Daniiele 2:9 - O Mikanda Ikola

⁹ Hé kiene-phe, se mua lémbua ku ngi ijidisa o nzoji, kima kimoxi ngó kia mi kinga: kuma-phe mua funha maka ma makutu, phala ku ngi sabhuila-u bhabha, katé ki somboka o thembu; lémbue-phe, ngi tangedienu o nzoji, nda ngi ki mone kuila, kidi, dijimbuluilu mua soko-bhu ku di bhana.

Daniiele 2:9 Iomraidhean Croise

I Jisobha 22:22

Muene uixi: Nga kà tunda, anga ngʼà kala ngi nzumbi ia makutu mu ʼkanu dia jipolofeta jê joso. Eme Ngana: Eie ua-nda kua kà mu tobhesa muene, hé ua kà mu tolola; tunda-phe, u ki bhange.

I Jisobha 22:6

Bhenhobho sobha ia Izalaiele u bhongolola nzungule ia jiplofeata, manhí mba kukamba ngó bhuòfele mu kutenesa hama jiuana ja jipolofeta, anga u a ebhula, uixi: Enu kiebhi-ze, ngiia ma kúlua ni Lamote dia Ngiliiade, mba ki ngiii-ku? Kuala ene: Banda, mukonda Ngana ua kà mu bhana bhu lukuaku lué, u sobha.

Estere 4:11

Akua mbèle ioso ia muenexi, ni mundu uê ku kanga, a kʼijiia kuma uoso-uoso, a kale diiala a kale muhatu, u bhixila kua muenexi mu lumbu lua moxi sé ku mu ixana, kijila kiê kiala ngó kimoxi, a mu jibha muene sé kufula; o kukamba ku mu jibha kikale muenexi u mu zengela mbasá iê ia ulu phala ku mu bhana muenhu. Eme-phe o makuinhi atatu a izuua i tena, ka ngʼixana kuala muenexi.

Jisabhu 12:19

Mizumbu ia kidi, itunga i soma; dimi-phe di tanga makutu, dinanga ngó kathangana.

Izaía 41:23

Tu kundidienu ima ia xikamena hanji kuiza-ku, nda tuijiie kuila, mu jinzambi muene; mba-phe bhangenu kia uabha, mba bhangenu kiaiibha, nda tu diuane, tu ki mone ku mundu.

Izaía 44:25

Ngi mukua ku tungununa o iphata ia akua kuzambula o makutu, akua kusuma ngó a kituka maioua; jinjimu ngʼa vutula kuema, unjimu uâ ngi u kitula uôua-mu-uôua.

Izekiiele 13:17

Eie-phe, monʼa muthu lungulula o pholo ié u bilukile o anʼa ilumba a povo ié, ala kuzambula mu upolofeta ua muẋima uâ-ene, u a zambuile ima ia ku a bilukila.

Izekiiele 13:19

Mu kaxi ka athuʼami, enu mua ngi fukuila, mukonda dia makûmba ma sevada, ni ibhasu ia jimbolo, mbé o kujibha o mienhu ki ieji kufua, mbé mu bhake ni muenhu o mienhu ioio ki ieji kulaia dingi, kioso enu ki mu tanga o makutu ku mundu uami a mu kuívua o makutu.

Izekiiele 13:6

Ala mu kumona kingoho ni kuzambula makutu, oso a mu zuela, kuila: Ngana uixi: mbebhu Ngana ki muene ua a tumikisa; anga a bhangesa athu ku kinga kuila o kizuelu kia tange ki bhite.

Daniiele 2:16

Daniiele-phe anga uia mu zuela ni sobha; ubokona, hé ubhinga sobha, uixi: Ngi bhane kathangana, nda ngi ku jimbuile nzoji iê.

Daniiele 2:21

Muene u sondolola o jithembu ni ithangana; muene mukua kutulula o jisobha ku ungana mba u a tudika-ku; muene mukua kuila jinjimu u a bhana unjimu, akua kilunji u a bhana o kuijiia ni uhete.

Daniiele 2:8

Sobha ukumbulula, uixi: Nga mono kuma mua mesena ku ngi landukisa; mukonda mua kʼijiia kuma nzoji ia ngi jimbi.

Daniiele 3:15

Kiki-phe, hé kia mi tetulukila kiá, enu muala kiá polondo, kioso ki mu ívua mbimbi ia buzina, ni ia mbèndu, ni ia kakoxi, ni ia mbànza, ni ia kisanji, ni ia ngaieta ia jiphukila, ni maxikile oso a kuxika, anga mu diunda hé mu bheza o kiteka ki nga iudika, kiauabha! O ki muila, nguenu ku ki bheza, mu kithangana kienhokio muene, a-nda ku mi takuila mu kijiku kia túbhia tua muzukuta; Nzambi kuxi-phe ua-nda kutena o ku mi kudila bhu lukuaku luami?

Daniiele 5:28

PERES: Utuminu ué a u uanena akua Mediia ni akua Pelesa.

Daniiele 5:31

O Ndala, mukua Mediia, ua mu bhingana, kioso kiala mu makuinhi a samanu a mivu ni iiadi.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.