Daniiele 3:12 - O Mikanda Ikola

¹² Bhuala-phe mala, jijudé, u ua lumbu éʼmuène kutambula konda ia ikalakalu ia sengo ia Babilónia, ene a-Sadalake, Mizake ni Abede-neko; mala enhá, sobha, kʼala ku ku suua ngó; o jinzambi jé nguâ ku ji xila, katé ni kiteka kia ulu ki uemika, a ditunu ku ki bheza.

Daniiele 3:12 Iomraidhean Croise

Estere 3:8

Hamane anga u ambela Asuuelu, uixi: Sai muiji a di muangena mu jisengu joso ja utuminu ua muenxi, kifua athu engi, kene ku di tuma ni akuaʼxi a tungu-nâ, o itumu ia muenexi ue kene ku i aiuka mukonda o utuminu uâ uengi; muenexi ka mu bhana kubhanduluka kua kima, né-mbe muene u a lendukila anga a kala moxiʼumu.

Jisabhu 27:4

Njinda kifumbe, o kuthathamana ku bhanga kiaiibha; maji nanhi u tena ku di fikidila bhuala o difuba?

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Daniiele 1:7

O kota dia jingolambole iu ua a bhana majina engi: Daniiele ua mu luku Beltexazale; Hananiia ua mu luku Sadalake; Mizaiele ua mu luku Mizake, o Azadiia ua mu luku Abede-neko.

Daniiele 2:48

Anga sobha uzangeleka Daniiele ni kijingo kiavulu, u mu bhana ndumba ia jimbote jamakota, hé u mu bhanga nguvulu ia sengo ioso ia Babilónia, anga a mu tudika ue ku thandu dia jinjimu joso jala ni kuijiia mu Babilónia.

Daniiele 2:49

Maji Daniiele ua bhingi kua sobha, iú ualumbu Sadalake, ni Mizake ni Abedeneko mu kuendesa o ikalakalu ioso ia sengo ia Babilónia; o Daniiele muene u kala mu xikama jinga ku mbanza bhu muelu ua sobha.

Daniiele 3:11

O uoso u kamba kudiunda, ni ku ki bheza, a mu takule mu kijiku kia túbhia tua muzukuta.

Daniiele 3:16

Ni Sadalake, ni Mizake, ni Abede-neko, a kumbulula anga a tangela sobha Nabukodonozolo, exi: Etu, ku maka iá ki tua bhingi ngó ku ku vutuila-ku kima.

Daniiele 3:29

Eme-phe ngi xikisa kiá ngonge, kuila, ku miji ioso-lolo, ni ifuẋi ni madimi, uoso u ẋongùena Nzambi ia Sadalake, ni Mizake, ni Abede-neko, a mu batujule ku iẋimbu-iẋimbu, o diembu diê a di bhange dixita dia uthôkua; mbata kana-ku Nzambi iengi u tena kukudila kala Iú.

Daniiele 3:30

Sobha anga u beta dingi kuzediuisa Sadalake, ni Mizake, ni Abedeneko, mu sengo ia Babilónia.

Daniiele 6:13

Ene-phe a kumbulula, ambela sobha, exi: O Daniiele-phe ua tokala ku kikuka kia tundile ku Juda, ka ku suu sobha, tata, ni ngonge i ua di-soneka eie, muene nguê na-iu, u mu sanga u samba lutatu ku kizuua.

Daniiele 6:14

Sobha-phe kia zubha kuívua maka iá, kia mu bhana dilamba, anga, ku muẋima uê, ukana kukudila Daniiele; iu ua tutumba muene katé bhua fuila dikumbi, mbé kubhângela Daniiele phala ku mu bhulula.

Jipoxolo 17:7

O Jasono muene ua a zalela mʼonzo iê. Enʼiâ a kitukila o jingonge ja Sezalu, uene mu Loma, exi, sai-ku sobha iengi, ió a mu ixana Jezú.

Jipoxolo 5:28

Etu tua mi kidika kiavulu o kulonga mu dijina didi dia muthu iú. Talesa-phe, kioso ki mua bhange! Mu ezalesa Jeluzaleme ioso ni kulonga kuenu, enu mua mesena o kalunga ka muthu iú mu tu tula na-ku ku thandu dietu!