Daniiele 4:17 - O Mikanda Ikola

¹⁷ Sendesa iii iatundu ku Alangidi, o ngonge iii iangene ia athu akôla; phala ki bhekele athu ku tongolola kuma, mbé Suke-ku muene utumina o ma-usobha ma athu; u ma bhana uoso a mu andala, katé-ze ni sébhue u mu zangeleka muene ku thandu dia athu.

Daniiele 4:17 Iomraidhean Croise

I Jisobha 21:25

Kana-ku-phe muthu ua sokela ni Akabe, mu ku di sumbisa mu kubhanga kiaiibha ku mesu ma Ngana kala muene, mukonda dia mukajʼê Jezabele, ua kexile ku mu funhisa jinga kubhanga kiaiibha.

II Malunda 28:22

O mu kithangana kia mu bhondeleka sobha ia Asidia, muene ue ua beta dingi o ku tondalela Jihova, ni kubhanga kia ibha; kienhiki o kikexilu kia sobha Akaji;

Jisálamu 103:19

Jihova, kialu kiê kia ungana ua ki xikika mu diulu, o utuminu uê ua bhiti kuene kuoso.

Jisálamu 12:8

Mukonda iiala iabhumu ala kunama ku mbandu joso; a sekala ene a a zangeleka kukala ku kijingo.

Jisálamu 9:16

Jihova ua di monekena mu kaxtiku ka a bhesa; mukua phulu ua mu kuata mu ima ia bhange muene ni maku mê. (Hakione, Selah.)

Makatukilu 9:16

maji-phe kiene ki nga ku bhakela ku muenhu, phala ku ku idikiza kutena kuami, mbé o dijina diami di fumane mu ngongo ioso.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Izaía 6:8

Kia bhiti kiki, ngevu dízui dia Jihova, uixi: Mukuahi ngi mu tuma, nanhi u tu endela bhu kididi? Eme-phe, ngixi: Emeʼami-ú, Ngana, ngi tume eme.

Izekiiele 25:17

Hé nga kà a vutuila phonzo ia dikota, ni ku a talesa hadi ni njinda, kiene kia kà kʼijiia kuila eme-muène ngi Jihova, kioso ki nga kà zubha o ku a vutuila o phonzo iami ku thandu diâ.

Izekiiele 7:24

Anga ngʼixana athu a beta kota mu kuiibha, ene mu kaxi ka miiji ku mundu, ene a kà tunga mu jinzu jâ; anga ngi buisa-ku o kuzangalala kua mazonda, o ididi iâ ikôla ia kà sebuluka.

Daniiele 11:21

Anga bhu kididi kiê kua ka balumuka muthu uengi uaiibha, u kala semenhi, o iú athu ka-nda kuxikana ku mu bhana kijingo kia tokala utuminu, maji muene-ku ua-nda kuiza ni kuzomba, anga utuminu u u tambula ni jimvunda.

Daniiele 2:21

Muene u sondolola o jithembu ni ithangana; muene mukua kutulula o jisobha ku ungana mba u a tudika-ku; muene mukua kuila jinjimu u a bhana unjimu, akua kilunji u a bhana o kuijiia ni uhete.

Daniiele 4:2

Nga ki mono kuila kia ngi fuama muene o kufumanesa ijimbuete ni madiuanu oso a ngi kalakela Nzambi, Suke-ku.

Daniiele 4:25

Kala kiki, muʼaxaxi ka athu, a-nda ku ku tubhula-mu anga utunga ni jixitu ku mukáu, a-nda ku ku disa iangu mukuâ ni ngombe, mbundu ia bhulu ia-nda ku ku sukila anga i ku betesa muene; anga unakina sambuadi dia jithembu ji bhita kuthandu dié kienhiki; katé ki u kʼijiia kuamba mbé Suke-ku muene u tumina ma-usobha ma athu, muene u ma bhana uoso ua mu andala.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Loma 13:1

Athu oso ende ni kubelesela o maungana. Kuma kana-ku ungana uengi, ki kale u tunda kua Nzambi; o maungana moso mala-ku, Nzambi muène ua ma tumu.

I Kolindo 1:28

Nzambi ua soluʼê ima ia mu tobhesa o mundu mu ngongo mumu ni kuila exi, ia sebuluka, ki i te kima, phala a jikinise na-iu ioio ia mu kuila o mundu kuma iene ia beta o ujitu.

I Timote 5:21

Nga ku tendelela ku mesu ma Nzambi, ni ma Jezú Kristu, ni ma jianju jangene, kuila mu ioso i u bhanga jinga, ima iii u i kumbidila muene sè hèle mba kubhanga kima ni kathômbo ka muthu.

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!

I Samuuele 2:8

U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.