Daniiele 3:17 - O Mikanda Ikola

¹⁷ Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Daniiele 3:17 Iomraidhean Croise

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

Jobe 34:29

Muene se nʼa bhana kutululuka, nanhi ua-nda ku mu elesa? Se o pholo iê u i sueka, nanhi u tena ku mu tala? Muene ulangidila o miji ni diembu katé ni muthu umoxi ngó.

Jobe 5:19

Ua kà ku bhulula mu makubhondalala ma samanu; o lua kasambuadi ku ibha ki ku ku bhixila.

Jisálamu 115:3

Etu Nzambi ietu-phe uene mu diulu; mukua kubhanga ioso iandala.

Jisálamu 37:39

O kubhuluka-phe kua akua kidi, ku tunda kua Jihova; kuma muene kimbaka kiâ mu thembu ia jiphaxi.

Jisálamu 37:40

Jihova u a kuatekesa, u a kudila; u a kudila ku isuéia, hé u a bhulula, mukonda a lengela kua muene.

Jisálamu 73:20

Mukuâ ni nzoji, ki u thathumuka ku kilu, kiene ue Ngana, ki u balumuka, eie u a kita mukuâ ni izuzúmbia ia hatu!

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 54:14

Nga kà ku xikika ku thanduʼa uiukilu; o kubhondalala kua kà ku kala dikanga, kuma eie kuà kala dingi ni kekenha ia kima; kimbuua ki ku bhue, kana-ku dingi kizuelu kia kà ku bhixila.

Jelemiia 1:8

Ku kale ni uoma bhu phola iâ, mbata ememuène ngi kala ni eie phala ku ku kudila, Jihova ua ki tange.

Jelemiia 15:20

Nʼeme nganda ku ku bhanga kala kimbaka kia ngondo kia di jikidila, mu mvunda ni mundu iú; ene-phe a-nda ku bhânga nʼeie maji ka-nda ku ku tolola; mbata eme ngala bhuamoxi nʼeie phala ku ku langa, ni ku ku kudila kua ene, Jihova ua ki tange.

Jelemiia 15:21

Nga-nda ku ku nhangumuna bhu lukuaku lua isuéia, nganda—ku ku bhulula ue bhu lukuaku lua mazonda.

Daniiele 3:26

Nabukodonozolo bhenhobho, ubhiẋila bhu muelu ua kijiku kia túbhia tua muzukuta, anga u handekela, uzuela, uixi: Enu Sadalake, ni Mizake ni Abede-neko, jingunza ja Nzambi. Suke-ku, tundenu ku kanga, muize bhabha! Bhenhobho, ni Sadalke, ni Mizake, ni Abede-neko anga atunda mu kaxi ka túbhia.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Daniiele 6:16

Sobha anga u tuma kutakana Daniiele, iá a mu takula mu ngenda ia jihoje. Sobha kia kuata kuzuela, uambela Daniiele, uixi: Nzambi ié, ió uoso uene mu ku mu bheza mu ithangana ioso, muene ua-nda ku ku kudila.

Daniiele 6:23

Bhenhobho sobha anga u tana kiavulu ni muẋima uê, iú ua tumu kuila a zaúle Daniiele, mu ngenda; kana-phe kiẋenge kia kima kia mu sange na-kiu, mukonda uaxikanene kua Nzambi iê.

Daniiele 6:27

Muene ukudila, u bhulula! u bhanga isunji ni madiuanu ni bhulu ni bhoxi! Muene ngó, ua kudila Daniiele ku uhamenu ua nguzu ia jihoje.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

Luka 1:37

Mukonda kua Nzambi, kana-ku kima ki kamba kuẋikina.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

II Kolindo 1:10

Muène iú ua tu kudila ku kalunga kosuʼ oko, hanji ue uanda ku tu kudila. Ni ku pholo muène tua mu dielela ni muẋima uetu uoso o ku tu kudila jinga,

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

I Samuuele 17:37

Davidi, uixi dingi: O Jihova ua ngi kudila ku iala ia hoji, ni ku iala ia úlusu, muene ue u ngi kudila bhu maku ma mukua Fidíxia iú. Saúlu anga u ambela Davidi, uixi: Kuabhu! Ndeie, Jihova muene a ku bande.

I Samuuele 17:46

Lelu muene Jihova ua-nda ku kubhakula bhu lukuaku luami; ngi ku nemeka, ngi ku batula mútue; o imbi-phe ia kifuẋi kia akua Fidíxia ngi i bhana lelu ku jinjila ji bhita bhulu ni iama ia mukáu, phala mu ngongo ioso a kʼiji-ie kuma sai-ku Nzambi mua Izalaiele.