Daniiele 11:4 - O Mikanda Ikola

⁴ Maji, o kia kà bhiẋila bhu ditala dia kijingo kionéne, u tukumuka utuminu a mu muangena-u, anga a u uanena ku thungi jiuana ja diulu. Maji o mbutu iê-muène ka kà tambula-ku kima, né ngó kuila kala muene ua u hingile, mbata o utuminu uê a-nda ku mu Tambula-u, anga a u bhitisa ku athu engi, maji o muiji uê-muène kana.

Daniiele 11:4 Iomraidhean Croise

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Jelemiia 12:15

Anga kia kà bhita, kuila ki nga kà zubha ku a vuza kiá, ngi vutukila-ku anga nga a lendukila hé nga vutula dingi, muthu ni muthu ku ubhinganu uê, muthu ni muthu kʼoxi iê.

Jelemiia 12:17

O ki ela-phe nguâ kuivua, muiji uenhó hinu nga kà u vuza hé u bhua-bhu anga nga a jimisa o mbutu, Jihova ua ki tange.

Jelemiia 18:7

Bhu kithangana kioso ki ngi kanena o kifuxi mba utuminu, phala ku u vuza, ni ku u lundumuna, ni ku u buikisa.

Jelemiia 31:40

Dikolo dioso dia imbi ni uthôka, mikáu ioso katé ku honga ia Sedolone, katé bhu thungi ia dibhitu dia Jikabalu, kua lungila ku thunda, ioso a kà i lumbila Jihova; ka kà i vuza dingi, ka kà i bula dingi katé ku hádia ni hádia.

Jelemiia 45:4

Eie-phe u mu tangela kiki: Jihova uambe, uixi: Tala, kioso ki nga tungu, ngi ki bula; o kioso ki nga phaphe, ngi ki vuza; kienhiki muene mu ixi ioso muenhumu.

Jelemiia 49:36

Hé ngi bheka kua Elame o itembu i uana ia thungi ji uana ja diulu, ene anga ngʼa uanena kua tungu o itembu iuana ienhiʼii; ki bhua kà kala ixi mu kamba kuiza jingômbo ja lenge ku Elame.

Izekiiele 37:9

O muene anga u ngʼambela, uixi; Zambula ku nzumbi, zambula eie monʼa diiala, tata, u tangele o nzumbi, uexi: O Jihova Nzambi uambe kiki: Eie u nzumbi, tundila mu itembu i uana iaʼxi, nda u bhuselele ku thandu dia imbi iii, phala eze dingi ku muenhu.

Daniiele 7:2

Daniiele uambe, uixi: Mu kisuma kia usuku nga muene, itembu iuana ia diulu iakexe kúlua ita ku musanza uonene.

Daniiele 7:6

O ki kiabhiti, ngi kuata dingi kukengelela, talesa, kua moneka kiama kiamukuâ kia di-fu ingo, o ku kunda diê kuala mabhabha mauana ma kinjila; o kiama kienhiki kia kexe ni mítue iuana, anga a ki bhana kutumina.

Daniiele 7:8

O ki nga kuata kutongolola jimbinga, talesa, kua fuafue dingi kalumbinga kòfele muʼaxaxi ka jimbingʼeji; o ku jimbinga ja dianga kua vuzuka jitatu phala kuehela kididi mbé o kalumbinga koka. Talesa o kalumbinga kenhaka kakexe ni mesu kala mesu a muthu, ni dikanu, di kuata kuzuela ni izala ioso!

Daniiele 8:22

O ki lua bukuka-phe anga bhu kididi kiê bhu sabhuka mbinga jiuana, kia jimbulula kuma kua kà balumuka ma-utuminu mauana mu kifuẋi kiene kimoxʼiki, maji-phe o nguzu ia ió ua diangele-ku, ki iene dingi.

Daniiele 8:8

Anga kisutu ki di-bhanga munéne uahi ngó, kia kulu kia kômo! Maji kiedi ki bhixila mu kivula-nguzu, a mu bukula lumbinga lua kudile kiokio; anga bhu kididi kiê bhu sabhuka kiá jimbinga jiuana ja madiuanu, ji lunga ku itembu iuana ia diulu.

Zakadiia 2:6

Jihova, uixi: Enu, tata! Ku ixi ia suku kindala lengenu-ku; mukonda nga mi muange mukua ni itembu i uana ia diulu; Jihova muene ua ki tange.

Zakadiia 6:5

Anju anga u ngi vutuila, uixi: Iá, iene itembu i uana ia diulu, iala mu ku tunda ku ia kexile bhu pholo ia Jihova uavu ixi ioso.

Matesu 12:25

Jezú-phe kuma uejiia ioso iala kubanza, uixi: Kilômbo kioso kia sobha se kia di balukila ene mudiâ, kindala ki muangana; mba sanzala ioso, mba dibhata, se a di balukila ene mudiâ, dibhata diodio ki di tungu.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Dijingunuinu 7:1

Kia bhiti kiki, nga mono anju jiuana jemana ku hota jiuana ja ʼxi, ja kuata o itembu iuana ia ʼxi, phala kana kitembu ki bhuke mʼoxi, mba ku musanza ua kalunga, mba ku muxi uoso-uoso.