Daniiele 2:23 - O Mikanda Ikola

²³ Uixi-phe: Eie, Nzambi ia jitata jami, Tana-ku, eme ngi ku tumbula fuma! Kuma eie ua ngi bhe unjimu ni nguzu; mukonda o ki tua ku bhingi, eie ua ngʼijidisa-kiu, mbata ua tu lomboluela kioso kia katela sobha ku thulu iê.

Daniiele 2:23 Iomraidhean Croise

Dimatekenu 18:17

Jihova anga u zuela, uixi: Kifua Mbalahamu ngi mu dingila kioso ki nganda kubhanga?

Dimatekenu 31:42

Se o Nzambi ia tatʼetu, o Nzambi ia Mbalahamu, a mu mu kuatela uoma kuala Izake, ua kambele ku ngi bhângela, eie hinu ua ngi kaie maku a hatu. Nzambi ua tongolola o hadi iami i nga tale, ni kukalakala kua makuʼami, kiene kia ku bazelela mu usuku ua mazá.

I Jisobha 18:36

Hé ki bhita-phe kuila ki a zubha kubhikila o kithangana kia kubhana o mubhaku ua musa, polofeta Elija u zukama, anga u zuela, uixi: Eie u Jihova, Nzambi ia Mbalahamu, ni Izake, ni Izalaiele, di tukulule mbé lelu a kʼijiie kuma eie-muène u Nzambi mu Izalaiele, ni kuila ue kuma eme ngi ngunza ié, o ima ioso iii nga i bhange mu kizuelu kié.

I Jisobha 8:57

O Ngana dia Nzambi ietu a kale ni etu, kala kia kexile ni ji-tata jetu; ka tuehelele, kana, ka tu xe.

I Malunda 29:10

Mukonda dia kiki, Davidi kia mu bhekela kuximana Nzambi bhu pholo ia kionge kioso, uixi: Tana-ku, eie u Jihova Nzambi ia tatʼ etu Jakobo, ku mivu ni minginda!

I Malunda 29:13

O kiki-phe, Ngana, Eie u Nzambi ietu, tua ku sakidila, tua ximana ue o dijina diê di kôla.

II Malunda 20:6

anga uila, uixi: Àuá! Jihova, tata! Nzambi ia jitata jetu, kifua kʼeie muene u Nzambi mu diulu? Kʼeie muene u Mutumini ku thandu dia mautuminu moso ma akua jixi? O bhu lukuaku lué bhuene bhuala o nguzu ni kutena, ki kuala u tena kubhânga nʼEie.

Jisálamu 21:2

Eie ua mu bhana kia solo o muẋima uê; kua mu imina kia bhingi ni mizumbu iê. (Selah.)

Jisálamu 21:4

Muene ua ku bhingi muenhu, eie ua mu bhana-u; ni kuvula izuua, iiza jinga ngó katé ku hádia ni hádia.

Jisálamu 25:14

Ukamba ua Jihova u kala ni akua uoma uê; u a ejidisa kioso ki kala kikutu kiê.

Jisálamu 50:14

Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Makatukilu 3:15

Nzambi anga u ta-ku dingi kuambela Mozé, uixi: Anʼa Izalaiele ua kà ambela kiki: Jihova, Nzambi ia jitata jenu, Nzambi ia Mbalahamu, Nzambi ia Izake, Nzambi ia Jakobo, ua ngi katula, iú ua ngi tumu ko kuenu; didi diene o dijina diami di xalela-ku, diene dia ku ngi lembalala na-diu kutunda muiji kuiza muiji.

Jisabhu 21:22

Njimu ua soko-bho kubokona mu mbonge ia mazonda, anga u i tolola, he u lundumuina bhoxi o imbaka ia ukuenze uoso ua di fiiala ene.

Jisabhu 24:5

Kuma, o njimu dizonda; o muthu ua di longo kiavulu iu ua zubha, kusuina kuê kuia ni ku di bandekeza.

Jisabhu 8:14

O phangu ni ndongo, ni unjimu ua kidi, u i sanga kokuami; eme ngi kilunji, ni undanda eme ngene na-u.

Ndongixi 7:19

O unjimu u beta kubhana o kusuína ku njimu, kuinhi dia nguvulu jʼejidila kúlua ita ji kala mu mbonge imoxi, ndenge.

Ndongixi 9:16

Bhenhobho nga kiambe muene, ngixi: O unjimu kota o nguzu ndenge; sumbala o unjimu ua ngadiama ka u suuile, o maka mê ka mʼevua jinga.

Ndongixi 9:18

Kuma o unjimu kota, o mata a ita ndenge; maji o mukua ituxi umoxi ngó u zanga ndumba dia jimbote.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Jelemiia 33:3

Dikole kokuami, nda eme ngi ku vutuile ni ngi ku tudile jimene ja ima ionéne, ia kuata ia kolo, i ua kambiʼeie kuijiia.

Daniiele 1:17

O minzangala iuana ienhiʼii, Nzambi anga ua a bhana kuijiia ni kutongoloka mu mixinda ioso ia kusoneka ni mu unjimu; maji o Daniiele ua mu tela-ku o kilunji kia kutetulula isuma ni jinzoji.

Daniiele 2:18

phala a dionde o henda ia Nzambi ia diulu, bhu kaxi ni kijinganu kiki, phala o Daniiele ni akua dianda diê ka fuile kumoxi ni jinjimu joso jene mu Babilónia.

Amoji 3:7

Mukonda Jihova kana-ku kima kia bhanga hé u kamba kuijidisa kikutu kiê ku abhikʼé, o jipolofeta.

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Luka 10:21

Kumbi dienhódio Jezú u sanguluka kiavulu mua Nzumbi Ikôla, uixi: Nga ku ximana Tata, Ngana ia diulu ni ixi! Mukonda imʼiíi ua i suekela jihete ni jinjimu, maji ua i tukuluila anandenge ni iá kejiia kima! Kiene bâ, Tata! Mukonda kiene ki ua mono kia uabha!

Nzuá 11:41

Anga a katula-ku o ditadi. Jezú anga u bhetula mesu bhulu, uixi: Tata, nga ku sakidila kuma eie ua ngʼ ivu.

Nzuá 15:15

Ki ngi mʼixana dingi abhika, kuma mubhika kejiia ioso i bhanga ngana iê. Maji enu nga mʼixana-phe mu makamba, mukonda ima ioso i ngevu kua Tata iami, nga mʼ ijidisa-iu.

Dijingunuinu 1:1

Divulu dia dijingunuinu dia Jezú Kristu dia bhana Nzambi phala kuidikiza jiselevende jê, ima ia bhingi i bhita kindala. Jezú iu ua tumu mukunji uê ku i ijidisa selevende iê Nzuá,

Dijingunuinu 5:5

Kikulakaji kimoxi anga u ngʼambela, uixi: Ku dile. Tala! O Hoji ku muiji ua Juda, mukua Lundânji lua Davidi, ua tambula o kikoue, muène u lenda kubula o sambuadi dia kidimbu didi, ni kujikula o divulu diê.