Daniiele 12:7 - O Mikanda Ikola

⁷ Anga ngʼivua o muthu ua zuatele kizuatu kia linho, iu uakexe kulu dia hungulule ia menha a ngiji, ua zangula lukuaku luê lua dilu ni lukuaku luê lua kiasu ku diulu, iu ua di-lokela kua Iuná uene ku muenhu ki u moneka dizubhilu, uixi: Bhua kà bhita thembu iòxinde, ni jithembu jòxinde, ni kaxaxi ka thembu, o kia kà zubha kubhuisa o kutena kua povo iangene, kiene kiua kia kà bhita o ima ioso iii.

Daniiele 12:7 Iomraidhean Croise

Jobe 27:2

Nzambi a tane-ku! Ua ngi katula o kulúnga kuami, ni Muteni-a-Ioso ua ludisa o muenhu uami.

Izaía 62:12

A-nda ku a luka exi: Mundu Uangene, Jihule ja Jihova; eie-phe a-nda ku ku luka exi: Na Nginde, A-mu-sota; Na Mbanza-ka-mu-ehelela.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Izekiiele 20:5

ua ambela kuma: O Jihova Nzambi uambe kiki: Mu kizuua ki nga solele Izalaiele, nga zanguile o lukuaku luami ku luvualu lua Jakobo, eme nga di-tukuluila kua ene mu ixi ia Ijitu, hé ngi leka o lukuaku luami kua ene, ngixi: Eme Jihova Nzambi ienu.

Daniiele 10:5

nga bhetula mesu anga ngi tala, nga mono-phe muthu uazuata kizuatu kia linho, o mu kinhonga ua di kutu phonda ia ulu ua fina ua Ufaze;

Daniiele 11:13

Mukonda o sobha ia ku suku uanda kuvutukila-ku anga u tula dingi kifuẋi kionéne mu kanga, o kia diangediʼokio ndenge, o ku dizubhilu dia jithembu, mivu muene, ua kʼèza lusolo ni kilômbo kia dikota ni nzungule ia umvuama.

Daniiele 12:6

Umoxi iu uebhula diiala ua zuata kizuatu kia linho, ua kexe kulu dia hungulule ia menha a ngiji, uixi: O kiki, madiuanuʼama, ma kà bhita thembu kuẋi?

Daniiele 12:8

Eme-phe kia zuelʼiki nga kʼivu maji ki kia ngi jimbulukila; ngixi-phe: Muadiʼami, tata, imʼii ia kà suka bhebhi?

Daniiele 4:31

Kiluua a zubha ku ki zuela-phe, sobha, kua mu laukila dízui dia tundu mu diulu, diexi; Sobha Nabukodonozolo a ku ambela kiki: Ungana ua ku bhu!

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Daniiele 7:21

O ki nga kuata kukengelela, ngi mona-phe kuma kalumbinga kenhaka ka kuata kúlua ita ni athuʼê angene akôla a Nzambi, hé uia ni ku a tolola.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Daniiele 8:14

Muene-phe ua ngʼambela, uixi: Kiia katé mu midi jiiadi ni hama jitatu ja jingoloxi ni imene; kuabhu, kididi kiangene kiabhu lufuku, kiazele.

Daniiele 8:24

Ua kà kala muene ni kutena kuavulu, maji ki mu nguzu iê-muène; ua kà bhanga isunji ni kujibha o mundu; ua kà zediua, mu ima ioso ka lémbua kima, kioso kiandala o muẋima uê kiene kia bhanga; mazonda ua kà a bûba, o povo ia akua-Ngana ua kà i buikisa.

Luka 21:14

Tetulukenu-phe mu miẋima ienu, kana ngó kudianga kuxinganeka kioso ki mu vutula.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Matendelelu 26:19

Kifua ua mu bhana o dikuatelu mukonda muene uandala ku ku zangeleka ku thanduʼa ifuẋi ia miji ioso ia bhange; u kale u di tunda diê, u fuma iê, u kijingo kie, u povo ia di zelesa kiasoko; ii ia di lumbila kua Jihova Nzambi ié, kala kia ku ambelele kiá.

Matendelelu 32:36

Mbata Jihova ua-nda kubatuila o povo iê kiaiuka, Jiselevende jê u a kuatela henda. Kia mona kuila abhânge, alémbua, ki bhua subhuka muthu, né fôlo.

Matendelelu 32:40

Kuma nga-nda ku leka lukuaku luami bhulu, ngixi: Eme ngala ni muenhu unangenena katé ku hádia ni hádia.

Matendelelu 7:6

Mbata eie ki ualʼokio u povo iangene ia Jihova Nzambi ié; O Jihova. Nzambi ié ua ku tungula muʼaxaxi ka ifuẋi ioso ia tungu kʼulu dia mundʼuku, phala u kale kiá u povo ia mu fuama muene ngó.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Dijingunuinu 12:14

Muhatu anga a mu bhana mabhabha maiadi ma holokoko ia dikota, phala a bhite bhulu katé mu kikangalakata bhu kididi kiê, bhua mu dikila mu thembu, ni jithembu, ni kaxaxe ka thembu, phala a suamene o pholo ia Kinhoka, kʼaie dingi ni ku mu asa.

Dijingunuinu 12:6

O muhatu anga u lengela mu kikangalakata, mua kala o kididi kiê kia mu iudikila Nzambi. Hé a kala mu ku mu dikila kuenhoko mu midi ia kizuua ni hama jiiadi ni makuinhi a samanu.

Dijingunuinu 13:5

Kiama anga a mu bhana dikanu di zuela ima ia mu tundu, ni isunji iaiibha mu kuxinga Nzambi. Hé a mu bhana kijingo kia kubhanga imbamba iê mu makuinhi auana a mbeji ni jiiadi.

Dijingunuinu 4:10

o makuinhi aiadi a kikulakaji ni iuana, a di bhala bhu pholo ia Muène ua xikama bhu kiandu, hé a mu bheza uene ni muenhu uê mu mivu ia kambe dizubhilu. Hé a takula itundu iâ bhu pholo ia kiandu, exi:

Dijingunuinu 4:9

Kithangana ni kithangana, kioso o iama iuana ki i bhana fuma ni ujitu, ni kusakidila ió ua xikama bhu kiandu, uene ni muenhu uê mu mivu ia kambe dizubhilu,