Daniiele 2:48 - O Mikanda Ikola

⁴⁸ Anga sobha uzangeleka Daniiele ni kijingo kiavulu, u mu bhana ndumba ia jimbote jamakota, hé u mu bhanga nguvulu ia sengo ioso ia Babilónia, anga a mu tudika ue ku thandu dia jinjimu joso jala ni kuijiia mu Babilónia.

Daniiele 2:48 Iomraidhean Croise

II Samuuele 19:32

Badizilai-phe ua kuka kiá kiavulu, uala mu mukuinʼake a mivu, Muene ua dikila muenexi ni kúdia, kioso kiala mu Mahanaíme, kuma muadiakimi iú ua kexile mvuama ia dikota.

II Jisobha 5:1

O Naamane, muadiakime ua Kifuẋi kia masoladi a Sídia, ua kexile muthu ua dikota bhu pholo ia ngana iê; o muene a mu xila kiavulu; mukonda o kokué kuene Jihova kua bhuluila akua Sídia. O muthu muenʼiú hé u kala kindanda, maji mukua dibhute.

Jobe 1:3

O ibhaku, ua vuile sambuadi dia midi ia jimbudi, midi jitatu ja jikamelu, hama jitanu ja makaza a jingombe ni hama jitanu ja jibulu ja akaji; akalakadi ku bhata a kexile ndumba ku thonga iê; mukonda dia kiki, muene iu ua betele kota ku unéne ene oso ku thunda ndenge.

Jelemiia 5:5

Ngiia ku adiakimi, anga nga kà zuela-nâ; mbata ió o njila ia Jihova a i ijiia, ni ubatuilu ua Nzambi iâ: maji enhá ene-oso bhuamoxi, kanga a i bukujula, o mikolo a i thathumuna.

Daniiele 2:6

Maji, hé mua ngi lembalesa-iu, anga mu i jimbulula, mua-nda kutambula kijingo kokuami, ni maujitu, ni kuzangalala kuonéne; kala kiki ngi lembalesienu nzoji, ni dijimbuluilu diê.

Daniiele 3:1

Sobha Nabukodonozolo, anga u iudika kiteka kia ulu, o kitala kiê makuinhi asamanu a kóvado, o kubumba kuê kua kóvado jisamanu; ua kʼimika mu dinhana dia Dula, mu sengo ia Babilónia.

Daniiele 3:12

Bhuala-phe mala, jijudé, u ua lumbu éʼmuène kutambula konda ia ikalakalu ia sengo ia Babilónia, ene a-Sadalake, Mizake ni Abede-neko; mala enhá, sobha, kʼala ku ku suua ngó; o jinzambi jé nguâ ku ji xila, katé ni kiteka kia ulu ki uemika, a ditunu ku ki bheza.

Daniiele 3:30

Sobha anga u beta dingi kuzediuisa Sadalake, ni Mizake, ni Abedeneko, mu sengo ia Babilónia.

Daniiele 4:6

Eme-phe nga xikisa ngonge, ngixi: A ngi bhekele bhabha o jinjimu joso ja Babilónia, nda a ngʼijidise kia lombolola o nzoji.

Daniiele 4:9

Baltexazale, tata, u kilolo kia jinganga joso, eme ngʼejiia kuma momué muala muene nzumbi ia jinzambi jikôla, kana-ku-phe kikutu ki ku jinganena eie; ngi tangele isuma ia nzoji i nganjiua, u ngi bhe dilomboluelu diê.

Daniiele 5:11

Sai diiala uala mu utuminu ué, muene uala ni nzumbi ia jinzambi jikôla; o mu izuua ia tatʼenu, a mu sange ni mukengeji, ni kutetuluka, ni unjimu, mukuâ ni unjimu ua jinzambi; sobha Nabukodonozolo dia tatʼenu, euá, muenexi dia tatʼenu eie, sobha, ua mu bhangele dikota dia jinganga, ni dia jimesene ja jithéthembua, ni akua Kaldeia ni azambuidi;

Daniiele 5:16

Eie-phe nga ku ivu fuma kuma eie u mesene ia kubhana majimbuluilu, ni kutetulula jiphata. Kiki-phe, se uatena kutanga o kisoneku kiki, ni ku ngʼijidisa dijimbuluilu diê, a-nda ku ku zuika thanga ikusuka, o mu xingu a-nda ku ku zuika lubhambu lua ulu, nʼa ku bhane kididi kia katatu mu utuminu uaʼxi.

Daniiele 5:29

Belxazale bhenhobho ubhana ngonge, anga Daniiele a mu zuika kizuatu kia kusuka, a mu zuika nzenzela ia ulu mu xingu, iá a mu xikila ngonge, muene u kala kilâmba kia katatu mu utuminu.

Daniiele 5:7

Sobha hé uta nzongo, uixi: Ngi bhekedienu bhabha oso jimesene ja iphata, ni akua Kaldeia, ni azambudi oso. Sobha anga uzuela, u ambela jinjimu ja Babilónia uixi: Uoso u tena kutanga mixinda iosoneke iii, na ngi jingunuina o dijimbuluilu dié, a-nda ku mu zuika thanga ikusuka, hé a mu zuika lubhambu lua ulu mu xingu, o mu utuminu uaʼxi a mu bhana-mu kididi kia katatu.

Daniiele 8:27

Eme-phe, ngi Daniiele, ngʼambuka, nga kexe muene izuua bhu hama ni kukata. Anga ngi balumuka-bhu mu kukuata midimu ia muenexi. Ngi kuata kusasumuka ki ngi banza o kisuma kiki, kana-bhu-phe muthu kia mu tetulukila.

Dialuilu 24:11

Muangana-phe kiá uie kʼoxi ienu ku ua tundu; eme ngʼambele ku ku bhanga ujitu uavulu, maji ua mono Jihova ua ku fudisa-u.

I Samuuele 17:25

Mala ma Izalaiele anga a zuela, exi: Enu mua mono, kiiala kia zaúka? Ua zaúka muene mu lebhula Izalaiele. Uoso-phe diiala di tena ku mu jibha, muenexi uetu ua-nda ku mu bhana jimbongo javulu, u mu bhana monʼe ua muhatu mu kusakana, o dibhata dia tatʼâ di kala ku ufolo mu Izalaiele, ka futu dingi díjimu.

I Samuuele 2:8

U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.

I Samuuele 25:2

Anga bhu kala muthu ua tungu ku Maone, maji ibhaku iê ia mu kala mu Karmelo; muenhú muadiakimi muene, mukua itadi iavulu, u kala ni midi jitatu ja jimbudi, ni midi ia jihombo. Thembu ienhoio anga u kala mu bhuta jimbudi jé ku Kalamelu.