Daniiele 4:34 - O Mikanda Ikola

³⁴ Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Daniiele 4:34 Iomraidhean Croise

II Samuuele 22:31

Njila ia Nzambi ia iuka, ki iene kulueza; kizuelu kia Jihova kia kidi, ki kiene mangonha; Jihova muene ngubu i xitila oso a lengela kua muene.

I Malunda 29:10

Mukonda dia kiki, Davidi kia mu bhekela kuximana Nzambi bhu pholo ia kionge kioso, uixi: Tana-ku, eie u Jihova Nzambi ia tatʼ etu Jakobo, ku mivu ni minginda!

I Malunda 29:13

O kiki-phe, Ngana, Eie u Nzambi ietu, tua ku sakidila, tua ximana ue o dijina diê di kôla.

Jobe 1:21

Uamba, uixi: Ngeza ni tuẋi mu mala dia mamʼetu, hádia ue nga kà vutuka ni tuẋi kuenhoko; Ngana ua bhele, Ngana ua tambula; dijina dia Ngana a kale mu ku di ximana jinga!

Jisálamu 10:16

Jihova eie u muenexi, o ungana ué unangenena; matumbu a kambe kuijiia Nzambi ka kà kala mʼoxi ié.

Jisálamu 102:24

Ngixi-phe Nzambi iami, tata, kana ku ngʼambata luua, mukonda izuua iami ia suku hanji ngó mu kaẋi; kuma eie o mivu ié ki i tebhunuka, katé ku miji ioso.

Jisálamu 107:15

Tamano-phe a ximana jinga Jihova, ni kuxinganeka jimbote jê, ni madiuanu oso ene mù bhanga ku anʼathu mu ngongo!

Jisálamu 107:22

A mu satele jisata ja kusakidila, o ikalakalu iê a i tumbule ni kuimba ni kusanguluka.

Jisálamu 107:31

Tamano-phe a ximana jinga Jihova, ni kuxinganeka jimbote jê, ni madiuanu oso ene mu bhanga ku anʼathu mu ngongo!

Jisálamu 107:8

Tamano-phe a ximana jinga Jihova, ni kuxinganeka jimbote jê, ni madiuanu oso ene mù bhanga ku anʼathu mu ngongo!

Jisálamu 111:7

Ufunu ua maku mê ua kidi ni kutetuluka; o ijila iê ioso ia ufiiele

Jisálamu 121:1

Ngi bhetula mesuʼami ku milundu, kuebhi ku ngi tundila kubhanduluka?

Jisálamu 123:1

Ko kué ku nga zambula mesu, eie ua tunga ku maúlu!

Jisálamu 145:13

Utuminu ué, utuminu uanangenena, o ukota ué u xalela ni ku miji ioso.

Jisálamu 146:10

Jihova kà tunda dingi ku ungana uê; o Nzambi ié, u Ziione, u xalela ku miji ioso. Ximanenu Jihova!

Jisálamu 50:14

Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Jisálamu 66:7

Muene, mukonda dia kutena kuê, ungana uê u nangenena; o mesuʼê ala mu langa ifuẋi; né edi a kituka ka tena. (Selah.)

Jisálamu 7:17

Eme-phe ngi sakidila jinga Jihova mu kutetuluka kuê; ngimba ni kuximana o dijina dia Jihova, Suke-ku.

Jisálamu 9:2

Ngi sangulukila mo mué, ngi tana ni ngalasa; ngimba mu kuximana dijina dié, eie u Suke-ku!

Jisálamu 92:1

Kima kiambote o kusakidila jinga Jihova, kuimba muene ni kuximana o dijina dié, u Suke-ku.

Izaía 13:11

Kuma nga kèza kufuta o phulu ia mundu, akuaphulu nga kà a futa kikuma kiâ; akua kudikaka nga kà a bhuisa o izala; o ingulungumba ukumbu uâ ua kà bhua.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 24:15

Kala kiki, jingisenu dijina dia Jihova, ni mu ibôlo ni mu isanga ia kalunga, jingisenu dijina dia Jihova, Nzambi ia Izalaiele.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Kuditenda 3:38

Mu kanu dia Ió ua Suka-ku, manhi ki muene mu tunda o divuua ni mbote?

Daniiele 12:7

Anga ngʼivua o muthu ua zuatele kizuatu kia linho, iu uakexe kulu dia hungulule ia menha a ngiji, ua zangula lukuaku luê lua dilu ni lukuaku luê lua kiasu ku diulu, iu ua di-lokela kua Iuná uene ku muenhu ki u moneka dizubhilu, uixi: Bhua kà bhita thembu iòxinde, ni jithembu jòxinde, ni kaxaxi ka thembu, o kia kà zubha kubhuisa o kutena kua povo iangene, kiene kiua kia kà bhita o ima ioso iii.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 4:2

Nga ki mono kuila kia ngi fuama muene o kufumanesa ijimbuete ni madiuanu oso a ngi kalakela Nzambi, Suke-ku.

Daniiele 4:26

O kiambe-phe exi, kixinji kia muẋi ni jindanji jê ki xiala, kifua-phe o utuminu ué ua-nda kuxialela na-u dingi, kioso ki uzubha ku kʼijiia kuma ku Diulu sai-ku ua tumina ioso.

Daniiele 4:3

Ijimbuete iê kukula kuahi, o madiuanu mê undanda uvula! Utuminu uê kima ki nangenena mu thembu joso, u ungana uê kutunda muiji kuiza muiji.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Daniiele 4:36

Bhenhobho kilunji kia ngʼiza kiua muʼanzanza muenhomo; o kia ngi tudika kiá dingi ku utuminu uami, ulàmba uami ua ngi tula dingi, o kubenha kuami kua ngiza dingi luamukuá. O makota mami ma jingana ni jindongixi jami eza ku ngi takana dingi; iá a ngi xikika luambukuá ku usobha uami, anga kijingo kiami ki di-bandekeza dingi, o kiòkulu ndenge.

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Daniiele 5:21

Anga a mu kaia muʼaxaxi ka anʼa athu, o muẋima anga a mu lungulula-u u kituka kala ua kiama, anga u tunga kumoxi ni mikete ku mukáu, a mu bhangesa kúdia iangu kala ngombe; mbundu i kuata ku mu sukila ku mukutu, anga ukala kienhiki katé ki kia mu tetulukila kuma Nzambi Suke-ku, muene uene kutumina o maungana ma athu, o uoso a mu andala u mu hingisa ku thandu dia akuâ.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Daniiele 9:14

Kiene kia bhangesa Jihova kukala ni muanu ua kuiibha kuosʼuku, iu ua ku tuluila kuthandu dietu. Mukonda Jihova Nzambi ietu, ualungu muene mu ioso ia tu bhange, muene u fundisa mu kidi kiê, mbata etu-ku tua bhukumukina o diízui diê kuma tua fulu ku dívua.

Jona 1:14

Anga a samba kua Ngana, exi: U Jihova, etu tua ku diondo, ki tu di bote mukonda dia muenhu ua diiala didi, o manhinga mê ka kale kikuma kiza ku thandu dietu, kuma eie Jihova ua bhange kioso kia ku uabhela ki ua solo kubhanga.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Luka 1:33

Muène ua kà tumina o dibhata dia Jakobo katé ni ku hádia. O Ungana uê ki uá kà-bhua dingi.

Luka 18:13

O mukua kutambula lubhaku-phe, uemana dikanga, ka bhumina kuzambula mesu ku diulu, maji u di bunda bhu thulu, uixi: Nzambi, ngi kuatele henda, eme ngi mukua ituxi.

Nzuá 5:26

Kala Tata muene, kiedi muène Otho ia muenhu, kiene ue ua bhana Mona kukala ni muenhu moxi, diêmuène.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

Dijingunuinu 10:6

anga u loka mu dijina dia Nzambi, ió ueniê ni muenhu uê katé ku hádia ni hádia, ua bhanga o diulu ni ima ioso iala-mu, ni oxi ni ima ioso iala-mu, ni musanza ua kalunga ni ima ioso iala-mu. Anju anga i zuela, iexi: Ki kua-ndu kala dingi kukokoloka!

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 4:10

o makuinhi aiadi a kikulakaji ni iuana, a di bhala bhu pholo ia Muène ua xikama bhu kiandu, hé a mu bheza uene ni muenhu uê mu mivu ia kambe dizubhilu. Hé a takula itundu iâ bhu pholo ia kiandu, exi:

Dijingunuinu 4:9

Kithangana ni kithangana, kioso o iama iuana ki i bhana fuma ni ujitu, ni kusakidila ió ua xikama bhu kiandu, uene ni muenhu uê mu mivu ia kambe dizubhilu,