Daniiele 3:26 - O Mikanda Ikola

²⁶ Nabukodonozolo bhenhobho, ubhiẋila bhu muelu ua kijiku kia túbhia tua muzukuta, anga u handekela, uzuela, uixi: Enu Sadalake, ni Mizake ni Abede-neko, jingunza ja Nzambi. Suke-ku, tundenu ku kanga, muize bhabha! Bhenhobho, ni Sadalke, ni Mizake, ni Abede-neko anga atunda mu kaxi ka túbhia.

Daniiele 3:26 Iomraidhean Croise

Dimatekenu 14:18

Melekizedeke, sobha ia Saleme, anga u tunda ni mbolo ni vinhu; muene ua kexi nganga ia Nzambi Suke-ku.

I Jisobha 8:51

Mukonda Izalaiele ene o kifuxi kié ni undundu ué u ua katula mu ixi ia Ijito, muʼaxaxi ka dijiku dia utadi ua felu.

Ejidala 5:11

O kia tu vutuila ene-phe, kienhiki: Exi, etu tu abhikʼa Nzambi ia diulu ni oxi, onzo i tua mu mu tungulula iii, hanji ki a i bulu, bhuala kiá mivu ia ndumba; sobha ia dikota ia Izalaiele muene ua i tungile, iu ua i zubhile muene.

Jisálamu 66:12

Kifua ua tu vundile hanji bhoxi, athu iá a tu bhita jinga ku thandu ni ku tu titidila; ni mu túbhia ni mu menha tua bhiti-mu; maji o ku pholo kunu, ua tu bheka dingi bhu kididi kia vulu o jimbote.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 52:12

Kuma ki mua-nda kutunda ni lusolo, kana, ki mua-nda kuila kala mua lenge; mbata Jihova muene ua-nda ku mi tuamenena ku pholo, O Nzambi ia Izalaiele anga ua kà kala kuema dienu.

Jelemiia 11:4

kikutu ki nga tendelela o jitata jenu mu kizuua ki nga a katula mʼoxi ia Ijitu, mu kidijiku kia felu; ngixi: Bhanenu mátui ku dízui diami, muende ni kubhanga kioso ki ngi mi tuma; enu-phe mua-nda ku ngi kala mu mundu uami, eme ue nga-nda ku mi kala ngi Nzambi ienu:

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Daniiele 3:17

Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Daniiele 4:2

Nga ki mono kuila kia ngi fuama muene o kufumanesa ijimbuete ni madiuanu oso a ngi kalakela Nzambi, Suke-ku.

Daniiele 6:20

O kia bhixila bhu ngenda, uixana Daniiele ni dízui dia dilamba, sobha hé uzuelesa Daniiele, uixi: Daniiele, selevende ia Nzambi ia muenhu! O kuila Nzambi ié, ua mu bhikila jinga mu ithangana ioso, ua tena ku ku kudila ku jihoje?

Daniiele 6:21

Daniiele-phe uambela sobha, uixi: Eué, sobha, kola muenhu ki uabhe!

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Jipoxolo 16:17

Anga u kaiela Phaulu ni etu, ni kudikola, uixi: Mala iá jiselevende ja Nzambi u kôla. Ene a tu tangela o njila ia kubhuluka.

Jipoxolo 16:37

Phaulu-phe ua ambela, uixi: Etu ki tu te kituxi kia kima, maji ene a tu bhesa jixikote bhu pholo ia mundu, né ngó ku tu fundisa, etu tu akua Loma, iá a tu jikila mu ʼaleia! O kiki andala a tu kaia, mu kuomboloka? Kiokio kana! Ki tu xikina. Inda ene eze a tu tundise.

Jipoxolo 27:23

Nga zuela kiki, kuma usuku ua lelu, kua ngi tukulukila anju ia Nzambi, nga mu tokala, ngene ku mu sedivila,

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Matendelelu 4:20

Mukonda enu Jihova ua, mi solo iu ua mi tombola mu folno ia felu mu Ijito phala mu kale mu mundu uê ua mi lundula mu ubhinganu, kala ki kia di monekena leluʼiki.

Josuué 3:17

Jinganga-phe ambata álaka ia kikutu kia Jihova, anga emana ku mavu abhu menha mu kaẋi ka Njolodá, akua Izalaiele oso anga a zaukila ku mavu akukuta, katé kifuẋi kioso ku sámbua kuku a bhu-ku, hé a tenena ku sámbua koko.

Josuué 4:10

O jinganga ambata álaka anga emana mu kaẋi ka Njoloda, bhoxi dia kukuta, katé kia zubha kubhanga ima ioso ia tumu Jihova kua Josuué, ku iambela kifuẋi kala Mozé kia iambelele Josuué. Kifuẋi anga a bhanga lusolo, katé ene oso kia zaúka.

Dijingunuinu 19:5

Kienhókio, bhu kiandu anga bhu tunda dízui, dixi: Ximanenu Nzambi ietu! Mu ximanienu enu oso mu jiselevende jê, enu mua mu kuatela uôma, jindenge ni makota!