Daniiele 4:14 - O Mikanda Ikola

¹⁴ U kuata ku dikola ni nguzu ioso, uixi: Muẋiʼú batulenu-u, solalenu-u o jithangu jê, o mafe mê mu ma lalumuna-ku, ibundu iê muangenenu-iu mu kanga; o iama ioso iene kubutama bhu kixina kiê, kaienu-iu, kumoxi ni jinjila jene mu jithangu jê.

Daniiele 4:14 Iomraidhean Croise

Jobe 24:20

A kà mu jimba kiá kuala mamʼâ; o tubamba tua kà mu dia ni vondadi ioso; kana-ku dingi ua kà mu xinganeka; mukua mangonha a kà mu bukujula kala muxi.

Jelemiia 27:5

Eme nga bhange oxi, ni muthu, ni iama iala ku thanduʼa mavu mu ngongo, ni kutena kuami eme-muène, ni lukuaku luami lua nguzu, hé ngi i bhana ue uoso ua ngi uabhela ku mesuʼami.

Jelemiia 51:6

Mu kaxi ka Babilonha lengenu-mu! O muthu ni muthu a bhulule muenhu uê. Ki mu di jikinise anuʼenu mu ku ibha kuêmuène; mukonda o kiki kiene o kithangana kia phonzo ia Jihova; Muene hádia u mu bhana kioso kia mu fuama.

Jelemiia 51:9

Kuma Babilonha tuandelele ku mu saka nʼa disanze maji muene ua lémbua kudisanza; muʼambudisienu, kala muthu aie ku ixi iê; mbata difundisilu diê dia bhixila ku diulu, dia di leka tulé ku matuta a suku-ku bhulu.

Izekiiele 31:10

Kala kiki, o Ngana Nzambi uambe, uixi: Mukonda eie ua di zangula mu kitala kié, o dizoko-zoko dié di dia zangumuka mu, axaxe ka jithangu jé ja di zandela, mukonda dia kitala kié, muẋima ué iú ua di zangeleka.

Daniiele 2:21

Muene u sondolola o jithembu ni ithangana; muene mukua kutulula o jisobha ku ungana mba u a tudika-ku; muene mukua kuila jinjimu u a bhana unjimu, akua kilunji u a bhana o kuijiia ni uhete.

Daniiele 3:4

Bhenhobho katúmua u xika ngonge, u kola ni dízui dia suína, uixi: Enu mu jipovo, ni ifuẋi, ni madimi, a mi tumu, exi:

Daniiele 4:12

Mafe mê makemba kiambote, o ibundu iê ianzungule, usanga ene oso huta iâ itunda kuenhuku; iama ia mukáu iasange kididi mu kilembeketa kiê, jinjila ji bhita bhulu jitunga mabhata mâ mu jithango jê, xitu ioso hé ienda ni ku di-dikila ku muẋi uenhú.

Daniiele 4:23

O ki ua monuʼokio-phe sobha, kuila mulangi, muthu uangene ukôla, ua-lu tuluka mu diulu, uixi: Muẋiʼú batulenu-u, mu u kokojole jithangu, maji o kixinji kiê ni jindanji jê ki xiale ku mavu, mu ki kuikile ku isasa ia mukáú bhu lubhambu lua felu ni ngôndo; kiende ni kusumina mbundu i tunda bhulu ku diulu, o dikanda dia kúdia kuê, iangu ia mvunde ia bhoxi kumoxi ni iama ku mukáu, nda a kale kienhiki katé mu sambuadi dia jithembu.

Daniiele 4:29

Mbata kua bhitile ngó kuinhi dia mbeje ni jiiadi, o kia kuata kuimajana kiki, ku thandu dia palaxu ia muenexi mu Babilónia,

Daniiele 5:20

Maji kioso kia mu nanuka muẋima uê, kilunji anga ki mu xixila ni ukumbu, a mu lundumuna bhu kiandu kia ungana uê, kijingo iá a mu tambula-kiu.

Daniiele 5:21

Anga a mu kaia muʼaxaxi ka anʼa athu, o muẋima anga a mu lungulula-u u kituka kala ua kiama, anga u tunga kumoxi ni mikete ku mukáu, a mu bhangesa kúdia iangu kala ngombe; mbundu i kuata ku mu sukila ku mukutu, anga ukala kienhiki katé ki kia mu tetulukila kuma Nzambi Suke-ku, muene uene kutumina o maungana ma athu, o uoso a mu andala u mu hingisa ku thandu dia akuâ.

Matesu 3:10

Kumbʼ idi dikuua a di tula kiá bhu kixina kia miẋi. Muẋi uoso u kamba kuima ibundu iambote, a u koka, hé a u ta mu túbhia.

Matesu 7:19

Muẋi uoso u kamba kuima ibundu iambote, a u kokela bhoxi, hé a u texi mu túbhia.

Luka 3:9

O kisèsu ue, kia kukoka na-kiu, kiòte kiá bhu jindanji ja mixi. Muxi uoso u kamba kuima ibundu iambote, a u koka, hé a u ta mu túbhia.

Dijingunuinu 10:3

Anga u dikola ni dízui dia suina mukuâ ni kukumba kua hoji. O kia zubha kudikola, sambuadi dia inuminu ia tambuijila ni kimutendu.

Dijingunuinu 18:2

Muène anga u di kola ni dízui dia suina, uixi: Ia jimi! O Babilónia ia dikota ia jimi! Mua biluka ditungilu dia madimonho, disuamenu dia nzumbi joso jaiibha. Mua kituka kibuta mu tunga o njila joso jaiibha ja ifusa!