Daniiele 4:5 - O Mikanda Ikola

⁵ Nganjiua-phe nzoji, anga i ngi juualesa; o ki nga kuata kubanza kioso kiende isuma ienhiʼii, ni ilunji ia ngi muangana, bhu hama iami bhu ngala anga ngi tandanganha kiavulu!

Daniiele 4:5 Iomraidhean Croise

Dimatekenu 41:1

Anga ki bhita kuila, ki bhua zubha kubhita mivu iiadi ia muvimba, Falaó uanjiua nzoji: U mona kuma uemana bhu mbandu ia honga ia Nilo.

Daniiele 1:7

O kota dia jingolambole iu ua a bhana majina engi: Daniiele ua mu luku Beltexazale; Hananiia ua mu luku Sadalake; Mizaiele ua mu luku Mizake, o Azadiia ua mu luku Abede-neko.

Daniiele 2:1

Mu muvu ua kaiadi ua kutumina kua Nabukodonozolo, Nabukodonozolo uanjiua jinzoji; anga ku mu iza-phe kutandanganha kuavulu mu muẋima, hé u fula kilu.

Daniiele 2:3

Sobha anga uzuela, uixi: Nganjiua nzoji; maji kua ngʼiza-phe kutandanganha mu muenhu, kua kuijiia o dilomboluelu diê.

Daniiele 4:10

O ki nga zekele bhu hama, kua ngi bhiti isuma iii: Nga kexe kukengelela, anga ngi talesa, bhu kala muẋi muʼaxaxi ka ngongo, ua di-leka kiavulu.

Daniiele 4:13

Eme ku kilu kuenhoko, nga kuata kukengelela muene, bhu hama bhu ngala; talesa-ze ku iza mulangi, muthu ukôla uala kutuluka ku diulu.

Daniiele 4:15

Maji o kixinji kia kixina kiê ki xale ni jindanji jê mu mavu, kiene mu ki kuikile ku isasa ia mukáu bhu lubhambu lua felu ni ngondo; kiende ni kusumina mbundu i tunda ku diulu, kúdia kuê o iangu ia mvunde ia bhoxi kumoxi ni iama.

Daniiele 4:19

Bhenhobho Daniiele, a mu edi Beltexazale, u kumbikinha hanji kithangana katé mu uola iamvimba, ilunji ia mu tandanganha. Sobha-phe ukumbulula, uixi: Beltexazale, nzoji iii ki i ku juualese, mba u tandanganha mukonda dia dijimbuluilu diê. Beltexazale utambuijila, uixi: Ngana iami, o nzoji i lungile kua ió oso a ku kuatela luma, o dijimbuluilu diê di nongone muene oso jinguma jé!

Daniiele 5:10

Na mvale dia mama-phe, kioso kievu o izuelu ia sobha ni ilâmba iê, u bokona mʼonzo ia fesa; na mvale anga uzuela, uixi: Muenexi, tunga soma ku izuua ioso! Ilunji ié ki i ku juuale kiókio, kana ue kudiangamana pholo.

Daniiele 5:11

Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

Daniiele 7:1

Mu muvu ua dianga ua utuminu ua Belxazale, sobha ia Babilónia, Daniiele ua diuanene isuma ku nzoji, kia zeka kiki bhu hama iê, anga u soneka nzoji ienhi ii; muʼanzanza muénhomo, u tanga ima ioso ia mono.

Daniiele 7:28

Bhua suku o kisumaʼabha. Maji eme, ngi Daniiele, ilunji iami ia ngi juualele, katé ni pholo ia ngi kitukile muene; inda ima ioso iii nga i lundu muene ku muẋima uami.