Daniiele 4:22 - O Mikanda Ikola

²² Muẋi iú éʼmuene, u sobha, uakulu uazande, o kijingo kié kiakulu kia tuta ku diulu, o ungana ué uabhixila muene katé kua suku oxi.

Daniiele 4:22 Iomraidhean Croise

Dimatekenu 11:4

Exi: Ndokuenu, tu bhange mbonge, tu iudike ni kathôndo ka vula matala, ka tute ku diulu, tu fumane dijina; phala ki tu di muangene mu ngongo ioso.

Dimatekenu 28:12

Ku kilu anga u anjiua nzoji, u mona xikata aʼimika bhoxi ku mavu, maji o sungu iê ia tuta ku diulu; o ji-anjo ja Nzambi ji banda ji kulumuka ku xikata kuenhuku,

II Samuuele 12:7

Natane anga u ambela Davidi, uixi: Eie-muène u muthu ua bhange kiki! Kuala Jihova, Nzambi ia Izalaiele, uambe kiki, uixi: Eme-muène nga ku undu ku ungana ua Izalaiele, ememuène nga ku kudila bhu lukuaku lua Saúlo;

II Malunda 28:9

Muenhomo-phe mua kexile polofeta ia Jihova, dijina diê, a muʼila; Odele. Muenʼiú anga u tunda mu ku kauidila o kifuẋi kia masoladi, kia mu kuiza mu Samádia, anga uʼambela, kuila: Talenu, kioso Jihova, Nzambi ia jitata jenu kia thathamena akua Juda, ua a bhakula bhu lukuaku luenu, enuʼenu mua a jibha kiabhu ni njinda ia bhingi kuila ia bhixila katé mu diulu.

Jisálamu 108:4

Kuma jihenda jé ja vulu, o ditala dia maúlu ndenge; o kidi kié kia somboka o matuta oso a di leka.

Jisálamu 36:5

O kulenduka kué, u Jihova, kua tuta ku diulu; o kukumbidila kué ku bhixila ku matuta,

Jelemiia 27:5

Eme nga bhange oxi, ni muthu, ni iama iala ku thanduʼa mavu mu ngongo, ni kutena kuami eme-muène, ni lukuaku luami lua nguzu, hé ngi i bhana ue uoso ua ngi uabhela ku mesuʼami.

Izekiiele 17:3

Uixi: Jihova Nzambi uambe kiki: Kiholokoko kimoxi, kia imabhabha ia makota, kiezala jisàla, kiezala ni minha ia vulu idifua, kieza mu Libanu kì kiambata-mu o luthangu lua beta kulebha lua musédulu.

Daniiele 2:21

Muene u sondolola o jithembu ni ithangana; muene mukua kutulula o jisobha ku ungana mba u a tudika-ku; muene mukua kuila jinjimu u a bhana unjimu, akua kilunji u a bhana o kuijiia ni uhete.

Daniiele 4:11

Muẋi iú hé ukuata kukula ni ku dizandela kiavulu, katé ki uatuta ku diulu; anga, katé kua suku oxi, athu oso aia ni ku u mona.

Daniiele 4:21

ni kuila mafe mê makembe, o ibundu nzungule, ua bhingi ene oso a tuta huta iâ ia kúdia kuenhuku, o iama ia mukáu anga i tunga mu kilembeketa kiê, o jinjila jibhita bhulu anga ji tunga mu jithangu jê.

Daniiele 4:29

Mbata kua bhitile ngó kuinhi dia mbeje ni jiiadi, o kia kuata kuimajana kiki, ku thandu dia palaxu ia muenexi mu Babilónia,

Daniiele 4:36

Bhenhobho kilunji kia ngʼiza kiua muʼanzanza muenhomo; o kia ngi tudika kiá dingi ku utuminu uami, ulàmba uami ua ngi tula dingi, o kubenha kuami kua ngiza dingi luamukuá. O makota mami ma jingana ni jindongixi jami eza ku ngi takana dingi; iá a ngi xikika luambukuá ku usobha uami, anga kijingo kiami ki di-bandekeza dingi, o kiòkulu ndenge.

Matesu 14:4

Mukonda o Nzuá dia Batizu ua mu ambelele, uixi: Eie ku tokala kusakana ni muhatuʼa phangʼiê!

Dijingunuinu 18:5

Mukonda o ituxi iê ia bhixila katé ku diulu ni kudilunjijika, o Nzambi iu ua xinganeka o ikuma iê.