Daniiele 11:19 - O Mikanda Ikola

¹⁹ Anga ua kà lunga kiá pholo ku jimbonge ja oxi iê-muène, bhuene bhua kà di-bhukanena, anga u di bhana kibhalu, muthu hé uendelela muene, nuka dingi a moneka.

Daniiele 11:19 Iomraidhean Croise

Jobe 20:8

Ua kà tuka, mukuâ ni nzoji, ka kà mu mona dingi; a kà mu lengesa kala kisukila kia usuku.

Jobe 34:24

O Mazonda u a jimisa, sé ku a tokuesa, o bhu ididi iâ hé u ta-bhu athu engi.

Jisálamu 27:2

Kioso akua phulu, jinguma jami ja ngi kàla ni ufe, ki ejiie phala ku ngi dia xitu, a di bhukana, a di vundu bhoxi.

Jisálamu 37:35

Nga muene kiá kisuéia ku kijingo kiavulu; u zanda muene kala kimuẋi kiakômo kia mono mavu.

Jisálamu 37:36

Maji, mu kubhita-bhu dingi, ki ngi mu sange-bhu; nga mu soto hanji, maji uendelela.

Izaía 24:20

Oxi ia kà bhendujuka muene kala hôlua, itunguta, itona, kala kitelembe a ki nhikisa mʼusuku; mulonga uê a kà u xina ku thandu diê; anga idibhala; o ki iia kiá bhoxi, ki ia kà bhetuka dingi.

Jelemiia 46:6

Ua lenguluka ka lenge, o ió uala dizonda ka subhuke; ku mbandu ia kusuku, bhu ndundu ia honga ia Ufalate bhene bhua dibhukanena ia a-di-bhale.

Izekiiele 26:21

Eie-phe nga-nda kuà ku bhanga kima ki di uanesa kinéne, mukonda kua kà moneka dingi, katé kiá ku hádia ni hádia, né a ku sota, kua kà moneka dingi, Jihova Nzambi ua ki tange.

Daniiele 11:7

Maji o bhu kixina kia jindanji jê, bhu kala kisabhukila, kuene kua kà balumuka muthu uiza bhu kididi kiê-muène, anga ua kʼèza ni kilômbo kia masoladi, hé u bokona mu jimbonge ja sobha ia kusuku, anga u a bhondeleka, u a tolola.