Daniiele 3:6 - O Mikanda Ikola

⁶ Uoso u kamba kufukama ni ku ki bheza, mu uola ienhoio a-nda ku mu takuila mu kijiku kia uama túbhia tua muzukuta.

Daniiele 3:6 Iomraidhean Croise

Dimatekenu 19:28

o kia talela ku Sodoma ni ku Ngomola, ni ixi ioso ia ngânga, u mona ixi ioso iala mu tuka dixi, kala kitumba kia uama.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Izaía 44:17

Bheneʼobho ku kiximbu kia subhuka-bhu u ki iudika kia nzambi, kiteka kia kuseta; u ki fukamena, u diunda bhoxi, u ki tela jihasa, uixi: Ngi kudile, mukonda eie muene u Nzambi iami.

Jelemiia 29:22

Phala enhoso ai ku ubhika a tundu mua Juda iá ai ku Babilonha, a katuile-ku mázui, kiela: Jihova a ku bhange kala kia Zedekiia ni kia Ahabe a a zuzile ku túbhia kuala sobha ia Babilonha.

Daniiele 2:5

Sobha u kumbulula akua Kaldeia, uixi: Nzoji ia ngi lenge (ia ngi jimbi); enu-phe se mu kamba ku ngi lembalesaiu, anga mu i tanga dijimbuluilu diê, nga-nda ku mi sasujula, o mabhata menu ngi ma bhanga maxita.

Daniiele 3:11

O uoso u kamba kudiunda, ni ku ki bheza, a mu takule mu kijiku kia túbhia tua muzukuta.

Daniiele 3:15

Kiki-phe, hé kia mi tetulukila kiá, enu muala kiá polondo, kioso ki mu ívua mbimbi ia buzina, ni ia mbèndu, ni ia kakoxi, ni ia mbànza, ni ia kisanji, ni ia ngaieta ia jiphukila, ni maxikile oso a kuxika, anga mu diunda hé mu bheza o kiteka ki nga iudika, kiauabha! O ki muila, nguenu ku ki bheza, mu kithangana kienhokio muene, a-nda ku mi takuila mu kijiku kia túbhia tua muzukuta; Nzambi kuxi-phe ua-nda kutena o ku mi kudila bhu lukuaku luami?

Daniiele 3:21

Mala enhá anga a a kutila bhenhobho ni jikapa jâ, ni jikalasá jâ, ni jithanga jâ ni ji xapé jâ anga a a takula mu kijiku kia uama túbhia tua muzukuta.

Daniiele 3:7

Kala kikiphe muʼanzanza muenhomo, kioso jipovo joso ki jʼevu o mbimbi ia buzina ni ia mbèndu, ni ia kakoxi, ni ia mbânza, ni ia kisanji, ni ia maxikile moso ma mimbu, ene-oso a fukama ia adiunda muene, ni jipovo, ni ifuẋi, ni madimi, iá a bheza kiteka kia ulu kiemika kuala sobha Nabokodonozolo.

Daniiele 5:19

Mukonda-phe dia unéne ua mu bhele, miji ioso ni ifuẋi, ni athu a madimi moso, edile ni kiteketela ni uoma bhu pholo iê-muène. Uoso ua mu idi ngi mu jibha, u mu jibha muene; uoso ua mu edi akole muenhu, u mu bhaka ni muenhu; o ki ela muthu iú ngi mu zangeleka, u mu zangeleka muene; o ki ela muthu iú ngi mu tununa, u mu tununa muene.

Daniiele 6:7

Ilâmba ioso ia utuminu ué, ni jinguvulu jaʼxi, ni mavunda, ni ilôlo, ni makota, a di-kundu bhuamoxi phala ku sonekesa ngonge ia nganʼetu muenexi, anga i di-bhanga kijila kia kôlo; kuma mu makuinhi atatu a izuua, muthu uoso u bhinga kima kua Nzambi ioso-ioso mba ku muthu uengi ko kué, muenexi, kana, a mu takule mu ngenda ia jihoje.

Matesu 13:42

hé a kà a texi mu kitúbhia kia dikota. Muenhomo muene muà kala o kudila ni ku di kokota ku mazu!

Matesu 13:50

O aiibha há a kà a texi mu kítubhia kia dikota. Kuene kuà kala o kudila ni ku di kokota ku mazu.

Matesu 4:9

Anga u mu ambela, uixi: Ima ioso iii, ngi ku bhane-iu, se u ngi fukamena eme, ni ku ngi bheza.

Marku 6:27

Kithanganʼokio sobha u katula disoladi ku alangidiʼê, u tuma mutue ua Nzuá dia Batizu. Muene anga uia mu ʼaleia, u batula mutue ua Nzuá.

Dijingunuinu 14:11

O dixi dia túbhia tua kà a tatesa, dia kà banda jinga katé ku hádia ni hàdia! Momo, oso a bheza kiama ni kitèka kiê, ni oso a tambula kidimbu kia dijina diê, a kà tala hadi muanha ni usuku ka nhoha.

Dijingunuinu 9:2

Anga muène théthembua u jikula mu dikungu dia mukiukuluku, anga mu dikungu mu fuafua dixi kala dixi dia dijiku dia dikota. Ni ku dikumbi, ni kuma kuoso, anga ku vunda mukonda dia dixi dia dikungu.