Daniiele 2:21 - O Mikanda Ikola

²¹ Muene u sondolola o jithembu ni ithangana; muene mukua kutulula o jisobha ku ungana mba u a tudika-ku; muene mukua kuila jinjimu u a bhana unjimu, akua kilunji u a bhana o kuijiia ni uhete.

Daniiele 2:21 Iomraidhean Croise

I Jisobha 10:24

mundu uoso anga a sota kumona o pholo ia Solomá, ni kuívua o kuijiia kuê, kua mu tele Nzambi ku muẋima uê.

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

I Jisobha 4:29

O Nzambi anga u bhana Solomá kuijiia ni kutongoloka kuavulu ni muẋima uakulu mu kutetuluka mukuâ ni kisékele ku ndundu ia kalunga.

I Malunda 22:12

O Jihova-phe a ku bhane kiá ngoho o unjimu ua kuijiia ni kutongoloka, a ku longese bhu kaẋi ni Izalaiele, kioso ki ukala mu ku a tumina, mbé ubhake o kitumu kia Jihova, Nzambi ié.

I Malunda 29:30

Kumoxi ni utuminu uê uoso, ni kutena kuê kuoso; ni ima ioso ia bhiti na-iu muène, ni ku thandu dia Izalaiele, ni ia bhiti ku thandu dia mautuminu oso a jixi jenhojo.

Estere 1:13

Anga u zuela ni adiakimi ejiia phangu ni ndongo ia jithembu ku mivu ni minhamo, kuma kiene ki ejidila mu utuminu uâ, kioso kiambe kubhanga muenexi, bhu dianga hanji kubhita kuzuela ni jimesene ejiia ijila ni ífua iaʼxi.

Jobe 12:18

Ungana ua jisobha uene mu u zubha-ku, anga o mukolo u a kondoloka mu mbunda.

Makatukilu 31:3

muene-phe nga mu izalesa ni Nzumbi ia Nzambi, mu uhete, ni kutongoloka, ni kuijiia, mu ufunu uoso ua kuiudika,

Makatukilu 31:6

Talesa ue, sai mukuâ nga mu bhana-nê phala ku mu kuatekesa, dijina diê Aholiiabe, monʼa Ahisamake, ku muiji ua Dane; ni athu amukuá oso ala jihete, nga a te ku miẋima iâ o kuijiia kua tokala, phala a tene kuiudika ima ioso i nga ku tumu.

Daniiele 1:17

O minzangala iuana ienhiʼii, Nzambi anga ua a bhana kuijiia ni kutongoloka mu mixinda ioso ia kusoneka ni mu unjimu; maji o Daniiele ua mu tela-ku o kilunji kia kutetulula isuma ni jinzoji.

Daniiele 10:1

Mu muvu ua katatu ua Silo, sobha ia Pélesa, Daniiele, a mu edi Belxazale, a mu jingunuina maka; o maka-phe ma kidi, maka ma ita ia dikota ia xikamena kubhanga mu thembu iza-ku. Daniiele muene, maka ua mʼevu kiambote, o kisuma kia mu tetulukila.

Daniiele 11:6

Maji o ki bhua kà bhita tu mivu, kiiadi kiâ a kà di ta mu kikutu; o monʼa-kilumba ua sobha ia ku sulu ua kʼèza kua sobha ia kusuku, mu ta-nê kikutu kia ukamba, maji ka-nda kukala ni muẋima uasoko; o ió ue katena kunanga, né ngó o muiji uê, mbata muhatu iú a ka mu bhakula, ni muene, ni ió oso ejiie ku mu bheka, ni tatʼâ, ni uoso uakexe ku mu suinisa mu jithembu jenhojo.

Daniiele 2:20

Daniiele anga uzuela, uixi: Dijina dia Nzambi a di ximane tunde ku mivu katé ku mivu ia hádia ni hádia, kuma ni unjimu ni nguzu ima iê-muène ngó.

Daniiele 2:23

Uixi-phe: Eie, Nzambi ia jitata jami, Tana-ku, eme ngi ku tumbula fuma! Kuma eie ua ngi bhe unjimu ni nguzu; mukonda o ki tua ku bhingi, eie ua ngʼijidisa-kiu, mbata ua tu lomboluela kioso kia katela sobha ku thulu iê.

Daniiele 2:9

Hé kiene-phe, se mua lémbua ku ngi ijidisa o nzoji, kima kimoxi ngó kia mi kinga: kuma-phe mua funha maka ma makutu, phala ku ngi sabhuila-u bhabha, katé ki somboka o thembu; lémbue-phe, ngi tangedienu o nzoji, nda ngi ki mone kuila, kidi, dijimbuluilu mua soko-bhu ku di bhana.

Daniiele 4:14

U kuata ku dikola ni nguzu ioso, uixi: Muẋiʼú batulenu-u, solalenu-u o jithangu jê, o mafe mê mu ma lalumuna-ku, ibundu iê muangenenu-iu mu kanga; o iama ioso iene kubutama bhu kixina kiê, kaienu-iu, kumoxi ni jinjila jene mu jithangu jê.

Daniiele 4:17

Sendesa iii iatundu ku Alangidi, o ngonge iii iangene ia athu akôla; phala ki bhekele athu ku tongolola kuma, mbé Suke-ku muene utumina o ma-usobha ma athu; u ma bhana uoso a mu andala, katé-ze ni sébhue u mu zangeleka muene ku thandu dia athu.

Daniiele 4:22

Muẋi iú éʼmuene, u sobha, uakulu uazande, o kijingo kié kiakulu kia tuta ku diulu, o ungana ué uabhixila muene katé kua suku oxi.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Loma 13:1

Athu oso ende ni kubelesela o maungana. Kuma kana-ku ungana uengi, ki kale u tunda kua Nzambi; o maungana moso mala-ku, Nzambi muène ua ma tumu.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.