Daniiele 4:12 - O Mikanda Ikola

¹² Mafe mê makemba kiambote, o ibundu iê ianzungule, usanga ene oso huta iâ itunda kuenhuku; iama ia mukáu iasange kididi mu kilembeketa kiê, jinjila ji bhita bhulu jitunga mabhata mâ mu jithango jê, xitu ioso hé ienda ni ku di-dikila ku muẋi uenhú.

Daniiele 4:12 Iomraidhean Croise

Jobe 12:24

O mixima ia atumini mu ngongo, u a katula-iu, anga u a bhangesa kubungana mu kikangalakata mua kambe o njila.

Jobe 14:7

Kuma ku muxi sai-ku kia kudielela, kuila né a u koka, hanji u tona dingi kusabhuluka, o jithangu jê ki jʼeha ku kula.

Jobe 14:9

ku dizumba ngó dia menha, uandeka kiá kusabhuluka, anga u bhana jithangu kala kixina kia ubhe.

Kuditenda 4:20

O na tudilu dia kubhuima kuetu a tu ûndila-nê kua Jihova, a mu kuatela mu madiela mâ; o muene-phe, muene tua mu edile, tuixi; né kiá ki tu bhinga ku xalela muʼaxaxe ka akua jixi, tua kà kala mu kilembeketa kia muene.

Izekiiele 17:23

Ku mulundu ua di-leka ua Izalaiele kuene ku nga kà u kuna, hé ua kà sabhuka jithangu, u bhana ibundu anga u di-bhanga musédulu ua matunda; o jinjila, ja idifua ioso ia mabhabha, ja kà tunga moxi diê, mu kilembeketa kia jithangu jê muene mu ja kà tunga.

Izekiiele 31:17

Enhá ue a kà tuluka muene muʼalunga mu ku di bunda kumoxi ni iá a a tubula ku xibhata; xi, kua ió a mu kexile ene o lukuaku luê, a xikamene mu kilembeketa muʼaxaxi ka akua jixi.

Daniiele 4:14

U kuata ku dikola ni nguzu ioso, uixi: Muẋiʼú batulenu-u, solalenu-u o jithangu jê, o mafe mê mu ma lalumuna-ku, ibundu iê muangenenu-iu mu kanga; o iama ioso iene kubutama bhu kixina kiê, kaienu-iu, kumoxi ni jinjila jene mu jithangu jê.

Matesu 13:32

O luene kidi kiene, lua suku-ku mu kutola ku jimbutu joso; ki lua-nda kukula-phe, idima ioso i kala ndenge, muiza muẋi ua kuila jinjila ji bhita bhulu jenda ni kutula mu jithangu jê.

Marku 13:32

Jezú anga u lombolola dingi, uixi: Kizuuʼokio-phe ni kithangana kiê, kana muthu ua kʼijiia, ne ji-anju mu diulu, ne o Mona, ki kale Tata muene ngo.

Marku 4:32

O kia lu kuua, lu sabhuka, anga lu kala kota mu ku kula, idima ioso ndenge. Lu bhana jithangu, o jinjila ji bhita bhulu anga ji tula mu jithangu je, anga jibhanga ikalanga mu kilembeketa kie.

Luka 13:19

Kia soko ni mbùndu ia mbutu ia mostarda, ia katula muthu, anga u i kuna mu díbhia diê. Anga i sabhuka, i biluka muxi, o jinjila ja diulu anga jiza ji tula mu jithangu jê, anga ji tunga-mu o ikalanga iâ.