Daniiele 2:45 - O Mikanda Ikola

⁴⁵ Kiene ki ua muena kuila ku mulundu kua bamuka ditadi, maji ki maku ma di bamuna, dieneʼdi dia sasujula o felu, ni ngôndo, ni utuma, ni phalata, ni ulu, Nzambi, Kutende uadimuna sobha, phala ku kuijidisa ima ioso hádia ia-nda kuiza ku pholo ki zubha kubhita iosuʼiii; o nzoji ia kidi, o dijimbuluilu diê dia kidi.

Daniiele 2:45 Iomraidhean Croise

Dimatekenu 41:26

O sambuadi dia ngombe ja uabha, kifua sambuadi dia mivu; o sambuadi dia masa ma uabha, sambuadi dia mivu ue; nzoji ieniʼê imoxi.

Dimatekenu 41:28

Kiene kiá ki ngʼambe kua Falaó, ngixi: Kima kia-nda kubhanga Nzambi, ua tumu ku kʼijidisa Falaó;

Dimatekenu 41:32

O ki ua mono, Falaó, nzoji a mu anjiuisa-iú luiadi, mukonda kua Nzambi kiókole kiá, Nzambi ka-ndu nanga dingi mu ku ki bhitisa.

II Samuuele 7:22

Kala kiki, eie ukôla, Ngana iami, Jihova! ku moneka mukuenu u soka-nê, ki kuene dingi Nzambi iengi, kala ki tua mu kʼivua jinga mu mátui metu.

I Malunda 16:25

Kuma Jihova Munéne, uafuama ku mu ximana kiavulu, mukonda muene ukôla o jinzambi joso ndenge.

Nehemiia 4:14

Eme-he ngixi suíin, o ki nga zubha kutonginina ioso, anga ngi balumuka, hé ngi tangela o jingana, ni afundixi, ni kifuxi kiamukuá; ngixi: Enu kana ku a kuata uoma; mu xinganeka ngó Ngana, muene Langala-ngongo, u kuata uoma, anga mu bhângela phange jenu, ni anʼenu, ni akajʼenu ni jinzo jenu.

Nehemiia 9:32

O kiki-phe, eie u Nzambi ietu, eie u Nzambi Ionéne, Nzambi ia kutena, u kuatesa uoma, u bhaka o kikutu ni ufiiele uoso, hé ujiza ni kubhanga o mbote, kumone kutola o dilamba dioso lelu dia tu kuata etu, ni jisobha jetu, ni ilamba ietu, ni jinganga jetu, ni misesedi, ni jitata jetu, ni kifuxi kié kioso, tunde mu izuua ia jisobha ja Asídia, katé mu kizuua kia lelu.

Jobe 36:26

Kidi bá! Nzambi ukôla! Tua lémbua ku mu tongolola: o izuua ia mivu iê, ki i ẋikina ku i tanga.

Jisálamu 135:5

Kuma eme ngejiia kuila, Jihova u kôla; o Ngana ietu Nzambi, ua tundu o jinzambi joso.

Jisálamu 145:3

Jihova u kôla, ua tokala ku mu ximana kiavulu; o unéne uê kana muthu u tena ku u zubha ku u ijiia!

Jisálamu 2:9

U a tolola ni mbangala ia felu; u a bhanga imenga-imenga kala ímbia ia mavu.

Jisálamu 48:1

Jihova munéne, muene ngó ua O tokala ku mu ximana jinga kiavulu, mu mbanza ia Nzambi ietu, ku mulundu uê uangene.

Jisálamu 96:4

Kuma Jihova munéne, ua tokala ku mu ximana kiavulu; muene a mu kuatela uoma, jinzambi jengi kana.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Daniiele 2:24

Mukonda dia kienhiki-phe, Daniiele uai anga ubokona mʼonzo ia Adiioke mu zuela-nê, ió a mu katuile sobha phala kujibha jinjimu joso mu Babilónia; o kia bokona, ua mu ambela kiki: Jinjimu mu Babilónia ku ji jibhe luua; ngi bokuese kua sobha, eme nga-nda ku mu jimbuila o dilomboluelu diê.

Daniiele 2:28

Sai-ku Nzambi ku diulu, muene mukua kujingununa ijinganu ioso; muene-phe ua-tumu kuijidisa sobha Nabukodonozolo kioso kia-nda kuiza-ku mu izuua ia sukidila-ku; o nzoji ié ni isuma i ua diuana ki uele ku kilu bhu hama ié, ienhiʼii:

Daniiele 2:29

Kioso, eie sobha, ki uala bhu hama ié, kua kuiza ixinganeku kioso kia-nda kuiza-ku ku pholo ku ua lungu. Uoso-phe mukua kujingununa o ijinganu ioso, iu ua ku ijidisa kioso kia kʼèza-ku.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 8:25

Mukonda-phe dia kudimuka kuê, ua kà bhangesa kuila o mangonha bhu lukuaku luê ma bheka kubhanduluka; hé ku muẋima uê ua kà di kudisa; o mukonda dia kutululuka kuê kuala na-ku, ka mono kima ki mu zukutisa, ua kà jibha athu avulu a di tunu ku di bhakula kokuê; ua kà balukila ue Ngana ia Jingana, maji a kà mu sasujula sé lukuaku lua muthu.

Ajeu 2:22

Nga kà tungutisa diulu ni oxi, anga nga kà lundumuna o kiandu kia ma-unganga moso, anga nga kà bhuisaku o kutena kua ma-utuminu ma jixi joso; anga nga kà sokomona o dikalu ni oso a xikama-mu; ni jikabalu ni iá oso a ji mondala, a kà dibhala ku xibhata, mu ku di lungulukila mudiâ.

Zakadiia 12:3

Kizuuʼokio Jeluzaleme nga kà mu bhanga ditadi dia neme phala miji ioso; oso a kà di zangula, dia kà sasujula; miji ioso mu ngongo ia kà di bhongolola mu ku mu bilukila.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 21:24

Jezú u a kumbulula, uixi: Eme uami ngi mʼibhula kima kimoxi, o ki mu ngi tangela-kiu, ngʼijiie kiua ku mi tangela ungana uoso u ngala na-u phala kubhanga imbambʼiíi.

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Luka 17:20

Jifalizeu anga ji mu ibhudisa, exi: O Utuminu ua Nzambi, hinu uiza kumbi diahi? Muène anga ua ambela, uixi: O Utuminu ua Nzambi, ki kima kia kuila kiza ni kumoneka ku mesu.

Matendelelu 10:17

Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.

Dijingunuinu 1:19

Kala kiki, soneka o ima ioso i ua-ndu mona, kixi ima kiki ialaku, ni ima hinu ia-nda kubhita.

Dijingunuinu 19:17

Anga ngi mona anju iemana ku dikumbi. Muène u di kola ni dízui dia suina, anga uambela o jinjila joso jala kubhita bhulu, uixi: Zenu, mu bhongoloke ku kizokola kia dikota kia Nzambi!

Dijingunuinu 4:1

Kia bhiti imʼiii, ngi kala ni kisunji kia mukuá, o ki nga tale, ngi mona dibhituʼidi, dia jikuka mu diulu! O dízui di nga diangele kuívua, mkuâ ni koloneta, anga di ngi zuelesa, dixi: Banda kunu, ngi ku idikize ima ia bhingi hinu i bhita!