35

Nga muene kiá kisuéia ku kijingo kiavulu; u zanda muene kala kimuẋi kiakômo kia mono mavu.

Izaía 44:25

Ngi mukua ku tungununa o iphata ia akua kuzambula o makutu, akua kusuma ngó a kituka maioua; jinjimu ngʼa vutula kuema, unjimu uâ ngi u kitula uôua-mu-uôua.

Izekiiele 31:3

Tala-ze, kuila Asídia ua kexile musédulu mu Libano, uala ni jithangu ja iuka, ua di zandela kinéne iú ua lebha kiavulu, o zoko-zoko diê dia kexile ku jithangu ja di zandela kiavulu.

Daniiele 1:4

oso minzangala a disanze kiambote, a kambe kisému, edi ni kuuabha pholo ni kuijiia, oso òlonge mu unjimu uoso, oso ejiia uhete, a tetuluka kiambote mu tongolola o ima, se mua a mono ni kusakalala kua kuila atena kusedivila mu dizêmba dia muenexi, mbé mu a longe usonekenu ni uzuelelu ua akua Kaldeia.

Daniiele 2:10

Akua Kaldeia anga a vutuila sobha, bhu pholo iê, exi: Diba didi, mu ngongo iosʼumu, kana-mu muthu u tena ku ku ambela-diu, sobha; ki kuala ue sobha, né uakudila kuebhiʼoko, nʼa jijila kima kala kiki ku jinganga, mba ku jimesene ja iphata, mba ku akua Kaldeia.

Daniiele 2:27

Daniiele hé u kumbulula bhu pholo ia sobha, uixi: O kijinganu ki uajijidila eie, sobha, né jinjimu, mé jimesene ja kutalela ku jithéthembua, né jinganga ja isuma ni iphata, né akua kuzambula, ka ki tena ku ku tetuluila-kiu, sobha.

Daniiele 2:7

Ene a mu vutuila lua kaiadi, exi: Sobha, tangela jiselevende jé o nzoji, etu dijimbuluilu diê tu di bhana muene.

Daniiele 3:8

Anga mu kithangana kienhokio kutukuluka mala amoxi-mu, akua Kaldeia, anga a xitala o jijudé.

Daniiele 4:18

Kiene ki nganjiua ku nzojʼiki, eme, sobha Nabukodonozolo. Eie-phe, Beltexazale, jimbulula o dijingunuinu diê; kuma jinjimu joso mu utuminu uami a di lémbua, ka tena ku ngʼijidisa o dijingunuinu dia dilomboluelu diê; maji eie uasoko-bhu; mbata momué muala nzumbi ia jinzambi jikôla.

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Daniiele 5:8

Bhenhobho Jinjimu joso ja sobha-phe anga ji bokona. Maji a lémbua kutanga o mixinda ioso iòsoneke, mba ku jingunuina sobha o dijimbuluilu diê.