Daniiele 11:40 - O Mikanda Ikola

⁴⁰ O kia kà bhua o jithembu-phe, sobha ia ku sulu ua kà lua-nê, o sobha ia ku suku ue ua kà di lukula mukuâ ni kibhungu mu kúlua-nê ni makalu, ni akua jimonde, ni jinaviiu jandumba. Muenhú u bokona mu jixi u di-zanza momo mukua ni ngiji iezala, anga u somboka.

Daniiele 11:40 Iomraidhean Croise

Izaía 21:1

Muzambu ua tokala kiphenza kia kizanga kia kalunga. Kala o ibhungu ia kitembu kia sulu ki kungulula ioso, kiene ue kia kà tunda muene ku kikangalakata, ku mukáu u kuatesa uoma.

Izaía 5:28

O matoma ma mifula iâ, ma kà songoloka, ni mifula iâ ioso, muene, iolama; o ikoto ia jikabalu jâ, ufika kala ʼtadi dia holototo, o malola ma makalu mâ malenga mukua ni ngumba ia kitumba.

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Jelemiia 4:13

Talesa, muene ua-nda kuiza ni kubanda mukua ni matuta, ni makalu mê mukua ni ngûngu; ʼkabalu jê mu sangama jiholokoko ndenge ku lusolo. Kokolo dietu, etu tua buikʼó!

Izekiiele 38:4

nga-nda ku ku bhangesa kuvutuka, kuma nga-nda ku ku ta jinzolo mu jinganzuánzua anga ngi ku ambata ni eie ni kifuẋi kié kioso kia masoladi, ni tubalu ni iá a mondala tubalu, a di zakela kiambote, kifuẋi kia dikota, edi ni ngubu ni kadiakonda, o ene oso ejiia kukuata o xibhata.

Izekiiele 38:9

Kienhokio-phe, ua kà banda, hé ua kʼèza kala kibhungu, anga ua kà di bhanga kala dituta phala kuvungina o ngongo, ni eie ni masoladiʼé oso, ni ifuẋi ia vulu ia ku bande.

Daniiele 11:10

Maji anʼê a kà di ta mu kúlua ita, a ka phopha ndumba dia ilômbo ia makuenze; umoxi mudiâ anga ua kʼèza ni lusolo, u koka o mundu uoso anga u somboka, u vutukila dingi ku di-ta mu ita, hé uia ni kúlua katé ku mbonge ia sulu.

Daniiele 11:11

Bhenhobho-phe, o sobha ia ku sulu ua kà di-vunza, anga u tunda mu kúlua-nê, mu kúlua ni sobha ia iú ue ua-nda kutubhula mu kanga kifuẋi kionéne kia makuenze, maji kifuẋi kioso kia tokala ku mbandu ia jinguma jê a kà ki seiela bhu lukuaku luê.

Daniiele 11:13

Mukonda o sobha ia ku suku uanda kuvutukila-ku anga u tula dingi kifuẋi kionéne mu kanga, o kia diangediʼokio ndenge, o ku dizubhilu dia jithembu, mivu muene, ua kʼèza lusolo ni kilômbo kia dikota ni nzungule ia umvuama.

Daniiele 11:22

O ilômbo ia tokalele ku mu tolola muene, muene ua kà i tolola hé u i muanga-muanga katé kiá ni kilamba kia tuamenena jinga ku kikutu.

Daniiele 11:25

O kia-nda ku di ta ku pholo ia kilômbo kia dikota kia masoladi mê, ni huii iê ua-nda kubalukila sobha ia ku sulu ni kilômbo kionéne. O sobha ia ku sulu ue ua kà di kasela nzungule ia athu, phala kuia mu ita ienhiʼii ni kilômbo kionéne, o kia-nda ku di ta-mu, kusuína kuahi ngó, maji ka-nda kunanga mukonda a-nda ku mu muena ndunge ia ku mu tolola.

Daniiele 11:35

Amoxi ku athu a tetuluka kilunji a kà dibhala, mbé o ku a lola kujiza kuâ phala ku a eẋika ni ku a zelesa-phe, katé bhua kà bhuila o kithangana, mukonda o thembu ia dizubhilu ki iza, katé bhu kithangana kiê kioso kia tokala kia i xindi.

Daniiele 11:39

Ua kà sota kúlua o imbaka ia jinzo ja ukuenze ua mbonge ni dikuatekesu dia nzambi iengi; oso a dʼivua-nê ua kà a vudixila o kijingo; u a bhana kutumina ilunga ia athu avulu, u a uanena oxi ni ku a bhana-iu ku maluvu-a-kitanda.

Daniiele 11:7

Maji o bhu kixina kia jindanji jê, bhu kala kisabhukila, kuene kua kà balumuka muthu uiza bhu kididi kiê-muène, anga ua kʼèza ni kilômbo kia masoladi, hé u bokona mu jimbonge ja sobha ia kusuku, anga u a bhondeleka, u a tolola.

Daniiele 12:4

Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Daniiele 12:9

Kuala muene: Katuka, Daniiele, mbata makʼama a ma jika, ia ate-ku kidimbu katé kia kʼèza o thembu ia kà sukidilá-ku.

Daniiele 8:17

Muene ueza bhua zukama ni bhu ngala eme; o kia mu kuiza muene kiki, uôma ua ngi kuata, nga di-ṗhudika pholo bhoxi. Muene-phe ua ngʼambela, uexi: Tongoloka, monʼa muthu, kuma kisuma kiki kia kà di kumbidila ku dizubhilu dia thembu.

Habakuke 3:14

Mazonda mê ma ita, eie ua a ṗhuangununa o mútue ni makoue ma ene muene; ene a di lukuila kokuami mukuâ ni kitembu kia vulu phala ku ngi muanga; a sangulukile mudiâ kala ala mu sota kuminha o ngadiama, mu kasuekele.

Zakadiia 9:14

Jihova a kà mu muena ku thandu dia anʼa Ziione; o misongo iê ia kà tunda kala jinzaji ja mvula iala mu telaka; Jihova Nzambi ua kà xikisa koloneta anga ua kʼàia ni ibhungu ia kitembu kia Sulu.

Dijingunuinu 16:12

Anju ia kasamanu anga u lundulula o nganza iê mu honga ia dikota ia Eufalate. Menha mê anga ma kukuta, phala bhu di bhange njila ia jisobha jʼijila ku tundila o dikumbi.

Dijingunuinu 9:16

Anga ngʼivua kuila o ifuẋi ia masoladi akua jikabalu, konda iâ ia tena kuinhi dia midi dia ibuka, kala kibuka kuinhi dia midi ia muthu.