Daniiele 3:22 - O Mikanda Ikola

²² Kuma-phe o kizuelu kia sobha kia thathamana, o kidijiku kia túbhia kiedi ni kiene ngangû, mulengo-phe uajibha mala ió oso a kuatele a-Sadalake, ni Mizake, ni Abede-neko.

Daniiele 3:22 Iomraidhean Croise

I Jisobha 13:28

Kienhokio uia, anga u sanga kimbi kia takukila mu njila, kumoxi ni bulu ni hoji, jemana bhu mbanduʼa kimbi; hoji mukutu ka u dile, mba kujibha o bulu.

Makatukilu 12:33

O akua Ijitu anga a landameka o mundu, mbé a tunde mʼoxi iâ ni lusolo; kuma ambe exi: Etu oso tua-nda kúfua.

Jisabhu 11:8

Muthu ua iuka ene ku mu bhulula ku kibhidi ni ku dilamba; mukua phulu-phe anga u bhingana-bhu.

Jisabhu 21:18

Mukua-phulu ufua bhu kididi kia muthu ua iuka; o kidiangu ufua bhu kididi kia muthu uemana muẋima nzanza.

Daniiele 1:7

O kota dia jingolambole iu ua a bhana majina engi: Daniiele ua mu luku Beltexazale; Hananiia ua mu luku Sadalake; Mizaiele ua mu luku Mizake, o Azadiia ua mu luku Abede-neko.

Daniiele 2:15

Daniiele u kumbulula anga uambela Adiioke, vunda dia muenexi, uixi: Ngonge ia sobha isakalela-hi kiki, enu malʼenu? Adiioke iu ua jimbuila Daniiele o kikuma kioso kia bhangesa kiki.

Daniiele 6:24

Sobha-phe u tuma ue kutakana mala ió oso a kunduile Daniiele, anga eza na-u, hé a a takula ue mu ngenda ia jihoje, ni ene, ni anʼâ, ni akajiʼâ. Mu ngenda-phe ka tula-mu luua bhoxi, jihoje ja a kambuila kiá bhulu bhene, anga ji a sasala ifuba.

Matesu 27:5

Juda muène bhenhobho, u zangula itadi ia phalata, hé u i takula bhoxi mu Tembulu, anga a tuda-bhu, uia u di nhenga.

Jipoxolo 12:19

Kia tumu ku mu sota Helode, anga a lémbua ku mu mona, u tokuesa alangi, anga u tuma ku a jibha. Kia bhiti imʼ iii, Helode u xa mu Judeia, anga u kulumuka ku Sezaleia, hé u nakina kuenioko.