Daniiele 4:26 - O Mikanda Ikola

²⁶ O kiambe-phe exi, kixinji kia muẋi ni jindanji jê ki xiala, kifua-phe o utuminu ué ua-nda kuxialela na-u dingi, kioso ki uzubha ku kʼijiia kuma ku Diulu sai-ku ua tumina ioso.

Daniiele 4:26 Iomraidhean Croise

Daniiele 2:18

phala a dionde o henda ia Nzambi ia diulu, bhu kaxi ni kijinganu kiki, phala o Daniiele ni akua dianda diê ka fuile kumoxi ni jinjimu joso jene mu Babilónia.

Daniiele 2:19

Bhenhobho Daniiele a mu tukuluila o kijinganuʼiki mu kisuma kia usuku; Daniiele bhenhobho u kala mu ximana Nzambi ia diulu!

Daniiele 2:37

Eie, muenexi, u ngana ia jingana muene; kuma o Nzambi ia diulu ua ku bhana utuminu ni ukuenze, ni undanda, ni ulâmba.

Daniiele 4:15

Maji o kixinji kia kixina kiê ki xale ni jindanji jê mu mavu, kiene mu ki kuikile ku isasa ia mukáu bhu lubhambu lua felu ni ngondo; kiende ni kusumina mbundu i tunda ku diulu, kúdia kuê o iangu ia mvunde ia bhoxi kumoxi ni iama.

Daniiele 4:23

O ki ua monuʼokio-phe sobha, kuila mulangi, muthu uangene ukôla, ua-lu tuluka mu diulu, uixi: Muẋiʼú batulenu-u, mu u kokojole jithangu, maji o kixinji kiê ni jindanji jê ki xiale ku mavu, mu ki kuikile ku isasa ia mukáú bhu lubhambu lua felu ni ngôndo; kiende ni kusumina mbundu i tunda bhulu ku diulu, o dikanda dia kúdia kuê, iangu ia mvunde ia bhoxi kumoxi ni iama ku mukáu, nda a kale kienhiki katé mu sambuadi dia jithembu.

Daniiele 4:31

Kiluua a zubha ku ki zuela-phe, sobha, kua mu laukila dízui dia tundu mu diulu, diexi; Sobha Nabukodonozolo a ku ambela kiki: Ungana ua ku bhu!

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Daniiele 5:20

Maji kioso kia mu nanuka muẋima uê, kilunji anga ki mu xixila ni ukumbu, a mu lundumuna bhu kiandu kia ungana uê, kijingo iá a mu tambula-kiu.

Daniiele 5:21

Anga a mu kaia muʼaxaxi ka anʼa athu, o muẋima anga a mu lungulula-u u kituka kala ua kiama, anga u tunga kumoxi ni mikete ku mukáu, a mu bhangesa kúdia iangu kala ngombe; mbundu i kuata ku mu sukila ku mukutu, anga ukala kienhiki katé ki kia mu tetulukila kuma Nzambi Suke-ku, muene uene kutumina o maungana ma athu, o uoso a mu andala u mu hingisa ku thandu dia akuâ.

Matesu 21:20

Jixibulu kia ki mono, a diuana, exi: Mufiku ua lela kiebhi kindalʼiki?

Matesu 5:34

Eme-phe ngi mi ambela: Kana kulôka; kana kulokela diulu, mbata kialu kia Nzambi kia ungana.

Luka 15:18

Ngi zanguka, ngiia kua tatʼetu, hé nga kèla: Tatʼetu, nga te kituxi ku diulu kua Nzambi, ni mu ngongo ko-kué.

Luka 15:21

Mona-phe uixi: Tatʼetu, nga te kituxi ku diulu kua Nzambi, ni mu ngongo kó-kué! Ki nga fuama dingi ku ngʼixana ngi monʼé.