Daniiele 3:30 - O Mikanda Ikola

³⁰ Sobha anga u beta dingi kuzediuisa Sadalake, ni Mizake, ni Abedeneko, mu sengo ia Babilónia.

Daniiele 3:30 Iomraidhean Croise

Jisálamu 1:3

Muthu ió u kala mukuâ ni muxi uòphaphe bhu mbanduʼa honga ia menha, uenda ni kulukula jinga ibundu bhu thembu iê, o difue diê ki di lela ni di laúka; o kioso kia bhanga, ki tunda ni kubhanduluka.

Jisálamu 91:14

Mukonda ua ngi naminina ni henda, eme-phe, ngi mu kudila; ngi mu tudika ditala, ka mu tena, mukonda ua ngʼijiia o dijina.

Daniiele 1:7

O kota dia jingolambole iu ua a bhana majina engi: Daniiele ua mu luku Beltexazale; Hananiia ua mu luku Sadalake; Mizaiele ua mu luku Mizake, o Azadiia ua mu luku Abede-neko.

Daniiele 2:49

Maji Daniiele ua bhingi kua sobha, iú ualumbu Sadalake, ni Mizake ni Abedeneko mu kuendesa o ikalakalu ioso ia sengo ia Babilónia; o Daniiele muene u kala mu xikama jinga ku mbanza bhu muelu ua sobha.

Daniiele 3:1

Sobha Nabukodonozolo, anga u iudika kiteka kia ulu, o kitala kiê makuinhi asamanu a kóvado, o kubumba kuê kua kóvado jisamanu; ua kʼimika mu dinhana dia Dula, mu sengo ia Babilónia.

Daniiele 3:12

Bhuala-phe mala, jijudé, u ua lumbu éʼmuène kutambula konda ia ikalakalu ia sengo ia Babilónia, ene a-Sadalake, Mizake ni Abede-neko; mala enhá, sobha, kʼala ku ku suua ngó; o jinzambi jé nguâ ku ji xila, katé ni kiteka kia ulu ki uemika, a ditunu ku ki bheza.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.