Daniiele 12:9 - O Mikanda Ikola

⁹ Kuala muene: Katuka, Daniiele, mbata makʼama a ma jika, ia ate-ku kidimbu katé kia kʼèza o thembu ia kà sukidilá-ku.

Daniiele 12:9 Iomraidhean Croise

Izaía 29:11

Kienhiki kisuma kioso muene kiolambe mukuâ ni ndunda ia divulu diòjike kidimbu, anga a di tambuisa uoso uejiia kutanga, exi: Tanga-diu, muene uà kela: Ki ngi tena, mukonda diòjike.

Izaía 8:16

Divulu didi dia umbangi a kaiese na-diu momuʼa, o kitumu xina-kiu kidimbu muʼaxaxi ka jixibulu jami.

Daniiele 10:14

O kiki ngeza ku ku ijidisa kioso kia-nda kubhita na-kiu o mundu ué, mu izuua i sukidila-ku; mbata kisuma kiki, kia mu tanga ima ia kʼèza ku hádia.

Daniiele 11:40

O kia kà bhua o jithembu-phe, sobha ia ku sulu ua kà lua-nê, o sobha ia ku suku ue ua kà di lukula mukuâ ni kibhungu mu kúlua-nê ni makalu, ni akua jimonde, ni jinaviiu jandumba. Muenhú u bokona mu jixi u di-zanza momo mukua ni ngiji iezala, anga u somboka.

Daniiele 12:4

Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Daniiele 12:8

Eme-phe kia zuelʼiki nga kʼivu maji ki kia ngi jimbulukila; ngixi-phe: Muadiʼami, tata, imʼii ia kà suka bhebhi?

Daniiele 8:26

O kisuma-phe kia ngoloxi ni kia kimene, kia tange, kia kidi muene; maji eie-phe jika-kiu, kuma kima kia izuua ia hádia.

Dijingunuinu 10:4

Kioso o sambuadi dia kinuminu ki dia zubha kutubhula o mitendu iâ, ngʼandekele kusoneka. Anga ngʼivua dízui ku diulu, dixi: O ima ia tange o sambuadi dia kinuminu jika-iu, i kale ngó mu kasuekèle. Eie kana kusoneka kima!