Daniiele 4:27 - O Mikanda Ikola

²⁷ Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Daniiele 4:27 Iomraidhean Croise

Dimatekenu 11:4

Exi: Ndokuenu, tu bhange mbonge, tu iudike ni kathôndo ka vula matala, ka tute ku diulu, tu fumane dijina; phala ki tu di muangene mu ngongo ioso.

I Jisobha 21:29

Eie Akabe kua mu mono kuila uala ku di tululula bhu pholo iami? Mukonda-phe ua di tululula bhu pholo iami, uíndua iú u nga tange ku mu bhanga ki nga-nda ku u bheka mu izuua iê, kana; nga kà u bheka-phe mu izuua ia monʼê ku thandu dia dibhata diê.

Jisálamu 119:46

Ngi tanga jinga o umbangi ué, ni bhu pholo ia jingana, jisonhi ki ji tena ku ngi kuata.

Jisabhu 11:2

Bhuoso bhua tuama ukumbu, hádia bhu kaiela ue dilebhu; maji oso a di tululula, ene adimuka.

Jisabhu 16:6

Bhuala o henda anga bhu kala ue o kidi, kituxi ki jima; maji athu kuebha o ituxi, ki kale ngó ku uoma ua Jihova.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Izaía 10:13

Mukonda uambe, uixi: O kiki nga ki bhange ni nguzu ia lukuaku luami, ni mu kuijiia kuami, kuma ngi muthu nga tongoloka; eme nga sondolola o jimbambe ja ifuẋi, o jimbongo jâ nga a nhana-ju, ni uzonda uami nga buikisa a xikamene ku iandu ia ungana.

Izaía 47:10

Kuma uadielela o phulu ié, uixi: Ki bhuala u tena ku ngi mona; o unjimu ué ni ndunge jé ji ua di-longo, jene ja ku bhekela kujimbila, eie uambe ku muẋima ué, uixi: Eme-muène ngó, kana-ku muthu ni mukuetu nga soko-nê.

Izaía 47:8

Kiki-phe, ivua-kiu, eie ua kodiua ni ima ia uabha, ua tunga ua soma, eie uene mu kuila mu muẋima ué, uixi: Eme-muène ngó, kana-ku ua soko ni eme; ki nga-nda ku kala ngi mutudi, ki nga-nda kuijiia ue dilamba dia kufunda ana.

Jelemiia 29:7

Sotenu kutululuka kua mbonge mu nga mi balakala, sambelenu-iu kua Jihova; mbata mu ku tululuka kuê, enu ue mu kala ni kutululuka.

Jelemiia 38:20

Jelemiia uixi: Ka-nda ku ku bhakula. Nga ku diondo, ivua dízui dia Jihova, kala ki ngala ku ku tangela na-diu; se u dʼivua, ua-nda ku kala kiambote, o muenhu ué ua-nda kulaia muene.

Izekiiele 18:7

ka xikina kubhondeleka muthu uoso-uoso, o kiximbi kia mu ximbikila mukua dikongo u mu vutuila-kiu, ka xikina kunhana, o uala ni nzala u mu bhana kudia, hé u zuika kizuatu kua ió uala ni tuẋi.

Izekiiele 29:3

Zuela, kuamba: O Jihova Nzambi uambe kiki: Emʼiú, mu kuzoka nʼeie Falaó, sobha ia Ijitu, u kimudikixi kionéne, ua butama muʼaxaxe ka jingiji jé, eie ua mu kuila, uixi: O ngiji iami, iami eme-muène, kuma eme nga i bhange phala eme.

Izekiiele 29:9

O ixi ia Ijitu hé ia kà kituka ixi ia kikangalakata ni jingùndu; mbé nʼa kà kʼijiia kuila emeʼeme ngi Jihova, kuma eie uambe, uixi: O ngiji iamiʼeme, eme nga i bhange.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Amoji 6:13

Enu-phe mua akua kusangulukila kingoho, muamba muexi: Etu manhi kia tu jingisa kʼo nguzu ietu?

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Habakuke 1:11

Hé a bhita mukuâ ni kitembu kia kibhungu, anga endelela muene nzaká; enhá-phe à kala mu kuêla muene, kuma a fika a ki bhange ni nguzu ia tundu kua nzambi iâ.

Sofoniia 2:15

Iii-phe iene o mbanza, o mbonge iadijimbi iala kutumbujuka ni ngalasa, ni ku di dielela iene, hé uia ni kuzuela mu muẋima uê, uixi: Eme ngó kuabhu, ki bhuala dingi nga soko-nê! Kiki-phe ueza ngúndu, ua biluka dinangu dia iama! Muthu uoso ubhita-mu, u diuuana! Uxika muphióphio, hé u bhabha ibhubhu!

Matesu 3:8

Imenu-phe ibundu ia fuama o kudiela.

Luka 11:41

Kala kiki, ima ioso ia mi kala moxʼa kopho ni dilonga, bhanenu-iu ku jingadiama, nda ima ioso i mi kale iazele.

Jipoxolo 24:25

Maji kioso Phaulu kia kala mu kulombolola kioso ki kala o kuiuka, ki kala o kutolola jihanji, ki kala o kufundisa kua hádia, Fele ua teketa, iú ua kumbulula, uixi: Kindala ndeie hanji. Hinu ki ngi kala ni thembu, ngi ku ixana dingi.

Jipoxolo 26:20

Nga diangela kubhana jingolokela ku akua Damasku, ngedi ni ku Jeluzaleme, ni mʼ oxi ioso ia Judeia, katé ni ku matumbu. Nga a jimbuila jinga kuma a tokala a diela ni kueha o ituxi iâ, nʼ a biluke kua Nzambi, ni kubhanga o imbamba ia fuamena o kudiela kua kidi.

Jipoxolo 8:22

Diela kindala o kubhuma kué kuku, u sambele Ngana, sumba ki ua fikile ku muẋima u ku lolola-kiu.

II Kolindo 5:11

Ki tualʼiki, tuejiia kioso ki kala o uôma ua Ngana, kienhiki athu tu sota ku a ejidisa o kidi. Maji o Nzambi ua tu ijiia muene kiambote, tamanu enu ue mu tu ijiia muene kiambote mu miẋima ienu.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Efezo 4:28

Uoso ua nhanéne, ka nhane dingi; inda a mateke kukalakala, mbé a kale ni muenhu uambote ua ujitu, nʼ a tene kukuatekesa mukuâ uoso ua bhindama.

Matendelelu 24:13

kumbi se dia tula kiá, sé phata muene, mu bhekele o kikunji kia ku bhele, nda a di fute-kiu hanji a zeke bhu thanga iê phala a ku besouale. O kienhiki-phe Jihova Nzambi ié u ku mona u muthu uaiuka.

Matendelelu 32:27

Maji nga kexile ni hele, mukonda dia nzabala ia nguma. Oso a mi kala ni luma avula ku ki mona; a soko-bhu kuila: Lukuaku luetu luene lua ki bhange, Jihova ki muene ua ki bhange ubheka uê.

Matendelelu 8:17

Sumba muà kela mu miẋima ienu muixi: Mu nguzu ietu ni kusuina kua maku metu, muene mu ejiia o umvuama uoso uenhú.

I Phetele 4:8

Mu ima ioso kotʼèlele o henda ienu mudienu i fulujuke, kuma henda i sueka nzungule ia ituxi.