Daniiele 4:36 - O Mikanda Ikola

³⁶ Bhenhobho kilunji kia ngʼiza kiua muʼanzanza muenhomo; o kia ngi tudika kiá dingi ku utuminu uami, ulàmba uami ua ngi tula dingi, o kubenha kuami kua ngiza dingi luamukuá. O makota mami ma jingana ni jindongixi jami eza ku ngi takana dingi; iá a ngi xikika luambukuá ku usobha uami, anga kijingo kiami ki di-bandekeza dingi, o kiòkulu ndenge.

Daniiele 4:36 Iomraidhean Croise

Jobe 13:12

Sabhu jenu jila kala Sabhu ja uthôka ngó; imbaka ienu, imbaka ia malôua.

Jisabhu 22:4

O kuditolesa ni kuxila Jihova, futu iâ jimbongo, ni kijingo, ni muenhu.

Daniiele 2:31

Sobha, eie uakexe kutala, o mu kutala uamono kiteka kionéne; kiteka kiki kukula kuahi ngó, o kubenha ngó, o kubenha kuê, kʼila léko-léko, hanji kiemana bhu pholo ié; o ku ki tala mesu ki kuatesa uoma!

Daniiele 4:22

Muẋi iú éʼmuene, u sobha, uakulu uazande, o kijingo kié kiakulu kia tuta ku diulu, o ungana ué uabhixila muene katé kua suku oxi.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.