Daniiele 2:4 - O Mikanda Ikola

⁴ Akua Kaldeia-phe hé ambela sobha, mu dimi dia akua Sídia, exi: Muenexi, tunga, soma! O nzoji tanga-iu ku abhikʼé, nda etu tu mone-bhu o dijimbuluilu diê.

Daniiele 2:4 Iomraidhean Croise

Dimatekenu 31:47

O mvumbu ienhoio Labano anga u ixana, uixi: Jingale-Sahadiutha o Jakobo-phe ua ixana uixi: Ngalede.

Dimatekenu 41:8

Kúkia ni kimene, muxima ua mu sakalala ni jiphata; anga u tuma kuixana jinganga, ni jinjimu joso ja Ijitu; Falaó anga u a tangela nzoji jê; ki bhuala-phe muthu ua tena ku ji jimbuluila Falaó.

I Jisobha 1:25

Kuma ua kulumuka kunu lelu, iu ua jibha jingombe, ni ibhaku ia sevadu, ni jimbudi ja nzungule, iu uexana o ana oso a muenexi, ni jikabhitangu ja kifuxi, kumoxi ni nganga Abiiatale; kiene ki tuala kuzuelʼiki iá a dia, iá a nua, bhu pholo iê, ala kuia ni kudikola, exi: Sobha Adoniia, a kole muenhu!

I Jisobha 1:31

Bete-seba bhenhobho anga u bhetama, u tula o pholo bhoxi, u diundila muenexi, uixi: Kùku Davidi, ngana iami, a kolelè-ku o muenhu.

II Jisobha 18:26

Bhenhobho ni Eliiakime, monʼa Hilikiia, ni Sebena, ni Nzoua, ambela Labesaki, exi: Tua kudiondo, etu tu abhikʼé, tu zuelesele mu mbimbi ia akua Sídia, kuma tu ivua muene kiambote, kana ku tu zuelesela bhu pholo ia mundu iú, uala ku thandu dia kimbaka, mu mbimbi ia akua Judeia.

Ejidala 4:7

O mu izuua ia Artaxexe ue, Bijilame, ni Miteledati, ni Tabeiele ni akua dingi, akua kilunga kiâ, a sonekena Artaxexe, sobha ia Pélesa; mukanda a u soneka ni jiletala ja akua Sídia ni mu dízui dia akua Sídia.

Nehemiia 2:3

Anga ngʼambela sobha ngixi: Sobha lola muenhu ué ni ku hádia ni hádia! Abha eme ki ngi di suuata kiebhi o pholo, se o sanzala iala o kidindu kia jimbila ja jitata jami ia senguluka, ni mabhitu mê a mʼoha mu túbhia?

Izaía 36:11

Eliiakime-phe ni Sebena, ni Joá, ambela Labesaki, exi: Tua ku bhingi kuma, abhikʼé, a zuelese mu dimi dia sidiiaku, kuma tua dʼijiia kiambote, ku tu zuelele mu dimi dia Judeia, ku mátui ma mundu iú uemena ku thanduʼa kimbaka.

Izaía 44:25

Ngi mukua ku tungununa o iphata ia akua kuzambula o makutu, akua kusuma ngó a kituka maioua; jinjimu ngʼa vutula kuema, unjimu uâ ngi u kitula uôua-mu-uôua.

Daniiele 1:4

oso minzangala a disanze kiambote, a kambe kisému, edi ni kuuabha pholo ni kuijiia, oso òlonge mu unjimu uoso, oso ejiia uhete, a tetuluka kiambote mu tongolola o ima, se mua a mono ni kusakalala kua kuila atena kusedivila mu dizêmba dia muenexi, mbé mu a longe usonekenu ni uzuelelu ua akua Kaldeia.

Daniiele 2:7

Ene a mu vutuila lua kaiadi, exi: Sobha, tangela jiselevende jé o nzoji, etu dijimbuluilu diê tu di bhana muene.

Daniiele 3:9

Hé azuela, a jimbuila sobha Nabukodonozolo, exi: Muenexi, tunga soma!

Daniiele 4:19

Bhenhobho Daniiele, a mu edi Beltexazale, u kumbikinha hanji kithangana katé mu uola iamvimba, ilunji ia mu tandanganha. Sobha-phe ukumbulula, uixi: Beltexazale, nzoji iii ki i ku juualese, mba u tandanganha mukonda dia dijimbuluilu diê. Beltexazale utambuijila, uixi: Ngana iami, o nzoji i lungile kua ió oso a ku kuatela luma, o dijimbuluilu diê di nongone muene oso jinguma jé!

Daniiele 4:7

Ni jinganga, ni jimesene ja iphata ia kutalela ku jithéthembua, ni makaledeia, ni imbanda akua kuzambula, anga eza, eme anga ngʼa tangela o nzoji kioso ki nga i anjiua; maji ene-phe dilomboluelu diê a di lémbua ku ngi tangela-diu.

Daniiele 4:9

Baltexazale, tata, u kilolo kia jinganga joso, eme ngʼejiia kuma momué muala muene nzumbi ia jinzambi jikôla, kana-ku-phe kikutu ki ku jinganena eie; ngi tangele isuma ia nzoji i nganjiua, u ngi bhe dilomboluelu diê.

Daniiele 5:10

Na mvale dia mama-phe, kioso kievu o izuelu ia sobha ni ilâmba iê, u bokona mʼonzo ia fesa; na mvale anga uzuela, uixi: Muenexi, tunga soma ku izuua ioso! Ilunji ié ki i ku juuale kiókio, kana ue kudiangamana pholo.

Daniiele 5:8

Bhenhobho Jinjimu joso ja sobha-phe anga ji bokona. Maji a lémbua kutanga o mixinda ioso iòsoneke, mba ku jingunuina sobha o dijimbuluilu diê.

Daniiele 6:21

Daniiele-phe uambela sobha, uixi: Eué, sobha, kola muenhu ki uabhe!

Daniiele 6:6

Bhenhobho ni mavunda ni ilâmba aia kua sobha, anga a mu ambela kiki: Muenexi Ndala, kola muenhu, ki uabhe!

Daniiele 6:7

Ilâmba ioso ia utuminu ué, ni jinguvulu jaʼxi, ni mavunda, ni ilôlo, ni makota, a di-kundu bhuamoxi phala ku sonekesa ngonge ia nganʼetu muenexi, anga i di-bhanga kijila kia kôlo; kuma mu makuinhi atatu a izuua, muthu uoso u bhinga kima kua Nzambi ioso-ioso mba ku muthu uengi ko kué, muenexi, kana, a mu takule mu ngenda ia jihoje.

Matesu 21:9

O mundu iú ua tuamenena, ni iú ua mu kaiela, anga a dikola, exi: Hozana Monʼa Davidi! A tane-ku ueza mu dijina dia Ngana! Hozana ku Diulu!

I Samuuele 10:24

Samuuele anga u ambela mundu uoso, uixi: Mu tadienu, mueneʼó a mu solo kuala Jihova. Mu mundu uoso ki muala muthu uedi kala muene. Mundu uoso anga a dikola, exi: Muenexi a kole muenhu!