Daniiele 3:15 - O Mikanda Ikola

¹⁵ Kiki-phe, hé kia mi tetulukila kiá, enu muala kiá polondo, kioso ki mu ívua mbimbi ia buzina, ni ia mbèndu, ni ia kakoxi, ni ia mbànza, ni ia kisanji, ni ia ngaieta ia jiphukila, ni maxikile oso a kuxika, anga mu diunda hé mu bheza o kiteka ki nga iudika, kiauabha! O ki muila, nguenu ku ki bheza, mu kithangana kienhokio muene, a-nda ku mi takuila mu kijiku kia túbhia tua muzukuta; Nzambi kuxi-phe ua-nda kutena o ku mi kudila bhu lukuaku luami?

Daniiele 3:15 Iomraidhean Croise

II Jisobha 18:35

Mu kaẋi ka jinzambi josuʼiji, ja akua jixi, jebhiʼbhu ja tenene kubhulula o ixi iâ bhu lukuaku luami, phala ue o Jihova a tene ku bhulula Jeluzaleme bhu lukuaku luami?

Makatukilu 32:32

Ki alʼiki, a loloke Ngana, o kituxi kiâ. Se ki ki ẋikina, eme uami ngi jimune, nga ku diondo, mu divulu dié di ua soneka.

Makatukilu 5:2

Kuala Falaó-phe: Jihova nanhi muene, phala eme ngi mu ivue dízui, ni ngehe Izalaiele? Eme, Jihova ki nga mu ijiia; kia mukuâ dingi, Nga ditunu kueha Izalaiele.

Izaía 37:23

Eie mukuahi ua mu lebhula, ua xingi nanhi? Ua mu mu handekela kiókio ni mesu bhulu, nanhi muene? Muenhó, Lemba dia Izalaiele.

Daniiele 2:47

Sobha anga ukumbulula Daniiele, uixi: Kia kidi kiene, Nzambi ienu muene Nzambi ia jinzambi, muene Ngana ia jisobha; muene ue o mukua kutukulula ni kujingununa o ijinganu; mukonda o kijinganuʼiki eie ua ki lende muene o ku ki tetulula.

Daniiele 2:9

Hé kiene-phe, se mua lémbua ku ngi ijidisa o nzoji, kima kimoxi ngó kia mi kinga: kuma-phe mua funha maka ma makutu, phala ku ngi sabhuila-u bhabha, katé ki somboka o thembu; lémbue-phe, ngi tangedienu o nzoji, nda ngi ki mone kuila, kidi, dijimbuluilu mua soko-bhu ku di bhana.

Daniiele 3:17

Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Daniiele 6:16

Sobha anga u tuma kutakana Daniiele, iá a mu takula mu ngenda ia jihoje. Sobha kia kuata kuzuela, uambela Daniiele, uixi: Nzambi ié, ió uoso uene mu ku mu bheza mu ithangana ioso, muene ua-nda ku ku kudila.

Daniiele 6:20

O kia bhixila bhu ngenda, uixana Daniiele ni dízui dia dilamba, sobha hé uzuelesa Daniiele, uixi: Daniiele, selevende ia Nzambi ia muenhu! O kuila Nzambi ié, ua mu bhikila jinga mu ithangana ioso, ua tena ku ku kudila ku jihoje?

Matesu 10:19

Enu-phe, kuila a mi kutu, ki mu kale ni hele kioso ki mu zuela, mba hundu ioso i mu kuata, mukonda bhu kumbi dienhódio, Nzambi kiene kia kà mi bhana kioso ki mu zuela.

Matesu 27:43

Ua kexi mu kudielela Nzambi, kiki a mu kudile, se ua mu mesena; kuma uambe uixi: Ngi Monʼa Nzambi!

Marku 13:11

O kia mi kuta he a kala ku mi bheka mu ku mi bhakula, ki mu kale ni hele kioso ki mua-nda kuzuela; kioso Nzambi kia ka mi bhana kithangana kienhókio, kiene ki mu zuela; kuma ki enu dingi mu zuela, maji o Nzumbi Ikola.

Luka 12:11

Hinu kia mi bheka mu ku mi fundisa mu malombe, ni bhu pholo ia jixefe ni atumini, ki mu kale ni hele, kioso ki mu funda, mba kioso ki mu zuela.

Luka 13:9

Ku muvu uiza-mu, ki tu mona ua bhana ibundu, kia uabha. O ki u kamba-phe kubhana, kiene eie ngana, ki u tuma ku u kokela bhoxi.

Jipoxolo 4:19

Kuala Phetele ni Nzuá-phe: Enuenu xinganekenu kioso kia iuka-bhu bhu pholo ia Nzambi: O ku mʼ ívua enu, mba kuívua Nzambi? Tongololenu-kiu!

Jipoxolo 5:29

Phetele-phe ni Jipoxolo a vutula exi: Tua bhingi tu tumaka Nzambi, kana athu.

Jipoxolo 6:15

Athu oso a xikama bhu Kionge kia Jitata, kia mu idi sûi, a mona kuila o pholo iê ia biluka mukuâ ni pholo ia anju.