Daniiele 11:18 - O Mikanda Ikola

¹⁸ O ki kia kà bhita, ua-nda ku lunga kiá pholo ku ikolo ia musanza ua kalunga, anga u tolola-ku ikolo iavulu, maji bhu kala-phe kilamba kimoxi, o muenhú ua-nda ku mu tolola, kifua ua mu bhuisa ukumbu anga u mu bhangesa kuila o izala ia ukumbu uê i laukila ku thandu diê muene.

Daniiele 11:18 Iomraidhean Croise

Estere 10:1

Kia zubha kubhita imʼii, muenexi Asuuelu anga ubhinjika mundu kuzonga dijimu, ni mu ixi ioso, ni mu ikolo ia kalunga.

Izaía 66:19

Nga kà ta kijimbuete muʼaxaxi kâ, oso-phe a bhulaka-ku nganda ku a tumikisa ku ifuẋi, ku Talxixi ni ku Phulu, ni ku Ludi, akua kuoleka o mufula, ku Tubale ni ku Javane, katé ku ikolo ia makanga, kua oso fuma iami kiluua a ivua, kijingo kiami ue nuka a ki muene; kuenhoko a kà tanga-ku o fuma ia ungana uami muʼaxaxi ka akua jixi.

Jelemiia 2:10

Kala kiki, bhitenu ku ikola ia Kitimi, mu tale; tumenu ue ku Kedale, mu tongolole kiambote, ni mu mone se kua bhitile kiá kia di-fu kala kiki.

Jelemiia 31:10

Ivuenu kizuelu kia Jihova, enu mu miji iʼathu, mu ki tangele ku ikolo ia takuka ku makanga, muexi: Ió ua tena kumuanga Izalaiele, ua-nda ku muʼongeka dingi hé u mu langa kala mubidi kia langa kilunga kiê kia jimbudi.

Izekiiele 27:6

O mikaluvádiu ia Basane iene ia bhange na-iu o ihandu phala eie; o dianda dia akua Sídia, a ku bhangela o ibaka ia mazu ma nzamba, ma ikolo ia akua Kitimi.

Hozeia 12:14

Ifalaíme ua lokalala kiavulu muene o njinda ia Jihova, maji o manhinga mê ma bhubhisa a-nda ku mu lunduluila-u ku thandu dia mútue uê, o Ngana iê ua-nda ku mu bhana o futu ia fuama o maufusa mê.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Matesu 7:2

Mbata, o kubatula kuoso ku mu batuila na-ku akuenu, enu uenu kiene Nzambi kia kà mi batuila; ni nzôngo ioso i mu zongela na-iu akuenu, enu uenu a ka mi zongela-iu dingi.

Afundixi 1:7

Adoni-bezeke anga u zuela, uixi: Makuinhi sambuadi a sobha a kumbuka milembu ia ikota ia maku ni ia inama, a kexi mu nona jisesekenha mʼoxi a meza ami; kioso ki nga bhangele eme, Nzambi ua ngi futu-kiu. Anga a mu bheka mu Jeluzaleme, hé u fuila momo.