Daniiele 3:13 - O Mikanda Ikola

¹³ Bhenhobho, Nabukodonozolo, kia uama kiá o njinda iê, uixi: Ngi bhekedienu Sadalake, ni Mizake ni Abedeneko. Iá abheka mala enhá bhu pholo ia sobha.

Daniiele 3:13 Iomraidhean Croise

Dimatekenu 4:5

Kaini-phe, ni ujitu uê, ka mu suu. Kaini anga njinda i mu kuata, u sonoka o pholo.

Jisabhu 17:12

Muthu sembele o ku di bonga ni kitôto kia mukaji, kia jimbidisa o tuana, kuindi o ku di bonga ni kiôua ki muiza o ulaji uê.

Jisabhu 27:3

Ditadi di nema, o museke u di jika; maji o njinda ia kiôua, mu kunema, kiiadiʼokio ndenge.

Jisabhu 29:22

Kiiala kia mukua njinda, u vulumuna jimvunda; o mukua nganji, mukua ku di vudixila o itondalu.

Daniiele 1:7

O kota dia jingolambole iu ua a bhana majina engi: Daniiele ua mu luku Beltexazale; Hananiia ua mu luku Sadalake; Mizaiele ua mu luku Mizake, o Azadiia ua mu luku Abede-neko.

Daniiele 2:12

Kienhiki sobha kia kʼivu, uatemanana, njinda ia mu kuata kiavulu; anga u tanga, uixi: Jinjimu joso mu Babilónia a ji jibhe-mu!

Daniiele 3:19

Nabukodonozolo bhenhobho anga uizala ni njinda, pholo i mu kituluka mbebhu a-Sadalake, ni Mizake, ni Abede-neko; anga u kumbulula, u tuma kutemesa o kidijiku kia túbhia lusambuadi, phala o kiene ku i temesa, ki kala ndenge.

Matesu 10:18

Katé muene ni bhu pholo ia jinguvulu ni enexi a kà mi bheka-bhu mukonda diami, mu ku a bhana o umbangi ua Njimbu Iambote, ni ene ni akua jixi jengi.

Marku 13:9

Enu-phe di langienu! Kuma a ka mi kuta ni ku mi thelekala bhu kionge phala ku mi fundisa, a ka mi beta mu malombe. Mukonda diami a ka mi bheka bhu pholo ia jinguvulu ni enexi, enu he mua ka a tudila o Njimbu Iambote, mu ku a bhana umbangi.

Luka 21:12

Kioso-phe ima iíi kilua i bhita, enu a-nda ku mi kuata, a-nda ku mi zukutisa. A kà mi bheka mu malombe, phala ku mi fundisa ni ku mi takula mu jikaleia. A mi ambata bhu pholo ia enexi ni jinguvulu, mukonda dia dijina diami.

Luka 6:11

Ene-phe ezala ni njinda, anga a kala mu ku di longesa kioso kia bhanga Jezú.

Jipoxolo 24:24

Kia bhiti izuua, Fele ueza ni Nduluxila, muhatuʼê, kuma Judé. Anga u tuma kuixana Phaulu, phala ku mu ivua o maka ma kixikanu kia Jezú Kristu.