Daniiele 3:24 - O Mikanda Ikola

²⁴ Kienhiki sobha Nabukodonozolo ua diuana, anga ufundumuka lusolo; hé uambela tubhitangu tuê, uixi: Abha ki mala atatu u tua takula mu túbhia, òkute ni mikolo? Ene a mu vutuila, exi: Kia kidi muene, sobha.

Daniiele 3:24 Iomraidhean Croise

II Malunda 22:4

Anga u bhanga muene kia ibha ku mesu ma Jihova, kala akua dibhata dia Akabe, mukonda ene a kexile ku mu bhana o kaiula, kioso kia fu tatʼâ, phala o dibuikilu diê.

Daniiele 3:17

Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Daniiele 3:23

O mala atatu iá-phe, ni Sadalake, ni Mizake, ni Abede-neko, a dibhalela ni mikolo iâ mu túbhia tua muzukuta.

Daniiele 3:25

Muene-phe u kumbulula, uixi: Talesa, nga mono mala auana ajituka iá ala kunhunga ni kuimajana mu kaxi ka túbhia, né ngó kujokota mba muáu ku mikutu iâ. O kidífua kia muthu ua kauana, u ki fika mukuá ni kia monʼa jinzambi.

Daniiele 4:22

Muẋi iú éʼmuene, u sobha, uakulu uazande, o kijingo kié kiakulu kia tuta ku diulu, o ungana ué uabhixila muene katé kua suku oxi.

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Daniiele 5:6

Anga kienhokio pholo ia sobha ikituluka, ilunji ia mu tandanganha katé ni miongo ia mu botomoka, jiphuna jiteketa, ji di-ṗhuṗha-ṗhuṗha bhuamoxi.

Daniiele 6:22

Nzambi iami uatumina anjo iê, iú uajika o makanu ma jihoje, phala ki ji ngi kuame mukonda bhu pholo iê ka ngi sange ni kikuma; né-mbe ko kuê, sobha, eme ki nga ku te kituxi kia kima.

Daniiele 6:7

Ilâmba ioso ia utuminu ué, ni jinguvulu jaʼxi, ni mavunda, ni ilôlo, ni makota, a di-kundu bhuamoxi phala ku sonekesa ngonge ia nganʼetu muenexi, anga i di-bhanga kijila kia kôlo; kuma mu makuinhi atatu a izuua, muthu uoso u bhinga kima kua Nzambi ioso-ioso mba ku muthu uengi ko kué, muenexi, kana, a mu takule mu ngenda ia jihoje.

Jipoxolo 12:13

Muène kia ṗhuṗha ku dibhitu dia luua, kueza mona kilumba mu kuividila, mukalakadi mueneʼomo, dijina diê Lode.

Jipoxolo 26:13

Maji mu kumbi dia mediia, eie ngana u Sobha, mu njila nga mono mukengeji ua tundu ku diulu, o kubenha kuê kua dikumbi ndenge mu kutua. O mukengeji uenʼiú ua ngi muikina eme ni athu u ngende-nâ.

Jipoxolo 26:27

Eie Sobha Ngilipa, Jipolofeta ua ji xikana? Nga ku ijiia kuma ua xikana!

Jipoxolo 9:6

Muene-phe ni kuteketa ni kudiuana, uixi: Ngana ua mesena ngi bhanga kiebhi? Ngana u mu ambela, uixi: Balumuka-phe, u bhixile mu mbonge, mueneʼomo a kà ku jimbuila kioso ki u bhinga kubhanga.

I Samuuele 17:55

Saúlu kia mono Davidi kutunda mù kuia kubhanga ni mukua Fidíxia, u ambela Abinele, kabhitangu ka kifuxi kiê, uixi: Abinele, monʼú, monʼa nanhi? Abinele, uixi: Kuku, Kalè-ku kala ki uala ni muenhu uê moxi, ki nga kʼijiia.