Daniiele 4:19 - O Mikanda Ikola

¹⁹ Bhenhobho Daniiele, a mu edi Beltexazale, u kumbikinha hanji kithangana katé mu uola iamvimba, ilunji ia mu tandanganha. Sobha-phe ukumbulula, uixi: Beltexazale, nzoji iii ki i ku juualese, mba u tandanganha mukonda dia dijimbuluilu diê. Beltexazale utambuijila, uixi: Ngana iami, o nzoji i lungile kua ió oso a ku kuatela luma, o dijimbuluilu diê di nongone muene oso jinguma jé!

Daniiele 4:19 Iomraidhean Croise

Dimatekenu 31:35

Lakele anga u ambela tatʼâ, uixi: Ku ngi mone, ngana, kubhuma, nga kambe kuimana bhu pholo ié; kuma o kífua kia ahatu kia ngi kuata. O muene anga u solokota muene, maji iteka ka i mono.

Dimatekenu 32:18

Bhenhobho eie ua kèla kuma: Ibhaku iangene ia selevende ié Jakobo; ujitu ua tumikisa ngana iami Izaú; muene ue iú uiza ku dima kuenhuku.

Dimatekenu 40:12

Zuze anga u mu ambela, uixi: Dijimbuluilu diê dienhidi: Thangu jitatu, izuua itatu;

I Jisobha 18:7

O kioso kiala-phe kiá Obadiia mu njila, u takana ni Elija; o kia mu mono, kuma muene ua mu ijidile kiá, u dibhala ni pholo iê bhoxi mu diunda, uixi: Eie-muène muadiʼami Elija?

Makatukilu 32:32

Ki alʼiki, a loloke Ngana, o kituxi kiâ. Se ki ki ẋikina, eme uami ngi jimune, nga ku diondo, mu divulu dié di ua soneka.

Jelemiia 29:7

Sotenu kutululuka kua mbonge mu nga mi balakala, sambelenu-iu kua Jihova; mbata mu ku tululuka kuê, enu ue mu kala ni kutululuka.

Jelemiia 4:19

Uá! Vumu diami, vumu diami, tata! A ngi kuama ku muẋima uami! muẋima uami iú lunguta! ku di xibha nga lembua; mukonda o muenhu uami koloneta ua ivué ni milolo ia ita.

Daniiele 1:7

O kota dia jingolambole iu ua a bhana majina engi: Daniiele ua mu luku Beltexazale; Hananiia ua mu luku Sadalake; Mizaiele ua mu luku Mizake, o Azadiia ua mu luku Abede-neko.

Daniiele 2:26

Sobha hé uambela Daniiele (a mu edi Beltexazale), uixi: Eie mbé ua soko-bhu o ku ngʼijidisa o nzoji i nganjiua, ni ku i lombolola?

Daniiele 2:37

Eie, muenexi, u ngana ia jingana muene; kuma o Nzambi ia diulu ua ku bhana utuminu ni ukuenze, ni undanda, ni ulâmba.

Daniiele 4:24

Didi diene o dijimbuluilu dia nzoji, eie sobha; iii iene ngonge iatundu kua Suke-ku, kioso kia-nda kuiza ku thandu dia sobha, ngana iami.

Daniiele 5:12

muenhú uene ni muẋima uabeta ujitu, ni kuijiia, ni unjimu, ujingununa jinzoji, utetulula dioso diba dia jinganana, ubhuisa jiphata, ima ioso iii a i sange kua muthu umoxiʼú, Daniiele, a mu luka kuala muenexi uixi: Beltexazale. Tumenu-phe Daniiele, muene uanda kubhana o dijimbuluilu dia kisoneku kiki.

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Daniiele 5:19

Mukonda-phe dia unéne ua mu bhele, miji ioso ni ifuẋi, ni athu a madimi moso, edile ni kiteketela ni uoma bhu pholo iê-muène. Uoso ua mu idi ngi mu jibha, u mu jibha muene; uoso ua mu edi akole muenhu, u mu bhaka ni muenhu; o ki ela muthu iú ngi mu zangeleka, u mu zangeleka muene; o ki ela muthu iú ngi mu tununa, u mu tununa muene.

Daniiele 7:15

Eme-phe, ngi Daniiele, muenhu uami moxi a mukutu ua ngi iokojoka, nga bhuuama ni isuma ia ngi bhiti mu kilunji, kuma ia ngi diuanesa.

Daniiele 7:28

Bhua suku o kisumaʼabha. Maji eme, ngi Daniiele, ilunji iami ia ngi juualele, katé ni pholo ia ngi kitukile muene; inda ima ioso iii nga i lundu muene ku muẋima uami.

Daniiele 8:27

Eme-phe, ngi Daniiele, ngʼambuka, nga kexe muene izuua bhu hama ni kukata. Anga ngi balumuka-bhu mu kukuata midimu ia muenexi. Ngi kuata kusasumuka ki ngi banza o kisuma kiki, kana-bhu-phe muthu kia mu tetulukila.

Habakuke 3:10

O milundu ia ku mono, ì ia teketa; kua bhiti kihungulule kia menha; o dikungu dia mukiukuluku, ki di moneka hole, a dʼivu dízui diê ni kuleka muene o maku mê bhulu.

I Samuuele 1:15

Hana-phe anga u vutula, uixi: Kana, ngana iami, tata! Ngi muhatu ua mukua malamba; ki nga nu, né ngó vinhu, mba kúnua kuengi kuoso-kuoso ku kodiuisa; maji nga mu lunduluila o muenhu uami bhu pholo ia Jihova.

I Samuuele 24:8

Kia zubha kuia, Davidi ue u balumuka hé u tunda, u kuata kuhandekela Saúlo, uixi: Kùku, eie-ó! Saúlo kia sakuka kuema, Davidi u bhetama pholo bhoxi, u mu diundila ni ujitu uoso.

I Samuuele 26:15

Davidi anga u ambela Abinele, uixi: Abinele u diiala, kuambe? Eie mu Izalaiele ku moneka mukuenu. Muadiʼé muenexi-phe, ku mu langela-hi? Tala, kuma bhejile muthu kujibha muadiʼé muenexi.

I Samuuele 3:17

Uixi: Kima kiahi kia ku tangela Jihova? Nga ku diondo, kana ku ngi suekela-kiu; Nzambi a ku bhange-kiu, a ku tele-ku dingi ku kaxitiku, se eie u ngi suekela kima, anga u kamba ku ngi tangela ioso ia ku ambela muene.