Daniiele 11:15 - O Mikanda Ikola

¹⁵ O sobha ia ku suku-phe anga uiza uimika imbaka, anga o mbanza ia nguzu ua kà i tambula; o ilôlo-phe ia akua Sulu kusenduka kuâ kua a tula, o ifuẋi ié iòsole ue kusenduka kuâ, nguzu ia ku di fikidila ka-nda ku i mona.

Daniiele 11:15 Iomraidhean Croise

Jelemiia 33:4

Mukonda Jihova, Nzambi ia Izalaiele, uambe kiki, ku jinzu ja mbonge iii, ni ku jinzu ja sobha ia Juda ja bulu ni matalabuku ni ku xibhata

Jelemiia 5:10

Sambelenu ku imbaka iâ, mu a buidise: jithangu jê saunenu-ju, mbata ki ja Jihova.

Jelemiia 52:4

Mu ku bhiẋila-phe mu muvu ua kávua, ua utuminu uê, bhu mbeji ia kakuinhi, mu kizuua kia kakuinhi ku mbeji kiene kieza Nabukodonozolo, sobha ia Babilonha, mu kúlua ni Jeluzaleme, muene ni Kifuẋi kiê kioso kia masoladi anga a mu tela kibènge hé a mu kandeia jimbonge mu jimbandu joso.

Jelemiia 6:6

Mbata Jihova dia Ilombo Ieta, uambe kiki: Batulenu muxi, mu tunge imbaka mu ku bilukila Jeluzaleme; iii iene o mbonge ia-nda kutalesa hadi; usuéia mu usuéia ngó ua tungu muʼaxaxi kê.

Izekiiele 17:17

O Falaó, né kiá ni kifuẋi kia dikota, mba ndumba ia masoloadi, ka-nda kutena kubhanga kima kioso-kioso ku ita ni muene, né u kanda jimbonge mba u tunga imbaka, phala kubuikisa mienhu iavulu.

Izekiiele 4:2

O iene ta na-iu mu mukonda u i tungile kimbaka, u i kandele mbonge mu jimbandu, u i tele ilômbo mu jimbandu, ni a bulaimbaka mu jimbandu.

Daniiele 11:14

Mu jithembu jiná ue avulu a-nda kubalukila sobha ia ku sulu; o anʼa ihuende, o ibalukutu ié, a kà balumuka ue phala kutenesa kioso kiambe o kisuma kienhiki, maji a kà lauka-phe bhoxi.

Daniiele 11:6

Maji o ki bhua kà bhita tu mivu, kiiadi kiâ a kà di ta mu kikutu; o monʼa-kilumba ua sobha ia ku sulu ua kʼèza kua sobha ia kusuku, mu ta-nê kikutu kia ukamba, maji ka-nda kukala ni muẋima uasoko; o ió ue katena kunanga, né ngó o muiji uê, mbata muhatu iú a ka mu bhakula, ni muene, ni ió oso ejiie ku mu bheka, ni tatʼâ, ni uoso uakexe ku mu suinisa mu jithembu jenhojo.

Daniiele 8:7

Ngi mona kia bhixila bhuala o kilumbe, anga ki kuama kilumbe anga u ki bukula o jimbinga jene jiiadi, kuma kilumbe kia lémbua nguzu ia ku bhânga-nê; kiaii-phe bhoxi, iu ua ki titidila ni inama iê; o u bhângela kilumbe nʼa ki tambhula bhu maku mê, ka moneka.

Josuué 1:5

Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.